೧. ವಿಭಙ್ಗವಾರೋ

ಹೇತುಪಚ್ಚಯೋ

೭೪. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದೋಸೋ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದೋಸೋ ಸಮ್ಪಯುತ್ತಕಾನಂ ಖನ್ಧಾನಂ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

೭೫. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಆಸವವಿಪ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

೭೬. ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದೋಸೋ ಚ ಮೋಹೋ ಚ ಆಸವಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದೋಸೋ ಚ ಮೋಹೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದೋಸೋ ಚ ಮೋಹೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ಆರಮ್ಮಣಪಚ್ಚಯೋ

೭೭. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತೇ ಖನ್ಧೇ ಆರಬ್ಭ ಆಸವಸಮ್ಪಯುತ್ತಕಾ ಖನ್ಧಾ ಉಪ್ಪಜ್ಜನ್ತಿ. (೧)

ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತೇ ಖನ್ಧೇ ಆರಬ್ಭ ಆಸವವಿಪ್ಪಯುತ್ತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೨)

ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತೇ ಖನ್ಧೇ ಆರಬ್ಭ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೩)

೭೮. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ; ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಅರಿಯಾ ಮಗ್ಗಂ…ಪೇ… ಫಲಂ…ಪೇ… ನಿಬ್ಬಾನಂ…ಪೇ… ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಆಸವವಿಪ್ಪಯುತ್ತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ; ವಿಕ್ಖಮ್ಭಿತೇ…ಪೇ… ಪುಬ್ಬೇ…ಪೇ… ಚಕ್ಖುಂ…ಪೇ… ವತ್ಥುಂ ಆಸವವಿಪ್ಪಯುತ್ತೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ. (ಇಧ ಅಸ್ಸಾದನಾ ನತ್ಥಿ) ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ಆಸವವಿಪ್ಪಯುತ್ತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಆಸವವಿಪ್ಪಯುತ್ತಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಮೋಹಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ… ವಿಚಿಕಿಚ್ಛಾ…ಪೇ… ಉದ್ಧಚ್ಚಂ…ಪೇ… ದೋಮನಸ್ಸಂ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ ಝಾನಂ…ಪೇ… ಚಕ್ಖುಂ…ಪೇ… ವತ್ಥುಂ ಆಸವವಿಪ್ಪಯುತ್ತೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ… ದಿಟ್ಠಿ… ದೋಮನಸ್ಸಂ… ವಿಚಿಕಿಚ್ಛಾ… ಉದ್ಧಚ್ಚಂ ಉಪ್ಪಜ್ಜತಿ. (೨)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಕ್ಖುಂ…ಪೇ… ವತ್ಥುಂ ಆಸವವಿಪ್ಪಯುತ್ತೇ ಖನ್ಧೇ ಆರಬ್ಭ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೩)

೭೯. ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದೋಮನಸ್ಸಸಹಗತೇ ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ಆಸವಸಮ್ಪಯುತ್ತಾ ಖನ್ಧಾ ಉಪ್ಪಜ್ಜನ್ತಿ. (೧)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದೋಮನಸ್ಸಸಹಗತೇ ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ಆಸವವಿಪ್ಪಯುತ್ತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೨)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದೋಮನಸ್ಸಸಹಗತೇ ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೩)

ಅಧಿಪತಿಪಚ್ಚಯೋ

೮೦. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಆಸವಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ಆಸವಸಮ್ಪಯುತ್ತಕಾ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಆಸವಸಮ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಆಸವಸಮ್ಪಯುತ್ತಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾಧಿಪತಿ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಆಸವಸಮ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಮೋಹಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೮೧. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ, ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ; ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ…ಪೇ… ಫಲಂ…ಪೇ… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಆಸವವಿಪ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ಆಸವವಿಪ್ಪಯುತ್ತೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೨)

ಅನನ್ತರಪಚ್ಚಯೋ

೮೨. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಸವಸಮ್ಪಯುತ್ತಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಆಸವಸಮ್ಪಯುತ್ತಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ದೋಮನಸ್ಸಸಹಗತಸ್ಸ ವಿಚಿಕಿಚ್ಛಾಸಹಗತಸ್ಸ ಉದ್ಧಚ್ಚಸಹಗತಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಆಸವಸಮ್ಪಯುತ್ತಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

೮೩. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಪಚ್ಛಿಮಸ್ಸ ಪಚ್ಛಿಮಸ್ಸ ದೋಮನಸ್ಸಸಹಗತಸ್ಸ ವಿಚಿಕಿಚ್ಛಾಸಹಗತಸ್ಸ ಉದ್ಧಚ್ಚಸಹಗತಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ಆಸವವಿಪ್ಪಯುತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಆಸವವಿಪ್ಪಯುತ್ತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಆಸವಸಮ್ಪಯುತ್ತಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

೮೪. ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ದೋಮನಸ್ಸಸಹಗತಸ್ಸ ವಿಚಿಕಿಚ್ಛಾಸಹಗತಸ್ಸ ಉದ್ಧಚ್ಚಸಹಗತಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

ಸಮನನ್ತರಪಚ್ಚಯಾದಿ

೮೫. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ಛ… ನಿಸ್ಸಯಪಚ್ಚಯೇನ ಪಚ್ಚಯೋ… ನವ.

ಉಪನಿಸ್ಸಯಪಚ್ಚಯೋ

೮೬. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಆಸವಸಮ್ಪಯುತ್ತಾ ಖನ್ಧಾ ಆಸವಸಮ್ಪಯುತ್ತಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಆಸವಸಮ್ಪಯುತ್ತಾ ಖನ್ಧಾ ಆಸವವಿಪ್ಪಯುತ್ತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಆಸವಸಮ್ಪಯುತ್ತಕಾ ಖನ್ಧಾ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೮೭. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸೀಲಂ…ಪೇ… ಪಞ್ಞಂ… ಕಾಯಿಕಂ ಸುಖಂ…ಪೇ… ಸೇನಾಸನಂ… ಮೋಹಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ; ಸದ್ಧಾ…ಪೇ… ಪಞ್ಞಾ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಮೋಹೋ ಚ ಸದ್ಧಾಯ…ಪೇ… ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಪಞ್ಞಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ… ಮೋಹಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಮೋಹೋ ಚ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಾ… ಸೀಲಂ…ಪೇ… ಮೋಹೋ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೮೮. ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ …ಪೇ…. ಪಕತೂಪನಿಸ್ಸಯೋ – ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಆಸವಸಮ್ಪಯುತ್ತಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಪುಚ್ಛಿತಬ್ಬಂ ಮೂಲಂ) ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಆಸವಸಮ್ಪಯುತ್ತಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಪುರೇಜಾತಪಚ್ಚಯೋ

೮೯. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಆಸವವಿಪ್ಪಯುತ್ತಾನಂ ಖನ್ಧಾನಂ ಮೋಹಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಆಸವಸಮ್ಪಯುತ್ತಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಆರಬ್ಭ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. ವತ್ಥುಪುರೇಜಾತಂ – ವತ್ಥು ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಪಚ್ಛಾಜಾತಪಚ್ಚಯೋ

೯೦. ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಆಸವಸಮ್ಪಯುತ್ತಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಆಸವವಿಪ್ಪಯುತ್ತಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಆಸೇವನಪಚ್ಚಯೋ

೯೧. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ… ನವ (ಆವಜ್ಜನಾಪಿ ವುಟ್ಠಾನಮ್ಪಿ ನತ್ಥಿ ).

ಕಮ್ಮಪಚ್ಚಯೋ

೯೨. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಆಸವಸಮ್ಪಯುತ್ತಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಚೇತನಾ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಆಸವಸಮ್ಪಯುತ್ತಕಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಮೋಹಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಆಸವವಿಪ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ ಆಸವವಿಪ್ಪಯುತ್ತಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ವಿಪಾಕಪಚ್ಚಯೋ

೯೩. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ಏಕಂ.

ಆಹಾರಪಚ್ಚಯೋ

೯೪. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಆಹಾರಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಾ ಆಹಾರಾ ಚಿತ್ತಸಮುಟ್ಠಾನಾನಂ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಆಹಾರಾ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಆಸವಸಮ್ಪಯುತ್ತಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಮೋಹಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೩)

೯೫. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಆಸವವಿಪ್ಪಯುತ್ತಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೧)

ಇನ್ದ್ರಿಯಪಚ್ಚಯಾದಿ

೯೬. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ… ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಛ.

ವಿಪ್ಪಯುತ್ತಪಚ್ಚಯೋ

೯೭. ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಆಸವಸಮ್ಪಯುತ್ತಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಆಸವಸಮ್ಪಯುತ್ತಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ. ವಿತ್ಥಾರೇತಬ್ಬಂ). (೧)

೯೮. ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಆಸವಸಮ್ಪಯುತ್ತಕಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ದೋಮನಸ್ಸಸಹಗತಾನಂ ವಿಚಿಕಿಚ್ಛಾಸಹಗತಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅತ್ಥಿಪಚ್ಚಯೋ

೯೯. ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ. (೧)

ಆಸವಸಮ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಆಸವಸಮ್ಪಯುತ್ತಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಮೋಹಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಆಸವಸಮ್ಪಯುತ್ತಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಸಹಜಾತಸದಿಸಂ). (೩)

೧೦೦. ಆಸವವಿಪ್ಪಯುತ್ತೋ ಧಮ್ಮೋ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ, ವಿತ್ಥಾರೇತಬ್ಬಂ). (೧)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ದೋಮನಸ್ಸಂ ಉಪ್ಪಜ್ಜತಿ, ವತ್ಥು ಆಸವಸಮ್ಪಯುತ್ತಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಆಸವವಿಪ್ಪಯುತ್ತೋ ಧಮ್ಮೋ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಆರಬ್ಭ ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೩)

೧೦೧. ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಆಸವಸಮ್ಪಯುತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ… ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಏಕೋ ಖನ್ಧೋ ಚ ಮೋಹೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ; ದ್ವೇ ಖನ್ಧಾ ಚ…ಪೇ…. (೧)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಆಸವಸಮ್ಪಯುತ್ತಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ವಿಚಿಕಿಚ್ಛಾಸಹಗತಾ ಉದ್ಧಚ್ಚಸಹಗತಾ ಖನ್ಧಾ ಚ ವತ್ಥು ಚ ಮೋಹಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಆಸವಸಮ್ಪಯುತ್ತಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಆಸವಸಮ್ಪಯುತ್ತಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಆಸವಸಮ್ಪಯುತ್ತೋ ಚ ಆಸವವಿಪ್ಪಯುತ್ತೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಚ ಆಸವವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಏಕೋ ಖನ್ಧೋ ಚ ಮೋಹೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ…. ಸಹಜಾತೋ – ದೋಮನಸ್ಸಸಹಗತೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಮೋಹಸ್ಸ ಚ…ಪೇ… ದ್ವೇ ಖನ್ಧಾ ಚ…ಪೇ…. (೩)