೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಆಸವಂ ಧಮ್ಮಂ ಪಟಿಚ್ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾಸವಂ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ, ದಿಟ್ಠಾಸವಂ ಪಟಿಚ್ಚ ಕಾಮಾಸವೋ ಅವಿಜ್ಜಾಸವೋ, ಅವಿಜ್ಜಾಸವಂ ಪಟಿಚ್ಚ ಕಾಮಾಸವೋ ದಿಟ್ಠಾಸವೋ, ಭವಾಸವಂ ಪಟಿಚ್ಚ ಅವಿಜ್ಜಾಸವೋ, ದಿಟ್ಠಾಸವಂ ಪಟಿಚ್ಚ ಅವಿಜ್ಜಾಸವೋ (ಏಕೇಕಮ್ಪಿ ಚಕ್ಕಂ ಕಾತಬ್ಬಂ). (೧)

ಆಸವಂ ಧಮ್ಮಂ ಪಟಿಚ್ಚ ನೋಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಸವಂ ಪಟಿಚ್ಚ ಆಸವಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೨)

ಆಸವಂ ಧಮ್ಮಂ ಪಟಿಚ್ಚ ಆಸವೋ ಚ ನೋಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಕಾಮಾಸವಂ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ (ಚಕ್ಕಂ). (೩)

೨. ನೋಆಸವಂ ಧಮ್ಮಂ ಪಟಿಚ್ಚ ನೋಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಆಸವಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಂ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ನೋಆಸವಂ ಧಮ್ಮಂ ಪಟಿಚ್ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಆಸವೇ ಖನ್ಧೇ ಪಟಿಚ್ಚ ಆಸವಾ. (೨)

ನೋಆಸವಂ ಧಮ್ಮಂ ಪಟಿಚ್ಚ ಆಸವೋ ಚ ನೋಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಆಸವಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಆಸವಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೩. ಆಸವಞ್ಚ ನೋಆಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮಾಸವಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ದಿಟ್ಠಾಸವೋ ಅವಿಜ್ಜಾಸವೋ (ಚಕ್ಕಂ ಬನ್ಧಿತಬ್ಬಂ). (೧)

ಆಸವಞ್ಚ ನೋಆಸವಞ್ಚ ಧಮ್ಮಂ ಪಟಿಚ್ಚ ನೋಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಆಸವಂ ಏಕಂ ಖನ್ಧಞ್ಚ ಆಸವೇ ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೨)

ಆಸವಞ್ಚ ನೋಆಸವಞ್ಚ ಧಮ್ಮಂ ಪಟಿಚ್ಚ ಆಸವೋ ಚ ನೋಆಸವೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಆಸವಂ ಏಕಂ ಖನ್ಧಞ್ಚ ಕಾಮಾಸವಞ್ಚ ಪಟಿಚ್ಚ ತಯೋ ಖನ್ಧಾ ದಿಟ್ಠಾಸವೋ ಅವಿಜ್ಜಾಸವೋ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ…ಪೇ… (ಚಕ್ಕಂ. ಸಂಖಿತ್ತಂ). (೩)