೧. ವಿಭಙ್ಗವಾರೋ

ನಹೇತುಪಚ್ಚಯೋ

೫೩. ಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಂ…ಪೇ… ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಚಿತ್ತಂ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನೋಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಚಿತ್ತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ …ಪೇ… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನೋಚಿತ್ತಂ ಧಮ್ಮಂ ಪಟಿಚ್ಚ ಚಿತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ನೋಚಿತ್ತೇ ಖನ್ಧೇ ಪಟಿಚ್ಚ ಚಿತ್ತಂ; ಅಹೇತುಕಪಟಿಸನ್ಧಿಕ್ಖಣೇ ನೋಚಿತ್ತೇ ಖನ್ಧೇ ಪಟಿಚ್ಚ ಚಿತ್ತಂ; ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಂ. (೨)

ನೋಚಿತ್ತಂ ಧಮ್ಮಂ ಪಟಿಚ್ಚ ಚಿತ್ತೋ ಚ ನೋಚಿತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ನೋಚಿತ್ತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ. (೩)

ಚಿತ್ತಞ್ಚ ನೋಚಿತ್ತಞ್ಚ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಚಿತ್ತಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ ಚ…ಪೇ… ಅಹೇತುಕಪಟಿಸನ್ಧಿಕ್ಖಣೇ ನೋಚಿತ್ತಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ, ದ್ವೇ ಖನ್ಧೇ ಚ…ಪೇ… ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಞ್ಚ ವತ್ಥುಞ್ಚ ಪಟಿಚ್ಚ ನೋಚಿತ್ತಾ ಖನ್ಧಾ, ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಚಿತ್ತಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯೋ

೫೪. ಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಚಿತ್ತಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ…. (೧)

ನೋಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೋಚಿತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… (ಯಾವ ಅಸಞ್ಞಸತ್ತಾ). (೨)

ಚಿತ್ತಞ್ಚ ನೋಚಿತ್ತಞ್ಚ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಚಿತ್ತಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಚಿತ್ತಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಚಿತ್ತಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಕಟತ್ತಾರೂಪಂ, ಚಿತ್ತಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೧)

ನಅಧಿಪತಿಪಚ್ಚಯಾದಿ

೫೫. ಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ … ಪಞ್ಚ… ನಅನನ್ತರಪಚ್ಚಯಾ…ಪೇ… ನಉಪನಿಸ್ಸಯಪಚ್ಚಯಾ… ತೀಣಿ.

ನಪುರೇಜಾತಪಚ್ಚಯಾದಿ

೫೬. ಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಚಿತ್ತಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಕಟತ್ತಾ ಚ ರೂಪಂ. (೧)

ನೋಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನೋಚಿತ್ತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ನೋಚಿತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… (ಯಾವ ಅಸಞ್ಞಸತ್ತಾ). (೧)

ನೋಚಿತ್ತಂ ಧಮ್ಮಂ ಪಟಿಚ್ಚ ಚಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನೋಚಿತ್ತೇ ಖನ್ಧೇ ಪಟಿಚ್ಚ ಚಿತ್ತಂ; ಪಟಿಸನ್ಧಿಕ್ಖಣೇ… ವತ್ಥುಂ ಪಟಿಚ್ಚ ಚಿತ್ತಂ. (೨)

ನೋಚಿತ್ತಂ ಧಮ್ಮಂ ಪಟಿಚ್ಚ ಚಿತ್ತೋ ಚ ನೋಚಿತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಅರೂಪೇ ನೋಚಿತ್ತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ. (೩)

ಚಿತ್ತಞ್ಚ ನೋಚಿತ್ತಞ್ಚ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನೋಚಿತ್ತಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಚ…ಪೇ… ನೋಚಿತ್ತೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಚಿತ್ತಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಚಿತ್ತಞ್ಚ ವತ್ಥುಞ್ಚ ಪಟಿಚ್ಚ ನೋಚಿತ್ತಾ ಖನ್ಧಾ; ಪಟಿಸನ್ಧಿಕ್ಖಣೇ ಚಿತ್ತಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಕಟತ್ತಾರೂಪಂ, ಚಿತ್ತಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೧)

ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ….

ನಕಮ್ಮಪಚ್ಚಯೋ

೫೭. ಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಚೇತನಾ. (೧)

ನೋಚಿತ್ತಂ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೋಚಿತ್ತೇ ಖನ್ಧೇ ಪಟಿಚ್ಚ ಸಮ್ಪಯುತ್ತಕಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ…. (೧)

ಚಿತ್ತಞ್ಚ ನೋಚಿತ್ತಞ್ಚ ಧಮ್ಮಂ ಪಟಿಚ್ಚ ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೋಚಿತ್ತೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ಸಮ್ಪಯುತ್ತಕಾ ಚೇತನಾ (ಸಂಖಿತ್ತಂ). (೧)