೧. ವಿಭಙ್ಗವಾರೋ

ಹೇತುಪಚ್ಚಯೋ

೩೪೦. ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಬಾಹಿರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಬಾಹಿರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಬಾಹಿರಾನಞ್ಚ ಕಟತ್ತಾರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಬಾಹಿರಾ ಹೇತೂ ಚಿತ್ತಸ್ಸ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಬಾಹಿರಾ ಹೇತೂ ಚಿತ್ತಸ್ಸ ಅಜ್ಝತ್ತಿಕಾನಞ್ಚ ಕಟತ್ತಾರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಬಾಹಿರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಬಾಹಿರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ಆರಮ್ಮಣಪಚ್ಚಯೋ

೩೪೧. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಿತ್ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. (ಮೂಲಂ ಪುಚ್ಛಿತಬ್ಬಂ) ಚಿತ್ತಂ ಆರಬ್ಭ ಬಾಹಿರಾ ಖನ್ಧಾ ಉಪ್ಪಜ್ಜನ್ತಿ. (ಮೂಲಂ ಪುಚ್ಛಿತಬ್ಬಂ) ಚಿತ್ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ…ಪೇ… ಫಲಂ…ಪೇ… ನಿಬ್ಬಾನಂ ಪಚ್ಚವೇಕ್ಖನ್ತಿ… ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಅರಿಯಾ ಬಾಹಿರೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ… ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ರೂಪೇ…ಪೇ… ವತ್ಥುಂ ಬಾಹಿರೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ಬಾಹಿರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ… ಫೋಟ್ಠಬ್ಬಾಯತನಂ…ಪೇ… ಬಾಹಿರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಂ…ಪೇ… (ಸಂಖಿತ್ತಂ, ಸಬ್ಬಂ ಕಾತಬ್ಬಂ) ಪುಬ್ಬೇ ಸಮುದಾಚಿಣ್ಣೇ…ಪೇ… ರೂಪೇ…ಪೇ… ವತ್ಥುಂ ಬಾಹಿರೇ ಖನ್ಧೇ ಅನಿಚ್ಚತೋ…ಪೇ… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ…ಪೇ… ಬಾಹಿರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ (ಸಂಖಿತ್ತಂ, ಸಬ್ಬಂ ಕಾತಬ್ಬಂ). ಬಾಹಿರೇ ಖನ್ಧೇ ಅನಿಚ್ಚತೋ…ಪೇ… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಫೋಟ್ಠಬ್ಬಾಯತನಂ…ಪೇ… ಬಾಹಿರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಧಿಪತಿಪಚ್ಚಯೋ

೩೪೨. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಚಿತ್ತಂ ಗರುಂ ಕತ್ವಾ ಚಿತ್ತಂ ಉಪ್ಪಜ್ಜತಿ. (೧)

ಅಜ್ಝತ್ತಿಕೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಚಿತ್ತಂ ಗರುಂ ಕತ್ವಾ ಬಾಹಿರಾ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಚಿತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (ಮೂಲಂ) ಆರಮ್ಮಣಾಧಿಪತಿ – ಅಜ್ಝತ್ತಿಕಂ ಚಿತ್ತಂ ಗರುಂ ಕತ್ವಾ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ…ಪೇ… ತೀಣಿ (ದ್ವೇ ಅಧಿಪತೀ ತಿಣ್ಣಮ್ಪಿ ಕಾತಬ್ಬಾ). (೩)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ (ತಿಣ್ಣಮ್ಪಿ ಏಕಾಯೇವ ಅಧಿಪತಿ).

ಅನನ್ತರಪಚ್ಚಯಾದಿ

೩೪೩. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಂ ಪುರಿಮಂ ಚಿತ್ತಂ ಪಚ್ಛಿಮಸ್ಸ ಪಚ್ಛಿಮಸ್ಸ ಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ.

ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಬಾಹಿರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ… ತೀಣಿ (ತಿಣ್ಣಮ್ಪಿ ಏಕಸದಿಸಾ).

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ, ಸಮನನ್ತರಪಚ್ಚಯೇನ ಪಚ್ಚಯೋ… ನವ, ಸಹಜಾತಪಚ್ಚಯೇನ ಪಚ್ಚಯೋ… ನವ (ಪಟಿಚ್ಚಸದಿಸಾ), ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ಪಞ್ಚ (ಪಟಿಚ್ಚಸದಿಸಾ), ನಿಸ್ಸಯಪಚ್ಚಯೇನ ಪಚ್ಚಯೋ… ನವ, (ಪಚ್ಚಯವಾರಸದಿಸಾ).

ಉಪನಿಸ್ಸಯಪಚ್ಚಯೋ

೩೪೪. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಚಿತ್ತಂ ಚಿತ್ತಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ, (ತೀಣಿಪಿ ಪೂರೇತ್ವಾ ಕಾತಬ್ಬಾ, ಚಿತ್ತಸ್ಸಾತಿ ಕಾತಬ್ಬಾ, ಸಮ್ಪಯುತ್ತಕಾನಞ್ಚಾತಿ ಕಾತಬ್ಬಾ).

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ಪುರೇಜಾತಪಚ್ಚಯೋ

೩೪೫. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ …ಪೇ… ಕಾಯಂ ಅನಿಚ್ಚತೋ…ಪೇ… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತಿಕೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ಕಾಯಂ ಅನಿಚ್ಚತೋ…ಪೇ… ವಿಪಸ್ಸತಿ, ಅಸ್ಸಾದೇತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಕಾಯಾಯತನಂ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ಕಾಯಂ ಅನಿಚ್ಚತೋ…ಪೇ… ವಿಪಸ್ಸತಿ, ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಖನ್ಧಾ ಚ ಉಪ್ಪಜ್ಜನ್ತಿ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

೩೪೬. ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ರೂಪೇ…ಪೇ… ಫೋಟ್ಠಬ್ಬೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ವತ್ಥುಪುರೇಜಾತಂ – ವತ್ಥು ಬಾಹಿರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ರೂಪೇ…ಪೇ… ಫೋಟ್ಠಬ್ಬೇ… ವತ್ಥುಂ ಅನಿಚ್ಚತೋ…ಪೇ… ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ವತ್ಥುಪುರೇಜಾತಂ – ವತ್ಥು ಚಿತ್ತಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ರೂಪೇ…ಪೇ… ಫೋಟ್ಠಬ್ಬೇ… ವತ್ಥುಂ ಅನಿಚ್ಚತೋ…ಪೇ… ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಖನ್ಧಾ ಚ ಉಪ್ಪಜ್ಜನ್ತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ವತ್ಥುಪುರೇಜಾತಂ – ವತ್ಥು ಚಿತ್ತಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

೩೪೭. ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಚಕ್ಖಾಯತನಞ್ಚ ವತ್ಥು ಚ ಚಿತ್ತಸ್ಸ…ಪೇ… ಕಾಯಾಯತನಞ್ಚ ವತ್ಥು ಚ ಚಿತ್ತಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ; ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಞ್ಚ ಕಾಯಾಯತನಞ್ಚ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಬಾಹಿರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಚಕ್ಖಾಯತನಞ್ಚ ವತ್ಥು ಚ ಬಾಹಿರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಕಾಯಾಯತನಞ್ಚ ವತ್ಥು ಚ ಬಾಹಿರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ; ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಫೋಟ್ಠಬ್ಬಾಯತನಞ್ಚ ಕಾಯಾಯತನಞ್ಚ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಚಕ್ಖಾಯತನಞ್ಚ ವತ್ಥು ಚ ಚಿತ್ತಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಕಾಯಾಯತನಞ್ಚ ವತ್ಥು ಚ…ಪೇ… ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಫೋಟ್ಠಬ್ಬಾಯತನಞ್ಚ…ಪೇ…. (೩)

ಪಚ್ಛಾಜಾತಾಸೇವನಪಚ್ಚಯಾ

೩೪೮. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅಜ್ಝತ್ತಿಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಅಜ್ಝತ್ತಿಕಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ಪಚ್ಛಾಜಾತಾ ಅಜ್ಝತ್ತಿಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಬಾಹಿರಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ಪಚ್ಛಾಜಾತಾ ಅಜ್ಝತ್ತಿಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಏವಂ ನವಪಿ ಪಞ್ಹಾ ಕಾತಬ್ಬಾ), ಆಸೇವನಪಚ್ಚಯೇನ ಪಚ್ಚಯೋ (ನವ ಪಞ್ಹಾ ಕಾತಬ್ಬಾ).

ಕಮ್ಮ-ವಿಪಾಕಪಚ್ಚಯಾ

೩೪೯. ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಬಾಹಿರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಬಾಹಿರಾ ಚೇತನಾ ವಿಪಾಕಾನಂ ಬಾಹಿರಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಬಾಹಿರಾ ಚೇತನಾ ಚಿತ್ತಸ್ಸ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಬಾಹಿರಾ ಚೇತನಾ ವಿಪಾಕಸ್ಸ ಚಿತ್ತಸ್ಸ ಅಜ್ಝತ್ತಿಕಾನಞ್ಚ ಕಟತ್ತಾರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಬಾಹಿರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಬಾಹಿರಾ ಚೇತನಾ ವಿಪಾಕಾನಂ ಖನ್ಧಾನಂ ಚಿತ್ತಸ್ಸ ಚ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩) ವಿಪಾಕಪಚ್ಚಯೇನ ಪಚ್ಚಯೋ… ನವ.

ಆಹಾರಪಚ್ಚಯೋ

೩೫೦. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಆಹಾರಾ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತಿಕೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅಜ್ಝತ್ತಿಕಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಬಾಹಿರಾನಞ್ಚ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೩)

೩೫೧. ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಬಾಹಿರಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಬಾಹಿರೋ ಕಬಳೀಕಾರೋ ಆಹಾರೋ ಬಾಹಿರಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೧)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಬಾಹಿರಾ ಆಹಾರಾ ಚಿತ್ತಸ್ಸ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಬಾಹಿರಾ ಆಹಾರಾ ಚಿತ್ತಸ್ಸ ಅಜ್ಝತ್ತಿಕಾನಞ್ಚ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಬಾಹಿರೋ ಕಬಳೀಕಾರೋ ಆಹಾರೋ ಅಜ್ಝತ್ತಿಕಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೨)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಬಾಹಿರಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಬಾಹಿರಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಬಾಹಿರೋ ಕಬಳೀಕಾರೋ ಆಹಾರೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೩)

೩೫೨. ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಆಹಾರಾ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಬಾಹಿರಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅಜ್ಝತ್ತಿಕಾ ಚ ಬಾಹಿರಾ ಚ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಬಾಹಿರಾನಞ್ಚ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೨)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೩)

ಇನ್ದ್ರಿಯಪಚ್ಚಯೋ

೩೫೩. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಇನ್ದ್ರಿಯಾ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಿನ್ದ್ರಿಯಂ ಕಾಯವಿಞ್ಞಾಣಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತಿಕೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಅಜ್ಝತ್ತಿಕಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಬಾಹಿರಾನಞ್ಚ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಕಾಯಿನ್ದ್ರಿಯಂ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೨)

ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಕಾಯಿನ್ದ್ರಿಯಂ ಕಾಯವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೩)

೩೫೪. ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಬಾಹಿರಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಬಾಹಿರಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಬಾಹಿರಾನಞ್ಚ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ರೂಪಜೀವಿತಿನ್ದ್ರಿಯಂ ಬಾಹಿರಾನಂ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಬಾಹಿರಾ ಇನ್ದ್ರಿಯಾ ಚಿತ್ತಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಬಾಹಿರಾ ಇನ್ದ್ರಿಯಾ ಚಿತ್ತಸ್ಸ ಅಜ್ಝತ್ತಿಕಾನಞ್ಚ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ರೂಪಜೀವಿತಿನ್ದ್ರಿಯಂ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೨)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಬಾಹಿರಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಬಾಹಿರಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ರೂಪಜೀವಿತಿನ್ದ್ರಿಯಂ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೩)

೩೫೫. ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಇನ್ದ್ರಿಯಾ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಚಕ್ಖುನ್ದ್ರಿಯಞ್ಚ ಉಪೇಕ್ಖಿನ್ದ್ರಿಯಞ್ಚ ಚಕ್ಖುವಿಞ್ಞಾಣಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ…ಪೇ… ಕಾಯಿನ್ದ್ರಿಯಞ್ಚ ಸುಖಿನ್ದ್ರಿಯಂ ಚ…ಪೇ… ಕಾಯಿನ್ದ್ರಿಯಞ್ಚ ದುಕ್ಖಿನ್ದ್ರಿಯಞ್ಚ ಕಾಯವಿಞ್ಞಾಣಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಬಾಹಿರಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಅಜ್ಝತ್ತಿಕಾ ಚ ಬಾಹಿರಾ ಚ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಬಾಹಿರಾನಞ್ಚ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಚಕ್ಖುನ್ದ್ರಿಯಞ್ಚ ಉಪೇಕ್ಖಿನ್ದ್ರಿಯಞ್ಚ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ…ಪೇ… ಕಾಯಿನ್ದ್ರಿಯಞ್ಚ ಸುಖಿನ್ದ್ರಿಯಞ್ಚ…ಪೇ… ಕಾಯಿನ್ದ್ರಿಯಞ್ಚ ದುಕ್ಖಿನ್ದ್ರಿಯಞ್ಚ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೨)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಚಕ್ಖುನ್ದ್ರಿಯಞ್ಚ ಉಪೇಕ್ಖಿನ್ದ್ರಿಯಞ್ಚ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ… ಕಾಯಿನ್ದ್ರಿಯಞ್ಚ…ಪೇ…. (೩)

ಝಾನಪಚ್ಚಯಾದಿ

೩೫೬. ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ತೀಣಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಪಞ್ಚ.

ವಿಪ್ಪಯುತ್ತಪಚ್ಚಯೋ

೩೫೭. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ಚಿತ್ತಂ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅಜ್ಝತ್ತಿಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಅಜ್ಝತ್ತಿಕಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತಿಕೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ಅಜ್ಝತ್ತಿಕಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಕಾಯಾಯತನಂ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅಜ್ಝತ್ತಿಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಬಾಹಿರಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಖನ್ಧಾ ಅಜ್ಝತ್ತಿಕಾನಞ್ಚ ಬಾಹಿರಾನಞ್ಚ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ ಸಮ್ಪಯುತ್ತಕಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅಜ್ಝತ್ತಿಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

೩೫೮. ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ಬಾಹಿರಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ವತ್ಥು ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಬಾಹಿರಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಬಾಹಿರಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಬಾಹಿರಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ಪಟಿಸನ್ಧಿಕ್ಖಣೇ ಬಾಹಿರಾ ಖನ್ಧಾ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ವತ್ಥು ಚಿತ್ತಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಚಿತ್ತಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಬಾಹಿರಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಅಜ್ಝತ್ತಿಕಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೩)

೩೫೯. ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಖನ್ಧಾ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಂ – ಪಚ್ಛಾಜಾತಾ…ಪೇ… (ಸಂಖಿತ್ತಂ). (೧)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಬಾಹಿರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೨)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಖನ್ಧಾ…ಪೇ… (ಸಂಖಿತ್ತಂ). (೩)

ಅತ್ಥಿಪಚ್ಚಯಾದಿ

೩೬೦. ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ಪಟಿಸನ್ಧಿಕ್ಖಣೇ ಚಿತ್ತಂ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ಕಾಯಂ ಅನಿಚ್ಚತೋ…ಪೇ… (ಪುರೇಜಾತಸದಿಸಂ, ನಿನ್ನಾನಾಕರಣಂ). ಪಚ್ಛಾಜಾತಂ (ಪಚ್ಛಾಜಾತಸದಿಸಂ ಕಾತಬ್ಬಂ). (೧)

ಅಜ್ಝತ್ತಿಕೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಂ – ಸಹಜಾತಾ ಅಜ್ಝತ್ತಿಕಾ ಖನ್ಧಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ (ಸಂಖಿತ್ತಂ). (೨)

(ಇಧ ಅತ್ಥಿ ಸಬ್ಬಟ್ಠಾನೇ ಸಹಜಾತಂ ಪಚ್ಚಯವಾರಸದಿಸಂ. ಪುರೇಜಾತಂ ಪುರೇಜಾತಸದಿಸಂ. ಪಚ್ಛಾಜಾತಂ ಪಚ್ಛಾಜಾತಸದಿಸಂ ಕಾತಬ್ಬಂ, ನಿನ್ನಾನಾಕರಣಂ).

ಅಜ್ಝತ್ತಿಕೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೩)

೩೬೧. ಬಾಹಿರೋ ಧಮ್ಮೋ ಬಾಹಿರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಬ್ಬಂ ವಿತ್ಥಾರೇತಬ್ಬಂ). (೧)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ). (೨)

ಬಾಹಿರೋ ಧಮ್ಮೋ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ). (೩)

೩೬೨. ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಚಕ್ಖುವಿಞ್ಞಾಣಸಹಗತಾ ಖನ್ಧಾ ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸಹಗತಾ ಖನ್ಧಾ ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಕಾಯವಿಞ್ಞಾಣಸಹಗತಾ ಖನ್ಧಾ ಚ…ಪೇ… ಪಟಿಸನ್ಧಿಕ್ಖಣೇ ಅಜ್ಝತ್ತಿಕಾ ಚ ಬಾಹಿರಾ ಚ ಖನ್ಧಾ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಞ್ಚ ವತ್ಥು ಚ ಚಿತ್ತಸ್ಸ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಕಾಯಾಯತನಞ್ಚ ವತ್ಥು ಚ ಚಿತ್ತಸ್ಸ ಅತ್ಥಿಪಚ್ಚಯೇನ ಪಚ್ಚಯೋ; ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಞ್ಚ ಕಾಯಾಯತನಞ್ಚ ಕಾಯವಿಞ್ಞಾಣಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅಜ್ಝತ್ತಿಕಾ ಚ ಬಾಹಿರಾ ಚ ಖನ್ಧಾ ಪುರೇಜಾತಸ್ಸ ಇಮಸ್ಸ ಅಜ್ಝತ್ತಿಕಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅಜ್ಝತ್ತಿಕಾ ಚ ಬಾಹಿರಾ ಚ ಖನ್ಧಾ ಕಬಳೀಕಾರೋ ಆಹಾರೋ ಚ ಇಮಸ್ಸ ಅಜ್ಝತ್ತಿಕಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅಜ್ಝತ್ತಿಕಾ ಚ ಬಾಹಿರಾ ಚ ಖನ್ಧಾ ರೂಪಜೀವಿತಿನ್ದ್ರಿಯಞ್ಚ ಅಜ್ಝತ್ತಿಕಾನಂ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಬಾಹಿರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ಚಕ್ಖುವಿಞ್ಞಾಣಸಹಗತೋ ಏಕೋ ಖನ್ಧೋ ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಞ್ಚ ದ್ವಿನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… (ಸಹಜಾತಪಚ್ಚಯವಾರಸದಿಸಂ ನಿನ್ನಾನಾಕರಣಂ, ಪಠಮಗಮನಸದಿಸಂಯೇವ. ಸಬ್ಬೇ ಪದಾ ಪಠಮಘಟನಾನಯೇನ ವಿಭಜಿತಬ್ಬಾ). (೨)

ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಅಜ್ಝತ್ತಿಕಸ್ಸ ಚ ಬಾಹಿರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ಚಕ್ಖುವಿಞ್ಞಾಣಸಹಗತೋ ಏಕೋ ಖನ್ಧೋ ಚ ಚಕ್ಖಾಯತನಞ್ಚ ದ್ವಿನ್ನಂ ಖನ್ಧಾನಂ ಚಕ್ಖುವಿಞ್ಞಾಣಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ (ಸಂಖಿತ್ತಂ. ಸಬ್ಬೇ ಪದಾ ವಿಭಜಿತಬ್ಬಾ ಪಠಮಘಟನಾನಯೇನ). (೩)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ.