೫. ಸಂಸಟ್ಠವಾರೋ

೧-೪. ಪಚ್ಚಯಾನುಲೋಮಾದಿ

೩೩೯. ಅಜ್ಝತ್ತಿಕಂ ಧಮ್ಮಂ ಸಂಸಟ್ಠೋ ಬಾಹಿರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ; ಪಟಿಸನ್ಧಿಕ್ಖಣೇ ಚಿತ್ತಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ. (೧)

ಬಾಹಿರಂ ಧಮ್ಮಂ ಸಂಸಟ್ಠೋ ಬಾಹಿರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಬಾಹಿರಂ ಏಕಂ ಖನ್ಧಂ ಸಂಸಟ್ಠಾ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. ಬಾಹಿರಂ ಧಮ್ಮಂ ಸಂಸಟ್ಠೋ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಬಾಹಿರೇ ಖನ್ಧೇ ಸಂಸಟ್ಠಂ ಚಿತ್ತಂ; ಪಟಿಸನ್ಧಿಕ್ಖಣೇ…ಪೇ…. ಬಾಹಿರಂ ಧಮ್ಮಂ ಸಂಸಟ್ಠೋ ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಬಾಹಿರಂ ಏಕಂ ಖನ್ಧಂ ಸಂಸಟ್ಠಾ ದ್ವೇ ಖನ್ಧಾ ಚಿತ್ತಞ್ಚ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)

ಅಜ್ಝತ್ತಿಕಞ್ಚ ಬಾಹಿರಞ್ಚ ಧಮ್ಮಂ ಸಂಸಟ್ಠೋ ಬಾಹಿರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಬಾಹಿರಂ ಏಕಂ ಖನ್ಧಞ್ಚ ಚಿತ್ತಞ್ಚ ಸಂಸಟ್ಠಾ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… (ಸಂಖಿತ್ತಂ). ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ, ಅಧಿಪತಿಯಾ ಪಞ್ಚ (ಸಬ್ಬತ್ಥ ಪಞ್ಚ), ಅವಿಗತೇ ಪಞ್ಚ (ಅನುಲೋಮಂ).

ಅಜ್ಝತ್ತಿಕಂ ಧಮ್ಮಂ ಸಂಸಟ್ಠೋ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಏವಂ ಪಞ್ಚ ಕಾತಬ್ಬಾ, ತೀಣಿಯೇವ ಮೋಹೋ).

ನಹೇತುಯಾ ಪಞ್ಚ, ನಅಧಿಪತಿಯಾ ಪಞ್ಚ, ನಪುರೇಜಾತೇ ಪಞ್ಚ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಪಞ್ಚ, ನಕಮ್ಮೇ ತೀಣಿ, ನವಿಪಾಕೇ ಪಞ್ಚ, ನಝಾನೇ ಪಞ್ಚ, ನಮಗ್ಗೇ ಪಞ್ಚ, ನವಿಪ್ಪಯುತ್ತೇ ಪಞ್ಚ (ಪಚ್ಚನೀಯಂ).