೧. ವಿಭಙ್ಗವಾರೋ

ನಹೇತುಪಚ್ಚಯೋ

೩೨೩. ಅಜ್ಝತ್ತಿಕಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಅಜ್ಝತ್ತಿಕಂ ಕಟತ್ತಾರೂಪಂ. (೧)

ಅಜ್ಝತ್ತಿಕಂ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಬಾಹಿರಂ ಕಟತ್ತಾ ಚ ರೂಪಂ, ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಚಿತ್ತಂ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೨)

ಅಜ್ಝತ್ತಿಕಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಅಜ್ಝತ್ತಿಕಞ್ಚ ಬಾಹಿರಞ್ಚ ಕಟತ್ತಾರೂಪಂ. (೩)

೩೨೪. ಬಾಹಿರಂ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಬಾಹಿರಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ …ಪೇ… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಬಾಹಿರಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಬಾಹಿರೇ ಖನ್ಧೇ ಪಟಿಚ್ಚ ಚಿತ್ತಂ; ಅಹೇತುಕಪಟಿಸನ್ಧಿಕ್ಖಣೇ ಬಾಹಿರೇ ಖನ್ಧೇ ಪಟಿಚ್ಚ ಚಿತ್ತಂ ಅಜ್ಝತ್ತಿಕಂ ಕಟತ್ತಾ ಚ ರೂಪಂ, ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಂ. (೨)

ಬಾಹಿರಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಬಾಹಿರಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ …ಪೇ… ಅಹೇತುಕಪಟಿಸನ್ಧಿಕ್ಖಣೇ ಬಾಹಿರಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ ಅಜ್ಝತ್ತಿಕಞ್ಚ ಬಾಹಿರಞ್ಚ ಕಟತ್ತಾರೂಪಂ, ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಂ ಸಮ್ಪಯುತ್ತಕಾ ಚ ಖನ್ಧಾ. (೩)

೩೨೫. ಅಜ್ಝತ್ತಿಕಞ್ಚ ಬಾಹಿರಞ್ಚ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಅಜ್ಝತ್ತಿಕಂ ಕಟತ್ತಾರೂಪಂ. (೧)

ಅಜ್ಝತ್ತಿಕಞ್ಚ ಬಾಹಿರಞ್ಚ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಬಾಹಿರಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಂ ಚಿತ್ತಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಬಾಹಿರಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಬಾಹಿರಂ ಕಟತ್ತಾ ಚ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಞ್ಚ ಮಹಾಭೂತೇ ಚ ಪಟಿಚ್ಚ ಬಾಹಿರಂ ಕಟತ್ತಾರೂಪಂ, ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಞ್ಚ ವತ್ಥುಞ್ಚ ಪಟಿಚ್ಚ ಬಾಹಿರಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೨)

ಅಜ್ಝತ್ತಿಕಞ್ಚ ಬಾಹಿರಞ್ಚ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಬಾಹಿರಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಅಜ್ಝತ್ತಿಕಞ್ಚ ಬಾಹಿರಞ್ಚ ಕಟತ್ತಾರೂಪಂ, ದ್ವೇ ಖನ್ಧೇ ಚ…ಪೇ…. (೩)

ನಆರಮ್ಮಣಪಚ್ಚಯೋ

೩೨೬. ಅಜ್ಝತ್ತಿಕಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಅಜ್ಝತ್ತಿಕಂ ಕಟತ್ತಾರೂಪಂ. (೧)

ಅಜ್ಝತ್ತಿಕಂ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಚಿತ್ತಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಬಾಹಿರಂ ಕಟತ್ತಾರೂಪಂ. (೨)

ಅಜ್ಝತ್ತಿಕಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಉಪ್ಪಜ್ಜನ್ತಿ ನಆರಮ್ಮಣಪಚ್ಚಯಾ; ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಅಜ್ಝತ್ತಿಕಞ್ಚ ಬಾಹಿರಞ್ಚ ಕಟತ್ತಾರೂಪಂ. (೩)

ಬಾಹಿರಂ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಬಾಹಿರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಬಾಹಿರೇ ಖನ್ಧೇ ಪಟಿಚ್ಚ ಬಾಹಿರಂ ಕಟತ್ತಾರೂಪಂ, ಬಾಹಿರೇ ಖನ್ಧೇ ಪಟಿಚ್ಚ ವತ್ಥು, ಏಕಂ ಮಹಾಭೂತಂ…ಪೇ… (ಯಾವ ಅಸಞ್ಞಸತ್ತಾ). (೧)

ಬಾಹಿರಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಬಾಹಿರೇ ಖನ್ಧೇ ಪಟಿಚ್ಚ ಅಜ್ಝತ್ತಿಕಂ ಕಟತ್ತಾರೂಪಂ. (೨)

ಬಾಹಿರಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಉಪ್ಪಜ್ಜನ್ತಿ ನಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಬಾಹಿರೇ ಖನ್ಧೇ ಪಟಿಚ್ಚ ಅಜ್ಝತ್ತಿಕಞ್ಚ ಬಾಹಿರಞ್ಚ ಕಟತ್ತಾರೂಪಂ. (೩)

೩೨೭. ಅಜ್ಝತ್ತಿಕಞ್ಚ ಬಾಹಿರಞ್ಚ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಅಜ್ಝತ್ತಿಕಂ ಕಟತ್ತಾರೂಪಂ. (೧)

ಅಜ್ಝತ್ತಿಕಞ್ಚ ಬಾಹಿರಞ್ಚ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಬಾಹಿರೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಚಿತ್ತಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಪಟಿಸನ್ಧಿಕ್ಖಣೇ ದ್ವೇ ಕಾತಬ್ಬಾ).

ಅಜ್ಝತ್ತಿಕಞ್ಚ ಬಾಹಿರಞ್ಚ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಉಪ್ಪಜ್ಜನ್ತಿ ನಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಅಜ್ಝತ್ತಿಕಞ್ಚ ಬಾಹಿರಞ್ಚ ಕಟತ್ತಾರೂಪಂ (ಸಂಖಿತ್ತಂ). (೩)

ನಝಾನಪಚ್ಚಯೋ

೩೨೮. ಅಜ್ಝತ್ತಿಕಂ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಚಕ್ಖುವಿಞ್ಞಾಣಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ…ಪೇ… ಕಾಯವಿಞ್ಞಾಣಂ…ಪೇ….

ಬಾಹಿರಂ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಚಕ್ಖುವಿಞ್ಞಾಣಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಕಾಯವಿಞ್ಞಾಣಸಹಗತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. ಬಾಹಿರಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಚಕ್ಖುವಿಞ್ಞಾಣಸಹಗತೇ ಖನ್ಧೇ ಪಟಿಚ್ಚ ಚಕ್ಖುವಿಞ್ಞಾಣಂ…ಪೇ… ಕಾಯವಿಞ್ಞಾಣಸಹಗತೇ ಖನ್ಧೇ ಪಟಿಚ್ಚ ಕಾಯವಿಞ್ಞಾಣಂ. ಬಾಹಿರಂ ಧಮ್ಮಂ ಪಟಿಚ್ಚ ಅಜ್ಝತ್ತಿಕೋ ಚ ಬಾಹಿರೋ ಚ ಧಮ್ಮಾ ಉಪ್ಪಜ್ಜನ್ತಿ ನಝಾನಪಚ್ಚಯಾ – ಚಕ್ಖುವಿಞ್ಞಾಣಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಕ್ಖುವಿಞ್ಞಾಣಞ್ಚ, ದ್ವೇ ಖನ್ಧೇ…ಪೇ… ಕಾಯವಿಞ್ಞಾಣಸಹಗತಂ ಏಕಂ ಖನ್ಧಂ…ಪೇ…. (೩)

ಅಜ್ಝತ್ತಿಕಞ್ಚ ಬಾಹಿರಞ್ಚ ಧಮ್ಮಂ ಪಟಿಚ್ಚ ಬಾಹಿರೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಚಕ್ಖುವಿಞ್ಞಾಣಸಹಗತಂ ಏಕಂ ಖನ್ಧಞ್ಚ ಚಕ್ಖುವಿಞ್ಞಾಣಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಕಾಯವಿಞ್ಞಾಣಂ (ಚಕ್ಕಂ).