೧. ವಿಭಙ್ಗವಾರೋ

ಹೇತುಪಚ್ಚಯೋ

೨೮೯. ಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ) ತೀಣಿ (ಪಟಿಚ್ಚವಾರಸದಿಸಾ).

ನೋಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಚ್ಚಯಾ ನೋಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಂ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ಚಿತ್ತಂ; ಪಟಿಸನ್ಧಿಕ್ಖಣೇ…ಪೇ… (ಯಾವ ಮಹಾಭೂತಾ). (೧)

ನೋಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ, ವತ್ಥುಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನಾ ಖನ್ಧಾ (ಪಟಿಸನ್ಧಿಕ್ಖಣೇ ದ್ವೇಪಿ ಕಾತಬ್ಬಾ) ತೀಣಿ. (೩)

೨೯೦. ಚಿತ್ತಸಂಸಟ್ಠಸಮುಟ್ಠಾನಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಞ್ಚ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಸಂಸಟ್ಠಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಚ್ಚಯಾ ದ್ವೇ ಖನ್ಧಾ, ದ್ವೇ ಖನ್ಧೇ ಚ…ಪೇ… ಚಿತ್ತಸಂಸಟ್ಠಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ, ದ್ವೇ ಖನ್ಧೇ ಚ…ಪೇ… (ಪಟಿಸನ್ಧಿಕ್ಖಣೇ ದ್ವೇಪಿ ಕಾತಬ್ಬಾ). (೧)

ಚಿತ್ತಸಂಸಟ್ಠಸಮುಟ್ಠಾನಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಞ್ಚ ಧಮ್ಮಂ ಪಚ್ಚಯಾ ನೋಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಸಂಸಟ್ಠಸಮುಟ್ಠಾನೇ ಖನ್ಧೇ ಚ ಚಿತ್ತಞ್ಚ ಪಚ್ಚಯಾ ನೋಚಿತ್ತಸಂಸಟ್ಠಸಮುಟ್ಠಾನಂ ರೂಪಂ, ಚಿತ್ತಸಂಸಟ್ಠಸಮುಟ್ಠಾನೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ನೋಚಿತ್ತಸಂಸಟ್ಠಸಮುಟ್ಠಾನಂ ರೂಪಂ, ಚಿತ್ತಸಂಸಟ್ಠಸಮುಟ್ಠಾನೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಚಿತ್ತಂ (ಪಟಿಸನ್ಧಿಕ್ಖಣೇ ತೀಣಿಪಿ ಕಾತಬ್ಬಾ). (೨)

ಚಿತ್ತಸಂಸಟ್ಠಸಮುಟ್ಠಾನಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಞ್ಚ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಚ ನೋಚಿತ್ತಸಂಸಟ್ಠಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಚಿತ್ತಸಂಸಟ್ಠಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಚ್ಚಯಾ ದ್ವೇ ಖನ್ಧಾ ಚಿತ್ತಸಂಸಟ್ಠಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಚಿತ್ತಸಂಸಟ್ಠಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ ಚಿತ್ತಞ್ಚ, ದ್ವೇ ಖನ್ಧೇ…ಪೇ… (ಪಟಿಸನ್ಧಿಕ್ಖಣೇ ದ್ವೇಪಿ ಕಾತಬ್ಬಾ). (೩)

ಆರಮ್ಮಣಪಚ್ಚಯೋ

೨೯೧. ಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ತೀಣಿ (ಪಟಿಚ್ಚಸದಿಸಾ).

ನೋಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಚ್ಚಯಾ ನೋಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ…ಪೇ… ವತ್ಥುಂ ಪಚ್ಚಯಾ ಚಿತ್ತಂ; ಪಟಿಸನ್ಧಿಕ್ಖಣೇ…ಪೇ…. (೧)

ನೋಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಸಹಗತಾ ಖನ್ಧಾ…ಪೇ… ಕಾಯಾಯತನಂ…ಪೇ… ಚಿತ್ತಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ, ವತ್ಥುಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನಾ ಖನ್ಧಾ (ಪಟಿಸನ್ಧಿಕ್ಖಣೇ ದ್ವೇಪಿ ಕಾತಬ್ಬಾ). (೨)

ನೋಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಚ ನೋಚಿತ್ತಸಂಸಟ್ಠಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ ಸಮ್ಪಯುತ್ತಕಾ ಚ ಖನ್ಧಾ…ಪೇ… ಕಾಯಾಯತನಂ…ಪೇ… ವತ್ಥುಂ ಪಚ್ಚಯಾ ಚಿತ್ತಂ ಸಮ್ಪಯುತ್ತಕಾ ಚ ಖನ್ಧಾ (ಪಟಿಸನ್ಧಿಕ್ಖಣೇ ಏಕಂ ಕಾತಬ್ಬಂ). (೩)

೨೯೨. ಚಿತ್ತಸಂಸಟ್ಠಸಮುಟ್ಠಾನಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಞ್ಚ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಚಕ್ಖುವಿಞ್ಞಾಣಸಹಗತಂ ಏಕಂ ಖನ್ಧಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಞ್ಚ ಪಚ್ಚಯಾ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಕಾಯವಿಞ್ಞಾಣಸಹಗತಂ…ಪೇ… ಚಿತ್ತಸಂಸಟ್ಠಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಚ್ಚಯಾ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಚಿತ್ತಸಂಸಟ್ಠಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… (ಪಟಿಸನ್ಧಿಕ್ಖಣೇ ದ್ವೇ ಕಾತಬ್ಬಾ). (೧)

ಚಿತ್ತಸಂಸಟ್ಠಸಮುಟ್ಠಾನಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಞ್ಚ ಧಮ್ಮಂ ಪಚ್ಚಯಾ ನೋಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಚಕ್ಖುವಿಞ್ಞಾಣಸಹಗತೇ ಖನ್ಧೇ ಚ ಚಕ್ಖಾಯತನಞ್ಚ ಪಚ್ಚಯಾ ಚಕ್ಖುವಿಞ್ಞಾಣಂ …ಪೇ… ಕಾಯವಿಞ್ಞಾಣಸಹಗತೇ…ಪೇ… ಚಿತ್ತಸಂಸಟ್ಠಸಮುಟ್ಠಾನೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಚಿತ್ತಂ (ಪಟಿಸನ್ಧಿಕ್ಖಣೇ ಏಕಂ ಕಾತಬ್ಬಂ). (೨)

ಚಿತ್ತಸಂಸಟ್ಠಸಮುಟ್ಠಾನಞ್ಚ ನೋಚಿತ್ತಸಂಸಟ್ಠಸಮುಟ್ಠಾನಞ್ಚ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಚ ನೋಚಿತ್ತಸಂಸಟ್ಠಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಚಿತ್ತಸಂಸಟ್ಠಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ ಚಿತ್ತಞ್ಚ, ದ್ವೇ ಖನ್ಧೇ…ಪೇ… (ಪಟಿಸನ್ಧಿಕ್ಖಣೇ ಏಕಂ ಕಾತಬ್ಬಂ, ಸಂಖಿತ್ತಂ). (೩)