೧. ವಿಭಙ್ಗವಾರೋ

ಹೇತುಪಚ್ಚಯೋ

೨೧೦. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಚಿತ್ತಸಮುಟ್ಠಾನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಚಿತ್ತಸಮುಟ್ಠಾನಾ ಹೇತೂ ಚಿತ್ತಸ್ಸ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಾ ಹೇತೂ ಚಿತ್ತಸ್ಸ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಚಿತ್ತಸಮುಟ್ಠಾನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೩)

ಆರಮ್ಮಣಪಚ್ಚಯೋ

೨೧೧. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಿತ್ತಸಮುಟ್ಠಾನೇ ಖನ್ಧೇ ಆರಬ್ಭ ಚಿತ್ತಸಮುಟ್ಠಾನಾ ಖನ್ಧಾ ಉಪ್ಪಜ್ಜನ್ತಿ. (ಮೂಲಂ ಕಾತಬ್ಬಂ) ಚಿತ್ತಸಮುಟ್ಠಾನೇ ಖನ್ಧೇ ಆರಬ್ಭ ಚಿತ್ತಂ ಉಪ್ಪಜ್ಜತಿ. (ಮೂಲಂ ಕಾತಬ್ಬಂ) ಚಿತ್ತಸಮುಟ್ಠಾನೇ ಖನ್ಧೇ ಆರಬ್ಭ ಚಿತ್ತಸಮುಟ್ಠಾನಾ ಖನ್ಧಾ ಚ ಚಿತ್ತಞ್ಚ ಉಪ್ಪಜ್ಜನ್ತಿ. (೩)

೨೧೨. ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ…ಪೇ… ನಿಬ್ಬಾನಂ ಪಚ್ಚವೇಕ್ಖನ್ತಿ. ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ… ವತ್ಥುಂ ನೋಚಿತ್ತಸಮುಟ್ಠಾನೇ ಖನ್ಧೇ ಅನಿಚ್ಚತೋ…ಪೇ… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ನೋಚಿತ್ತಸಮುಟ್ಠಾನಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ…ಪೇ… ಆಕಿಞ್ಚಞ್ಞಾಯತನಂ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ…ಪೇ… ನೋಚಿತ್ತಸಮುಟ್ಠಾನಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ…ಪೇ… ನಿಬ್ಬಾನಂ ಪಚ್ಚವೇಕ್ಖನ್ತಿ (ಪಠಮಗಮನಸದಿಸಂ); ಚಕ್ಖುಂ…ಪೇ… ವತ್ಥುಂ ನೋಚಿತ್ತಸಮುಟ್ಠಾನೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಫೋಟ್ಠಬ್ಬಾಯತನಂ…ಪೇ… ನೋಚಿತ್ತಸಮುಟ್ಠಾನಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ…ಪೇ… ನಿಬ್ಬಾನಂ ಪಚ್ಚವೇಕ್ಖನ್ತಿ (ಪಠಮಗಮನಸದಿಸಂ), ನೋಚಿತ್ತಸಮುಟ್ಠಾನೇ ಖನ್ಧೇ ಅನಿಚ್ಚತೋ…ಪೇ… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಫೋಟ್ಠಬ್ಬಾಯತನಂ…ಪೇ… ನೋಚಿತ್ತಸಮುಟ್ಠಾನಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಆರಬ್ಭ ಕಾತಬ್ಬಾ).

ಅಧಿಪತಿಪಚ್ಚಯೋ

೨೧೩. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಚಿತ್ತಸಮುಟ್ಠಾನೇ ಖನ್ಧೇ ಗರುಂ ಕತ್ವಾ ಚಿತ್ತಸಮುಟ್ಠಾನಾ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಚಿತ್ತಸಮುಟ್ಠಾನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ (ತೀಣಿಪಿ ಆರಮ್ಮಣಾಧಿಪತಿ, ಸಹಜಾತಾಧಿಪತಿಪಿ ಕಾತಬ್ಬಾ). (೩)

ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ…ಪೇ… ನಿಬ್ಬಾನಂ ಗರುಂ ಕತ್ವಾ…ಪೇ… ನೋಚಿತ್ತಸಮುಟ್ಠಾನೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಚಿತ್ತಂ ಉಪ್ಪಜ್ಜತಿ. (೧)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ…ಪೇ… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ…ಪೇ… ನೋಚಿತ್ತಸಮುಟ್ಠಾನೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ನೋಚಿತ್ತಸಮುಟ್ಠಾನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ…ಪೇ… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ…ಪೇ… ನೋಚಿತ್ತಸಮುಟ್ಠಾನೇ ಖನ್ಧೇ ಗರುಂ ಕತ್ವಾ…ಪೇ… ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ… ತೀಣಿ (ಆರಮ್ಮಣಾಧಿಪತಿಯೇವ).

ಅನನ್ತರ-ಸಮನನ್ತರಪಚ್ಚಯಾ

೨೧೪. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ (ವುಟ್ಠಾನಂ ನತ್ಥಿ).

ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಂ ಪುರಿಮಂ ಚಿತ್ತಂ ಪಚ್ಛಿಮಸ್ಸ ಪಚ್ಛಿಮಸ್ಸ…ಪೇ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ (ಇತರೇ ದ್ವೇ ಗಣನಾ, ಇಮಸ್ಸ ಸದಿಸಾಯೇವ ಕಾತಬ್ಬಾ).

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ (ತೀಣಿ ಕಾತಬ್ಬಾ, ವುಟ್ಠಾನಂ ನತ್ಥಿ)… ಸಮನನ್ತರಪಚ್ಚಯೇನ ಪಚ್ಚಯೋ.

ಸಹಜಾತಪಚ್ಚಯಾದಿ

೨೧೫. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ (ಪಟಿಚ್ಚವಾರಸದಿಸಂ)… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ (ಪಟಿಚ್ಚವಾರಸದಿಸಂ)… ನಿಸ್ಸಯಪಚ್ಚಯೇನ ಪಚ್ಚಯೋ (ಪಚ್ಚಯವಾರಸದಿಸಂ).

ಉಪನಿಸ್ಸಯಪಚ್ಚಯೋ

೨೧೬. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – (ತೀಣಿ ಪಞ್ಹಾ ಕಾತಬ್ಬಾ). (೩)

ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉತುಂ… ಭೋಜನಂ… ಸೇನಾಸನಂ ಚಿತ್ತಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಉತು… ಭೋಜನಂ… ಸೇನಾಸನಂ ಚಿತ್ತಂ ಚಿತ್ತಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉತುಂ… ಭೋಜನಂ… ಸೇನಾಸನಂ ಚಿತ್ತಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಉತು… ಭೋಜನಂ… ಸೇನಾಸನಂ ಚಿತ್ತಂ ಸದ್ಧಾಯ…ಪೇ… ಮಗ್ಗಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉತುಂ… ಭೋಜನಂ… ಸೇನಾಸನಂ ಚಿತ್ತಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಉತು… ಭೋಜನಂ… ಸೇನಾಸನಂ ಚಿತ್ತಂ ಚಿತ್ತಸಮುಟ್ಠಾನಾನಂ ಖನ್ಧಾನಂ ಚಿತ್ತಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ… ತೀಣಿ.

ಪುರೇಜಾತಪಚ್ಚಯೋ

೨೧೭. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ಆರಮ್ಮಣಪುರೇಜಾತಂ – ಚಿತ್ತಸಮುಟ್ಠಾನೇ ರೂಪೇ…ಪೇ… ಫೋಟ್ಠಬ್ಬೇ ಅನಿಚ್ಚತೋ…ಪೇ… ವಿಪಸ್ಸತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ಆರಮ್ಮಣಪುರೇಜಾತಂ – ಚಿತ್ತಸಮುಟ್ಠಾನೇ ರೂಪೇ…ಪೇ… ಫೋಟ್ಠಬ್ಬೇ ಅನಿಚ್ಚತೋ…ಪೇ… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ಆರಮ್ಮಣಪುರೇಜಾತಂ – ಚಿತ್ತಸಮುಟ್ಠಾನೇ ರೂಪೇ…ಪೇ… ಫೋಟ್ಠಬ್ಬೇ ಅನಿಚ್ಚತೋ…ಪೇ… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಫೋಟ್ಠಬ್ಬಾಯತನಂ…ಪೇ…. (೩)

೨೧೮. ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ಕಾಯಂ, ರೂಪೇ…ಪೇ… ಫೋಟ್ಠಬ್ಬೇ ವತ್ಥುಂ ಅನಿಚ್ಚತೋ…ಪೇ… ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ …ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ…ಪೇ… ವತ್ಥು ಚಿತ್ತಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಫೋಟ್ಠಬ್ಬಾಯತನಂ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಕಾಯಾಯತನಂ…ಪೇ… ವತ್ಥು ಚಿತ್ತಸಮುಟ್ಠಾನಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಫೋಟ್ಠಬ್ಬಾಯತನಂ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಕಾಯಾಯತನಂ…ಪೇ… ವತ್ಥು ಚಿತ್ತಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

೨೧೯. ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಚಿತ್ತಸಮುಟ್ಠಾನಂ ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ …ಪೇ… ಚಿತ್ತಸಮುಟ್ಠಾನಂ ಫೋಟ್ಠಬ್ಬಾಯತನಞ್ಚ ಕಾಯಾಯತನಞ್ಚ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ; ಚಿತ್ತಸಮುಟ್ಠಾನಂ ರೂಪಾಯತನಞ್ಚ ವತ್ಥು ಚ ಚಿತ್ತಸಮುಟ್ಠಾನಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಚಿತ್ತಸಮುಟ್ಠಾನಂ ಫೋಟ್ಠಬ್ಬಾಯತನಞ್ಚ ವತ್ಥು ಚ…ಪೇ…. (೧)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಚಿತ್ತಸಮುಟ್ಠಾನಂ ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ…ಪೇ… ಚಿತ್ತಸಮುಟ್ಠಾನಂ ಫೋಟ್ಠಬ್ಬಾಯತನಞ್ಚ ಕಾಯಾಯತನಞ್ಚ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ; ಚಿತ್ತಸಮುಟ್ಠಾನಂ ರೂಪಾಯತನಞ್ಚ ವತ್ಥು ಚ ಚಿತ್ತಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಚಿತ್ತಸಮುಟ್ಠಾನಂ ಫೋಟ್ಠಬ್ಬಾಯತನಞ್ಚ ವತ್ಥು ಚ…ಪೇ…. (೨)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಚಿತ್ತಸಮುಟ್ಠಾನಂ ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಚಿತ್ತಸಮುಟ್ಠಾನಂ ಫೋಟ್ಠಬ್ಬಾಯತನಂ ಚ…ಪೇ… ಚಿತ್ತಸಮುಟ್ಠಾನಂ ರೂಪಾಯತನಞ್ಚ ವತ್ಥು ಚ ಚಿತ್ತಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಚಿತ್ತಸಮುಟ್ಠಾನಂ ಫೋಟ್ಠಬ್ಬಾಯತನಞ್ಚ ವತ್ಥು ಚ…ಪೇ…. (೩)

ಪಚ್ಛಾಜಾತಾಸೇವನಪಚ್ಚಯಾ

೨೨೦. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಚಿತ್ತಸಮುಟ್ಠಾನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಚಿತ್ತಸಮುಟ್ಠಾನಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಇಮಿನಾಕಾರೇನೇವ ಪಚ್ಛಾಜಾತೋ ವಿತ್ಥಾರೇತಬ್ಬೋ)… ಆಸೇವನಪಚ್ಚಯೇನ ಪಚ್ಚಯೋ… ನವ.

ಕಮ್ಮ-ವಿಪಾಕಪಚ್ಚಯಾ

೨೨೧. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಚಿತ್ತಸಮುಟ್ಠಾನಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಚಿತ್ತಸಮುಟ್ಠಾನಾ ಚೇತನಾ ವಿಪಾಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಚಿತ್ತಸಮುಟ್ಠಾನಾ ಚೇತನಾ ಚಿತ್ತಸ್ಸ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಚಿತ್ತಸಮುಟ್ಠಾನಾ ಚೇತನಾ ವಿಪಾಕಸ್ಸ ಚಿತ್ತಸ್ಸ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಚಿತ್ತಸಮುಟ್ಠಾನಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಚಿತ್ತಸಮುಟ್ಠಾನಾ ಚೇತನಾ ವಿಪಾಕಾನಂ ಖನ್ಧಾನಂ ಚಿತ್ತಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ನವ.

ಆಹಾರಪಚ್ಚಯೋ

೨೨೨. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಚಿತ್ತಸಮುಟ್ಠಾನಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (ಮೂಲಂ ಕಾತಬ್ಬಂ) ಚಿತ್ತಸಮುಟ್ಠಾನಾ ಆಹಾರಾ ಚಿತ್ತಸ್ಸ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಚಿತ್ತಸಮುಟ್ಠಾನೋ ಕಬಳೀಕಾರೋ ಆಹಾರೋ ಇಮಸ್ಸ ನೋಚಿತ್ತಸಮುಟ್ಠಾನಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ಚಿತ್ತಸಮುಟ್ಠಾನಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೩)

೨೨೩. ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ನೋಚಿತ್ತಸಮುಟ್ಠಾನಾ ಆಹಾರಾ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ನೋಚಿತ್ತಸಮುಟ್ಠಾನೋ ಕಬಳೀಕಾರೋ ಆಹಾರೋ ಇಮಸ್ಸ ನೋಚಿತ್ತಸಮುಟ್ಠಾನಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ನೋಚಿತ್ತಸಮುಟ್ಠಾನಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (ಮೂಲಂ ಕಾತಬ್ಬಂ) ಪಟಿಸನ್ಧಿಕ್ಖಣೇ ನೋಚಿತ್ತಸಮುಟ್ಠಾನಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೩)

೨೨೪. ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಚಿತ್ತಸಮುಟ್ಠಾನಾ ಚ ನೋಚಿತ್ತಸಮುಟ್ಠಾನಾ ಚ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (ಮೂಲಂ ಕಾತಬ್ಬಂ) ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಾ ಚ ನೋಚಿತ್ತಸಮುಟ್ಠಾನಾ ಚ ಆಹಾರಾ ಕಟತ್ತಾರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಕಬಳೀಕಾರೋ ಆಹಾರೋ ಇಮಸ್ಸ ನೋಚಿತ್ತಸಮುಟ್ಠಾನಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಾ ಚ ನೋಚಿತ್ತಸಮುಟ್ಠಾನಾ ಚ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೩)

ಇನ್ದ್ರಿಯಪಚ್ಚಯಾದಿ

೨೨೫. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ.

ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ನೋಚಿತ್ತಸಮುಟ್ಠಾನಾ ಇನ್ದ್ರಿಯಾ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಿನ್ದ್ರಿಯಂ ಕಾಯವಿಞ್ಞಾಣಸ್ಸ…ಪೇ… ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ನೋಚಿತ್ತಸಮುಟ್ಠಾನಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಕಾಯಿನ್ದ್ರಿಯಂ…ಪೇ…. (ಮೂಲಂ ಕಾತಬ್ಬಂ) ಪಟಿಸನ್ಧಿಕ್ಖಣೇ ನೋಚಿತ್ತಸಮುಟ್ಠಾನಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸ್ಸ ಚಕ್ಖುವಿಞ್ಞಾಣಸಹಗತಾನಞ್ಚ ಖನ್ಧಾನಂ…ಪೇ… ಕಾಯಿನ್ದ್ರಿಯಂ…ಪೇ…. (೩)

೨೨೬. ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಚಿತ್ತಸಮುಟ್ಠಾನಾ ಚ ನೋಚಿತ್ತಸಮುಟ್ಠಾನಾ ಚ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಚಕ್ಖುನ್ದ್ರಿಯಞ್ಚ ಉಪೇಕ್ಖಿನ್ದ್ರಿಯಞ್ಚ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಕಾಯಿನ್ದ್ರಿಯಞ್ಚ ಸುಖಿನ್ದ್ರಿಯಞ್ಚ…ಪೇ… ಕಾಯಿನ್ದ್ರಿಯಞ್ಚ ದುಕ್ಖಿನ್ದ್ರಿಯಞ್ಚ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಾ ಚ ನೋಚಿತ್ತಸಮುಟ್ಠಾನಾ ಚ ಇನ್ದ್ರಿಯಾ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಚಕ್ಖುನ್ದ್ರಿಯಞ್ಚ ಉಪೇಕ್ಖಿನ್ದ್ರಿಯಞ್ಚ ಚಕ್ಖುವಿಞ್ಞಾಣಸ್ಸ …ಪೇ… ಕಾಯಿನ್ದ್ರಿಯಞ್ಚ…ಪೇ…. (ಮೂಲಂ ಕಾತಬ್ಬಂ) ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಾ ಚ ನೋಚಿತ್ತಸಮುಟ್ಠಾನಾ ಚ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಚಕ್ಖುನ್ದ್ರಿಯಞ್ಚ ಉಪೇಕ್ಖಿನ್ದ್ರಿಯಞ್ಚ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಕಾಯಿನ್ದ್ರಿಯಂ ಚ…ಪೇ…. (೩)

ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ತೀಣಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಪಞ್ಚ…ಪೇ….

ವಿಪ್ಪಯುತ್ತಪಚ್ಚಯೋ

೨೨೭. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೧)

ಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ (ಸಂಖಿತ್ತಂ). (೨)

ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಂ (ಸಂಖಿತ್ತಂ). (೩)

೨೨೮. ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ಚಿತ್ತಂ ಕಟತ್ತಾ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ, ಚಿತ್ತಂ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ, ವತ್ಥು ಚಿತ್ತಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಚಿತ್ತಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನೋಚಿತ್ತಸಮುಟ್ಠಾನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ನೋಚಿತ್ತಸಮುಟ್ಠಾನಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೨)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೩)

೨೨೯. ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೧)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೨)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಂ (ಸಂಖಿತ್ತಂ). (೩)

ಅತ್ಥಿಪಚ್ಚಯಾದಿ

೨೩೦. ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೧)

ಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ (ಸಂಖಿತ್ತಂ). (೨)

ಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೩)

ನೋಚಿತ್ತಸಮುಟ್ಠಾನೋ ಧಮ್ಮೋ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ). (೧)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೨)

ನೋಚಿತ್ತಸಮುಟ್ಠಾನೋ ಧಮ್ಮೋ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ (ಸಂಖಿತ್ತಂ). (೩)

೨೩೧. ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತೋ – ಚಕ್ಖುವಿಞ್ಞಾಣಸಹಗತೋ ಏಕೋ ಖನ್ಧೋ…ಪೇ… (ಸಂಖಿತ್ತಂ). (೧)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ನೋಚಿತ್ತಸಮುಟ್ಠಾನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಚಕ್ಖುವಿಞ್ಞಾಣಸಹಗತಾ ಖನ್ಧಾ ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಕಾಯವಿಞ್ಞಾಣಸಹಗತಾ…ಪೇ…. ಸಹಜಾತಾ – ಚಿತ್ತಸಮುಟ್ಠಾನಾ…ಪೇ… (ಪಚ್ಚಯವಾರಸದಿಸಂ ಪಟಿಸನ್ಧಿಪಿ ಪವತ್ತಿಪಿ ಕಾತಬ್ಬಾ ಸಬ್ಬೇಸಮ್ಪಿ ಪಞ್ಹಾನಂ.) ಪಚ್ಛಾಜಾತಾ – ಚಿತ್ತಸಮುಟ್ಠಾನಾ ಖನ್ಧಾ ಚ ಚಿತ್ತಞ್ಚ ಪುರೇಜಾತಸ್ಸ ಇಮಸ್ಸ ನೋಚಿತ್ತಸಮುಟ್ಠಾನಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಚಿತ್ತಸಮುಟ್ಠಾನಾ ಖನ್ಧಾ ಚ ಚಿತ್ತಞ್ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ನೋಚಿತ್ತಸಮುಟ್ಠಾನಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಚಿತ್ತಸಮುಟ್ಠಾನಾ ಖನ್ಧಾ ಚ ಚಿತ್ತಞ್ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಚಿತ್ತಸಮುಟ್ಠಾನಸ್ಸ ಚ ನೋಚಿತ್ತಸಮುಟ್ಠಾನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತೋ – ಚಕ್ಖುವಿಞ್ಞಾಣಸಹಗತೋ…ಪೇ… (ಸಂಖಿತ್ತಂ). (೩)

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ.