೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೯೩. ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಚಿತ್ತಸಮುಟ್ಠಾನಂ ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಹೇತುಕೇ ಚಿತ್ತಸಮುಟ್ಠಾನೇ ಖನ್ಧೇ ಪಟಿಚ್ಚ ಚಿತ್ತಂ; ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಪಟಿಚ್ಚ ಚಿತ್ತಂ ಕಟತ್ತಾ ಚ ರೂಪಂ. (೨)

ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೩)

೧೯೪. ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಕಟತ್ತಾರೂಪಂ, ಚಿತ್ತಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಚಿತ್ತಂ, ಏಕಂ ಮಹಾಭೂತಂ…ಪೇ… (ಯಾವ ಅಸಞ್ಞಸತ್ತಾ ಕಾತಬ್ಬಾ). (೧)

ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಂ…ಪೇ… ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಸಮುಟ್ಠಾನಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೨)

ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಕಟತ್ತಾ ಚ ರೂಪಂ; ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಂ ಸಮ್ಪಯುತ್ತಕಾ ಖನ್ಧಾ ಚ. (೩)

೧೯೫. ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ಕಟತ್ತಾರೂಪಂ; ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ, ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ಚಿತ್ತಂ. (೨)

ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ, ದ್ವೇ ಖನ್ಧೇ…ಪೇ…. (೩)

ನಆರಮ್ಮಣಪಚ್ಚಯೋ

೧೯೬. ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಚಿತ್ತಸಮುಟ್ಠಾನೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಚಿತ್ತಸಮುಟ್ಠಾನಂ ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಉಪಾದಾರೂಪಂ. (೧)

ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. (೨)

೧೯೭. ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಕಟತ್ತಾರೂಪಂ, ಚಿತ್ತಂ ಪಟಿಚ್ಚ ವತ್ಥು, ಏಕಂ ಮಹಾಭೂತಂ…ಪೇ… (ಯಾವ ಅಸಞ್ಞಸತ್ತಾ). (೧)

ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಚಿತ್ತಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಚಿತ್ತಸಮುಟ್ಠಾನೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಚಿತ್ತಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ಕಟತ್ತಾರೂಪಂ; ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ (ಸಂಖಿತ್ತಂ). (೨)