೧. ವಿಭಙ್ಗವಾರೋ

ಹೇತುಪಚ್ಚಯೋ

೧೮೬. ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೧)

ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಸಮುಟ್ಠಾನೇ ಖನ್ಧೇ ಪಟಿಚ್ಚ ಚಿತ್ತಂ; ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಪಟಿಚ್ಚ ಚಿತ್ತಂ ಕಟತ್ತಾ ಚ ರೂಪಂ. (೨)

ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ ಕಟತ್ತಾ ಚ ರೂಪಂ, ದ್ವೇ ಖನ್ಧೇ…ಪೇ…. (೩)

೧೮೭. ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಕಟತ್ತಾರೂಪಂ; ಚಿತ್ತಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಚಿತ್ತಂ, ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ ಉಪಾದಾರೂಪಂ. (೧)

ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಸಮುಟ್ಠಾನಾ ಖನ್ಧಾ. (೨)

ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಕಟತ್ತಾ ಚ ರೂಪಂ; ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಂ ಸಮ್ಪಯುತ್ತಕಾ ಚ ಖನ್ಧಾ. (೩)

೧೮೮. ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ ಚ…ಪೇ… ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಚ…ಪೇ… ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಚ…ಪೇ…. (೧)

ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ಚಿತ್ತಞ್ಚ ಪಟಿಚ್ಚ ಕಟತ್ತಾರೂಪಂ; ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ, ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ಚಿತ್ತಂ. (೨)

ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ, ದ್ವೇ ಖನ್ಧೇ ಚ…ಪೇ… ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ, ದ್ವೇ ಖನ್ಧೇ ಚ…ಪೇ…. (೩)

ಆರಮ್ಮಣಪಚ್ಚಯೋ

೧೮೯. ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಚಿತ್ತಸಮುಟ್ಠಾನೇ ಖನ್ಧೇ ಪಟಿಚ್ಚ ಚಿತ್ತಂ; ಪಟಿಸನ್ಧಿಕ್ಖಣೇ…ಪೇ…. (೨)

ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಚಿತ್ತಸಮುಟ್ಠಾನಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)

೧೯೦. ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಂ. (೧)

ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ; ಪಟಿಸನ್ಧಿಕ್ಖಣೇ ಚಿತ್ತಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ; ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಸಮುಟ್ಠಾನಾ ಖನ್ಧಾ. (೨)

ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಚಿತ್ತಂ ಸಮ್ಪಯುತ್ತಕಾ ಚ ಖನ್ಧಾ. (೩)

೧೯೧. ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ಚಿತ್ತಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ…ಪೇ…. (೧)

ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ಚಿತ್ತಂ. (೨)

ಚಿತ್ತಸಮುಟ್ಠಾನಞ್ಚ ನೋಚಿತ್ತಸಮುಟ್ಠಾನಞ್ಚ ಧಮ್ಮಂ ಪಟಿಚ್ಚ ಚಿತ್ತಸಮುಟ್ಠಾನೋ ಚ ನೋಚಿತ್ತಸಮುಟ್ಠಾನೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಚಿತ್ತಸಮುಟ್ಠಾನಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಞ್ಚ, ದ್ವೇ ಖನ್ಧೇ…ಪೇ…. (೩)