೨. ಸಙ್ಖ್ಯಾವಾರೋ

ಸುದ್ಧಂ

೧೭೯. ಹೇತುಯಾ ತೀಣಿ, ಆರಮ್ಮಣೇ ದ್ವೇ, ಅಧಿಪತಿಯಾ ಚತ್ತಾರಿ, ಅನನ್ತರೇ ಏಕಂ, ಸಮನನ್ತರೇ ಏಕಂ, ಸಹಜಾತೇ ಸತ್ತ, ಅಞ್ಞಮಞ್ಞೇ ಛ, ನಿಸ್ಸಯೇ ಸತ್ತ, ಉಪನಿಸ್ಸಯೇ ದ್ವೇ, ಪುರೇಜಾತೇ ಏಕಂ, ಪಚ್ಛಾಜಾತೇ ಏಕಂ, ಆಸೇವನೇ ಏಕಂ, ಕಮ್ಮೇ ತೀಣಿ, ವಿಪಾಕೇ ತೀಣಿ, ಆಹಾರೇ ಚತ್ತಾರಿ, ಇನ್ದ್ರಿಯೇ ಛ, ಝಾನೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ಏಕಂ, ವಿಪ್ಪಯುತ್ತೇ ದ್ವೇ, ಅತ್ಥಿಯಾ ಸತ್ತ, ನತ್ಥಿಯಾ ಏಕಂ, ವಿಗತೇ ಏಕಂ, ಅವಿಗತೇ ಸತ್ತ.

ಅನುಲೋಮಂ.

ಪಚ್ಚನೀಯುದ್ಧಾರೋ

೧೮೦. ಚಿತ್ತಸಮ್ಪಯುತ್ತೋ ಧಮ್ಮೋ ಚಿತ್ತಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೧)

ಚಿತ್ತಸಮ್ಪಯುತ್ತೋ ಧಮ್ಮೋ ಚಿತ್ತವಿಪ್ಪಯುತ್ತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ಚಿತ್ತಸಮ್ಪಯುತ್ತೋ ಧಮ್ಮೋ ಚಿತ್ತಸಮ್ಪಯುತ್ತಸ್ಸ ಚ ಚಿತ್ತವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

೧೮೧. ಚಿತ್ತವಿಪ್ಪಯುತ್ತೋ ಧಮ್ಮೋ ಚಿತ್ತವಿಪ್ಪಯುತ್ತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಚಿತ್ತವಿಪ್ಪಯುತ್ತೋ ಧಮ್ಮೋ ಚಿತ್ತಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಚಿತ್ತಸಮ್ಪಯುತ್ತೋ ಚ ಚಿತ್ತವಿಪ್ಪಯುತ್ತೋ ಚ ಧಮ್ಮಾ ಚಿತ್ತಸಮ್ಪಯುತ್ತಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ. (೧)

ಚಿತ್ತಸಮ್ಪಯುತ್ತೋ ಚ ಚಿತ್ತವಿಪ್ಪಯುತ್ತೋ ಚ ಧಮ್ಮಾ ಚಿತ್ತವಿಪ್ಪಯುತ್ತಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)