೧. ವಿಭಙ್ಗವಾರೋ

ಹೇತುಪಚ್ಚಯೋ

೧೧೯. ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಚೇತಸಿಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಚೇತಸಿಕಾ ಹೇತೂ ಚಿತ್ತಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೨)

ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಚೇತಸಿಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೩)

ಆರಮ್ಮಣಪಚ್ಚಯೋ

೧೨೦. ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚೇತಸಿಕೇ ಖನ್ಧೇ ಆರಬ್ಭ ಚೇತಸಿಕಾ ಖನ್ಧಾ ಉಪ್ಪಜನ್ತಿ. (ಮೂಲಂ ಪುಚ್ಛಿತಬ್ಬಂ) ಚೇತಸಿಕೇ ಖನ್ಧೇ ಆರಬ್ಭ ಚಿತ್ತಂ ಉಪ್ಪಜ್ಜತಿ. (ಮೂಲಂ ಪುಚ್ಛಿತಬ್ಬಂ) ಚೇತಸಿಕೇ ಖನ್ಧೇ ಆರಬ್ಭ ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ಉಪ್ಪಜ್ಜನ್ತಿ. (೩)

೧೨೧. ಅಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ… ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ. ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ… ವತ್ಥುಂ ಅಚೇತಸಿಕೇ ಖನ್ಧೇ ಅನಿಚ್ಚತೋ…ಪೇ… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ಅಚೇತಸಿಕಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ…ಪೇ… ಆಕಿಞ್ಚಞ್ಞಾಯತನಂ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಅಚೇತಸಿಕಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ… ನಿಬ್ಬಾನಂ ಪಚ್ಚವೇಕ್ಖನ್ತಿ (ಪಠಮಗಮನಸದಿಸಂ); ಚಕ್ಖುಂ…ಪೇ… ವತ್ಥುಂ ಅಚೇತಸಿಕೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ಅಚೇತಸಿಕಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಅಚೇತಸಿಕಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ… ನಿಬ್ಬಾನಂ ಪಚ್ಚವೇಕ್ಖನ್ತಿ (ಪಠಮಗಮನಸದಿಸಂ); ಚಕ್ಖುಂ…ಪೇ… ವತ್ಥುಂ ಅಚೇತಸಿಕೇ ಖನ್ಧೇ ಅನಿಚ್ಚತೋ…ಪೇ… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಅಚೇತಸಿಕಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

೧೨೨. ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಚೇತಸಿಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚೇತಸಿಕೇ ಖನ್ಧೇ ಚ ಚಿತ್ತಞ್ಚ ಆರಬ್ಭ ಚೇತಸಿಕಾ ಖನ್ಧಾ ಉಪ್ಪಜ್ಜನ್ತಿ. (ಮೂಲಂ ಪುಚ್ಛಿತಬ್ಬಂ) ಚೇತಸಿಕೇ ಖನ್ಧೇ ಚ ಚಿತ್ತಞ್ಚ ಆರಬ್ಭ ಚಿತ್ತಂ ಉಪ್ಪಜ್ಜತಿ. (ಮೂಲಂ ಪುಚ್ಛಿತಬ್ಬಂ) ಚೇತಸಿಕೇ ಖನ್ಧೇ ಚ ಚಿತ್ತಞ್ಚ ಆರಬ್ಭ ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ಉಪ್ಪಜ್ಜನ್ತಿ. (೩)

ಅಧಿಪತಿಪಚ್ಚಯೋ

೧೨೩. ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಚೇತಸಿಕೇ ಖನ್ಧೇ ಗರುಂ ಕತ್ವಾ ಚೇತಸಿಕಾ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಚೇತಸಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ) ಆರಮ್ಮಣಾಧಿಪತಿ – ಚೇತಸಿಕೇ ಖನ್ಧೇ ಗರುಂ ಕತ್ವಾ ಚಿತ್ತಂ ಉಪ್ಪಜ್ಜತಿ. ಸಹಜಾತಾಧಿಪತಿ – ಚೇತಸಿಕಾಧಿಪತಿ ಚಿತ್ತಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ ) ಆರಮ್ಮಣಾಧಿಪತಿ – ಚೇತಸಿಕೇ ಖನ್ಧೇ ಗರುಂ ಕತ್ವಾ ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಚೇತಸಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೧೨೪. ಅಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ. ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ …ಪೇ… ವತ್ಥುಂ ಅಚೇತಸಿಕೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಚಿತ್ತಂ ಉಪ್ಪಜ್ಜತಿ. ಸಹಜಾತಾಧಿಪತಿ – ಅಚೇತಸಿಕಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ… ನಿಬ್ಬಾನಂ ಗರುಂ ಕತ್ವಾ…ಪೇ… (ಪಠಮಗಮನಸದಿಸಂ); ಚಕ್ಖುಂ…ಪೇ… ವತ್ಥುಂ ಅಚೇತಸಿಕೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಅಚೇತಸಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ…ಪೇ… ನಿಬ್ಬಾನಂ…ಪೇ… (ಪಠಮಗಮನಂ) ಅಚೇತಸಿಕೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಅಚೇತಸಿಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಚೇತಸಿಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ… ತೀಣಿ (ಆರಮ್ಮಣಾಧಿಪತಿಯೇವ).

ಅನನ್ತರಪಚ್ಚಯಾದಿ

೧೨೫. ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಚೇತಸಿಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಚೇತಸಿಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ) ಪುರಿಮಾ ಪುರಿಮಾ ಚೇತಸಿಕಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ) ಪುರಿಮಾ ಪುರಿಮಾ ಚೇತಸಿಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಚೇತಸಿಕಾನಂ ಖನ್ಧಾನಂ ಚಿತ್ತಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

೧೨೬. ಅಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಂ ಪುರಿಮಂ ಚಿತ್ತಂ ಪಚ್ಛಿಮಸ್ಸ ಪಚ್ಛಿಮಸ್ಸ ಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ (ಏವಂ ತೀಣಿ ಕಾತಬ್ಬಾನಿ, ಪಠಮಗಮನಸದಿಸಂ. ಪೂರಿತ್ವಾ ಕಾತಬ್ಬಂ, ನಿನ್ನಾನಾಕರಣಂ).

ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಚೇತಸಿಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ (ಆವಜ್ಜನಾಪಿ ವುಟ್ಠಾನಮ್ಪಿ ನತ್ಥಿ).

ಸಮನನ್ತರಪಚ್ಚಯೇನ ಪಚ್ಚಯೋ… ನವ, ಸಹಜಾತಪಚ್ಚಯೇನ ಪಚ್ಚಯೋ… ನವ (ಪಟಿಚ್ಚವಾರಸದಿಸಂ), ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನವ (ಪಟಿಚ್ಚವಾರಸದಿಸಂ), ನಿಸ್ಸಯಪಚ್ಚಯೇನ ಪಚ್ಚಯೋ… ನವ (ಪಚ್ಚಯವಾರಸದಿಸಂ).

ಉಪನಿಸ್ಸಯಪಚ್ಚಯೋ

೧೨೭. ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಚೇತಸಿಕಾ ಖನ್ಧಾ ಚೇತಸಿಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ, ತೀಣಿ ಉಪನಿಸ್ಸಯಾ) ಚೇತಸಿಕಾ ಖನ್ಧಾ ಚಿತ್ತಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ, ತೀಣಿ ಉಪನಿಸ್ಸಯಾ) ಚೇತಸಿಕಾ ಖನ್ಧಾ ಚೇತಸಿಕಾನಂ ಖನ್ಧಾನಂ ಚಿತ್ತಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೧೨೮. ಅಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉತುಂ… ಭೋಜನಂ… ಸೇನಾಸನಂ ಚಿತ್ತಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಉತುಂ… ಭೋಜನಂ… ಸೇನಾಸನಂ ಚಿತ್ತಂ ಸದ್ಧಾಯ…ಪೇ… ಪಞ್ಞಾಯ… ರಾಗಸ್ಸ…ಪೇ… ಪತ್ಥನಾಯ ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ, ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉತುಂ… ಭೋಜನಂ… ಸೇನಾಸನಂ ಚಿತ್ತಂ ಉಪನಿಸ್ಸಾಯ ದಾನಂ ದೇತಿ…ಪೇ… (ತೀಣಿ, ಪಠಮಗಮನಸದಿಸಂ ನಿನ್ನಾನಾಕರಣಂ).

ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಚೇತಸಿಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ಪುರೇಜಾತಪಚ್ಚಯೋ

೧೨೯. ಅಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಚಿತ್ತಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಕಾಯಾಯತನಂ…ಪೇ… ವತ್ಥು ಚೇತಸಿಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಚಿತ್ತಞ್ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಫೋಟ್ಠಬ್ಬಾಯತನಂ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಕಾಯಾಯತನಂ…ಪೇ… ವತ್ಥು ಚಿತ್ತಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಪಚ್ಛಾಜಾತಾಸೇವನಪಚ್ಚಯಾ

೧೩೦. ಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

ಅಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಅಚೇತಸಿಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

ಕಮ್ಮಪಚ್ಚಯೋ

೧೩೧. ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಚೇತಸಿಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಚೇತಸಿಕಾ ಚೇತನಾ ವಿಪಾಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಚೇತಸಿಕಾ ಚೇತನಾ ಚಿತ್ತಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಚೇತಸಿಕಾ ಚೇತನಾ ವಿಪಾಕಸ್ಸ ಚಿತ್ತಸ್ಸ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಚೇತಸಿಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಚೇತಸಿಕಾ ಚೇತನಾ ವಿಪಾಕಾನಂ ಖನ್ಧಾನಂ ಚಿತ್ತಸ್ಸ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ವಿಪಾಕಪಚ್ಚಯಾದಿ

೧೩೨. ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ನವ… ಆಹಾರಪಚ್ಚಯೇನ ಪಚ್ಚಯೋ… ನವ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ನವ… ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ತೀಣಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಪಞ್ಚ.

ವಿಪ್ಪಯುತ್ತಪಚ್ಚಯೋ

೧೩೩. ಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೧)

ಅಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಂ – ಚಿತ್ತಂ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಚಿತ್ತಂ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಚಿತ್ತಂ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ವತ್ಥು ಚಿತ್ತಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಚಿತ್ತಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಂ – ಚಿತ್ತಂ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಚೇತಸಿಕಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ಕಾಯಾಯತನಂ ಕಾಯವಿಞ್ಞಾಣಸಹಗತಾನಂ ಖನ್ಧಾನಂ…ಪೇ… ವತ್ಥು ಚೇತಸಿಕಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಚೇತಸಿಕಾನಂ ಖನ್ಧಾನಂ ಚಿತ್ತಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ…ಪೇ… ವತ್ಥು ಚಿತ್ತಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಅಚೇತಸಿಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ).

ಅತ್ಥಿಪಚ್ಚಯೋ

೧೩೪. ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚವಾರಸದಿಸಂ).

ಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೨)

ಚೇತಸಿಕೋ ಧಮ್ಮೋ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚವಾರಸದಿಸಂ). (೩)

೧೩೫. ಅಚೇತಸಿಕೋ ಧಮ್ಮೋ ಅಚೇತಸಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ). (೧)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಚಿತ್ತಂ ಚೇತಸಿಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಚಿತ್ತಂ…ಪೇ… ಪಟಿಸನ್ಧಿಕ್ಖಣೇ ವತ್ಥು ಚೇತಸಿಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… (ಪುರೇಜಾತಸದಿಸಂ ನಿನ್ನಾನಾಕರಣಂ). (೨)

ಅಚೇತಸಿಕೋ ಧಮ್ಮೋ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಚಿತ್ತಂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಚಿತ್ತಂ…ಪೇ… ಪಟಿಸನ್ಧಿಕ್ಖಣೇ ವತ್ಥು ಚೇತಸಿಕಾನಂ ಖನ್ಧಾನಂ ಚಿತ್ತಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… (ಪುರೇಜಾತಸದಿಸಂ ನಿನ್ನಾನಂ). (೩)

೧೩೬. ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಚೇತಸಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಚಕ್ಖುವಿಞ್ಞಾಣಸಹಗತೋ ಏಕೋ ಖನ್ಧೋ ಚ ಚಕ್ಖಾಯತನಞ್ಚ ದ್ವಿನ್ನಂ ಖನ್ಧಾನಂ…ಪೇ… ಕಾಯವಿಞ್ಞಾಣಸಹಗತೋ…ಪೇ… ಚೇತಸಿಕೋ ಏಕೋ ಖನ್ಧೋ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ; ದ್ವೇ ಖನ್ಧಾ ಚ…ಪೇ…. ಸಹಜಾತೋ – ಚೇತಸಿಕೋ ಏಕೋ ಖನ್ಧೋ ಚ ಚಿತ್ತಞ್ಚ ದ್ವಿನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ; ದ್ವೇ ಖನ್ಧಾ ಚ…ಪೇ… (ಪಟಿಸನ್ಧಿಕ್ಖಣೇ) ದ್ವೇಪಿ ಕಾತಬ್ಬಾ. (೧)

ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಅಚೇತಸಿಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಚಕ್ಖುವಿಞ್ಞಾಣಸಹಗತಾ ಖನ್ಧಾ ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ…ಪೇ… ಕಾಯವಿಞ್ಞಾಣಸ್ಸ…ಪೇ… ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ – ಚೇತಸಿಕಾ ಖನ್ಧಾ ಚ ವತ್ಥು ಚ ಚಿತ್ತಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಸನ್ಧಿಕ್ಖಣೇ ತೀಣಿಪಿ ಕಾತಬ್ಬಾ). ಪಚ್ಛಾಜಾತಾ – ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಚೇತಸಿಕಾ ಖನ್ಧಾ ಚ ಚಿತ್ತಞ್ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಚೇತಸಿಕೋ ಚ ಅಚೇತಸಿಕೋ ಚ ಧಮ್ಮಾ ಚೇತಸಿಕಸ್ಸ ಚ ಅಚೇತಸಿಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಚಕ್ಖುವಿಞ್ಞಾಣಸಹಗತೋ ಏಕೋ ಖನ್ಧೋ ಚ ಚಕ್ಖಾಯತನಞ್ಚ ದ್ವಿನ್ನಂ ಖನ್ಧಾನಂ ಚಕ್ಖುವಿಞ್ಞಾಣಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಕಾಯವಿಞ್ಞಾಣಸಹಗತೋ ಏಕೋ ಖನ್ಧೋ ಚ ಕಾಯಾಯತನಞ್ಚ ದ್ವಿನ್ನಂ ಖನ್ಧಾನಂ ಕಾಯವಿಞ್ಞಾಣಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ; ದ್ವೇ ಖನ್ಧಾ ಚ…ಪೇ…. ಸಹಜಾತೋ – ಚೇತಸಿಕೋ ಏಕೋ ಖನ್ಧೋ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಚಿತ್ತಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ; ದ್ವೇ ಖನ್ಧಾ ಚ…ಪೇ… (ಪಟಿಸನ್ಧಿಯಾ ದ್ವೇ ಕಾತಬ್ಬಾ). (೩)