೧. ವಿಭಙ್ಗವಾರೋ

ಹೇತುಪಚ್ಚಯೋ

೧೫೯. ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಹೇತುಂ ಸಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಹೇತೂ ಸಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ…. (೨)

ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಚ ನಹೇತು ಅಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನಹೇತುಂ ಸಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)

೧೬೦. ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ …ಪೇ… ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ನಹೇತೂ ಸಹೇತುಕಾ ಖನ್ಧಾ. (೨)

ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಚ ನಹೇತು ಅಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ನಹೇತೂ ಸಹೇತುಕಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೩)

೧೬೧. ನಹೇತುಂ ಸಹೇತುಕಞ್ಚ ನಹೇತುಂ ಅಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ನಹೇತುಂ ಸಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ…. (೧)

ನಹೇತುಂ ಸಹೇತುಕಞ್ಚ ನಹೇತುಂ ಅಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಹೇತೂ ಸಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ…. (೨)

ನಹೇತುಂ ಸಹೇತುಕಞ್ಚ ನಹೇತುಂ ಅಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಚ ನಹೇತು ಅಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ನಹೇತುಂ ಸಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ನಹೇತೂ ಸಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ಆರಮ್ಮಣಪಚ್ಚಯೋ

೧೬೨. ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನಹೇತುಂ ಸಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನಹೇತುಂ ಅಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ…. (೨)

ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ನಹೇತೂ ಸಹೇತುಕಾ ಖನ್ಧಾ. (೩)

ನಹೇತುಂ ಸಹೇತುಕಞ್ಚ ನಹೇತುಂ ಅಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ನಹೇತುಂ ಸಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… (ಸಂಖಿತ್ತಂ. ಏವಂ ವಿಭಜಿತಬ್ಬಂ).