೨. ಸಙ್ಖ್ಯಾವಾರೋ

ಸುದ್ಧಂ

೧೫೧. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ನವ, ಆಹಾರೇ ತೀಣಿ, ಇನ್ದ್ರಿಯೇ ನವ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ (ಏವಂ ಗಣೇತಬ್ಬಂ).

ಅನುಲೋಮಂ.

ಪಚ್ಚನೀಯುದ್ಧಾರೋ

೧೫೨. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಹೇತು ಚೇವ ಸಹೇತುಕೋ ಚ ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೧೫೩. ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೧)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

೧೫೪. ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)