೧. ವಿಭಙ್ಗವಾರೋ

ಹೇತುಪಚ್ಚಯೋ

೧೩೬. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅಲೋಭೋ ಅದೋಸಸ್ಸ ಅಮೋಹಸ್ಸ ಹೇತುಪಚ್ಚಯೇನ ಪಚ್ಚಯೋ (ಯಥಾ ಪಟಿಚ್ಚವಾರಸದಿಸಂ). (೧)

ಹೇತು ಚೇವ ಸಹೇತುಕೋ ಚ ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೨)

ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅಲೋಭೋ ಅದೋಸಸ್ಸ ಅಮೋಹಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ (ವಿತ್ಥಾರೇತಬ್ಬಂ). (೩)

ಆರಮ್ಮಣಪಚ್ಚಯೋ

೧೩೭. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಂ ಆರಬ್ಭ ಹೇತೂ ಉಪ್ಪಜ್ಜನ್ತಿ. (೧)

ಹೇತು ಚೇವ ಸಹೇತುಕೋ ಚ ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಂ ಆರಬ್ಭ ಸಹೇತುಕಾ ಚೇವ ನ ಚ ಹೇತೂ ಖನ್ಧಾ ಉಪ್ಪಜ್ಜನ್ತಿ. (೨)

ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಂ ಆರಬ್ಭ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ. ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ. ಪಹೀನೇ ಕಿಲೇಸೇ…ಪೇ… ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಸಹೇತುಕೇ ಚೇವ ನ ಚ ಹೇತೂ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಚೇತೋಪರಿಯಞಾಣೇನ ಸಹೇತುಕಾ ಚೇವ ನ ಚ ಹೇತುಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ; ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ಸಹೇತುಕಾ ಚೇವ ನ ಚ ಹೇತೂ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ… (ಯಥಾ ಪಠಮಗಮನಂ ಏವಂ ನಿನ್ನಾನಂ). (೨)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ… (ಯಥಾ ಪಠಮಗಮನಂ ಏವಂ ನಿನ್ನಾನಂ). (೩)

೧೩೮. ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಆರಬ್ಭ ಹೇತೂ ಉಪ್ಪಜ್ಜನ್ತಿ. (೧)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಆರಬ್ಭ ಸಹೇತುಕಾ ಚೇವ ನ ಚ ಹೇತೂ ಖನ್ಧಾ ಉಪ್ಪಜ್ಜನ್ತಿ. (೨)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಆರಬ್ಭ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಅಧಿಪತಿಪಚ್ಚಯೋ

೧೩೯. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಹೇತುಂ ಗರುಂ ಕತ್ವಾ ಹೇತೂ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಹೇತು ಚೇವ ಸಹೇತುಕಾಧಿಪತಿ ಸಮ್ಪಯುತ್ತಕಾನಂ ಹೇತೂನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಹೇತು ಚೇವ ಸಹೇತುಕೋ ಚ ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಹೇತುಂ ಗರುಂ ಕತ್ವಾ ಸಹೇತುಕಾ ಚೇವ ನ ಚ ಹೇತೂ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಹೇತು ಚೇವ ಸಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಹೇತುಂ ಗರುಂ ಕತ್ವಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಹೇತು ಚೇವ ಸಹೇತುಕಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಹೇತೂನಞ್ಚ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೧೪೦. ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಸಹೇತುಕೇ ಚೇವ ನ ಚ ಹೇತೂ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಸಹೇತುಕೋ ಚೇವ ನ ಚ ಹೇತು ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ… (ಪಠಮಗಮನಂಯೇವ). ಸಹಜಾತಾಧಿಪತಿ – ಸಹೇತುಕೋ ಚೇವ ನ ಚ ಹೇತು ಅಧಿಪತಿ ಸಮ್ಪಯುತ್ತಕಾನಂ ಹೇತೂನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ… (ಪಠಮಗಮನಂಯೇವ). ಸಹಜಾತಾಧಿಪತಿ – ಸಹೇತುಕೋ ಚೇವ ನ ಚ ಹೇತು ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಹೇತೂನಞ್ಚ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೧೪೧. ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಹೇತೂ ಚ ಸಮ್ಪಯುತ್ತಕೇ ಚ ಖನ್ಧೇ ಗರುಂ ಕತ್ವಾ ಹೇತೂ ಉಪ್ಪಜ್ಜನ್ತಿ. (೧)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಗರುಂ ಕತ್ವಾ ಸಹೇತುಕಾ ಚೇವ ನ ಚ ಹೇತೂ ಖನ್ಧಾ ಉಪ್ಪಜ್ಜನ್ತಿ. (೨)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಗರುಂ ಕತ್ವಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಅನನ್ತರಪಚ್ಚಯೋ

೧೪೨. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಹೇತು ಚೇವ ಸಹೇತುಕೋ ಚ ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಪಚ್ಛಿಮಾನಂ ಪಚ್ಛಿಮಾನಂ ಸಹೇತುಕಾನಞ್ಚೇವ ನ ಚ ಹೇತೂನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

೧೪೩. ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಹೇತುಕಾ ಚೇವ ನ ಚ ಹೇತೂ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಹೇತುಕಾನಞ್ಚೇವ ನ ಚ ಹೇತೂನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ…ಪೇ… ನಿರೋಧಾ ವುಟ್ಠಹನ್ತಸ್ಸ, ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಹೇತುಕಾ ಚೇವ ನ ಚ ಹೇತೂ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ… (ಸಂಖಿತ್ತಂ). (೨)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಹೇತುಕಾ ಚೇವ ನ ಚ ಹೇತೂ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ…. (೩)

(ಸಹೇತುಕೋ ಚೇವ ನ ಚ ಹೇತುಮೂಲಕಂ ತೀಣಿಪಿ ಏಕಸದಿಸಾ.)

೧೪೪. ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಹೇತುಕಾನಞ್ಚೇವ ನ ಚ ಹೇತೂನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ.(೨)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

ಸಹಜಾತಪಚ್ಚಯಾದಿ

೧೪೫. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿಪಿ ಪಚ್ಚಯಾ ಪಟಿಚ್ಚವಾರೇ ಹೇತುಸದಿಸಾ).

ಉಪನಿಸ್ಸಯಪಚ್ಚಯೋ

೧೪೬. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಹೇತೂ ಹೇತೂನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ಹೇತೂ ಸಹೇತುಕಾನಞ್ಚೇವ ನ ಚ ಹೇತೂನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ಹೇತೂ ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಇಮೇಸಂ ದ್ವಿನ್ನಮ್ಪಿ ಪಞ್ಹಾನಂ ಮೂಲಾನಿ ಪುಚ್ಛಿತಬ್ಬಾನಿ).

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ, ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಪತ್ಥನಾ ಸದ್ಧಾಯ…ಪೇ… ಪತ್ಥನಾಯ ಮಗ್ಗಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

(ಸಹೇತುಕೋ ಚೇವ ನ ಚ ಹೇತುಮೂಲಕೇ ಇಮಿನಾಕಾರೇನ ವಿತ್ಥಾರೇತಬ್ಬಾ ಅವಸೇಸಾ ದ್ವೇ ಪಞ್ಹಾ.)

ಹೇತು ಚೇವ ಸಹೇತುಕೋ ಚ ಸಹೇತುಕೋ ಚೇವ ನ ಚ ಹೇತು ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಹೇತೂನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ದ್ವೇ ಮೂಲಾನಿ ಪುಚ್ಛಿತಬ್ಬಾನಿ) ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಸಹೇತುಕಾನಞ್ಚೇವ ನ ಚ ಹೇತೂನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ) ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಆಸೇವನಪಚ್ಚಯೋ

೧೪೭. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ (ಅನನ್ತರಸದಿಸಂ).

ಕಮ್ಮಪಚ್ಚಯೋ

೧೪೮. ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸಹೇತುಕಾ ಚೇವ ನ ಚ ಹೇತೂ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಸಹೇತುಕಾ ಚೇವ ನ ಚ ಹೇತೂ ಚೇತನಾ ವಿಪಾಕಾನಂ ಸಹೇತುಕಾನಞ್ಚೇವ ನ ಚ ಹೇತೂನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸಹೇತುಕಾ ಚೇವ ನ ಚ ಹೇತೂ ಚೇತನಾ ಸಮ್ಪಯುತ್ತಕಾನಂ ಹೇತೂನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಸಹೇತುಕಾ ಚೇವ ನ ಚ ಹೇತೂ ಚೇತನಾ ವಿಪಾಕಾನಂ ಹೇತೂನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸಹೇತುಕಾ ಚೇವ ನ ಚ ಹೇತೂ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಹೇತೂನಞ್ಚ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಸಹೇತುಕಾ ಚೇವ ನ ಚ ಹೇತೂ ಚೇತನಾ ವಿಪಾಕಾನಂ ಖನ್ಧಾನಂ ಹೇತೂನಞ್ಚ ಕಮ್ಮಪಚ್ಚಯೇನ ಪಚ್ಚಯೋ. (೩)

ವಿಪಾಕಪಚ್ಚಯೋ

೧೪೯. ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಅಲೋಭೋ ಅದೋಸಸ್ಸ ಅಮೋಹಸ್ಸ ಚ ವಿಪಾಕಪಚ್ಚಯೇನ ಪಚ್ಚಯೋ (ಚಕ್ಕಂ); ಪಟಿಸನ್ಧಿಕ್ಖಣೇ ಅಲೋಭೋ (ಯಥಾ ಹೇತುಪಚ್ಚಯಾ ಏವಂ ವಿತ್ಥಾರೇತಬ್ಬಂ, ನವಪಿ ವಿಪಾಕನ್ತಿ ನಿಯಾಮೇತಬ್ಬಂ).

ಆಹಾರಪಚ್ಚಯಾದಿ

೧೫೦. ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ತೀಣಿ.

ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ (ಇನ್ದ್ರಿಯನ್ತಿ ನಿಯಾಮೇತಬ್ಬಂ, ನವಪಿ ಪರಿಪುಣ್ಣಂ).

ಸಹೇತುಕೋ ಚೇವ ನ ಚ ಹೇತು ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ… ತೀಣಿ.

ಹೇತು ಚೇವ ಸಹೇತುಕೋ ಚ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ … ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಅತ್ಥಿಪಚ್ಚಯೇನ ಪಚ್ಚಯೋ… ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ.