೨. ಸಙ್ಖ್ಯಾವಾರೋ

ಸುದ್ಧಂ

೫೦. ಹೇತುಯಾ ದ್ವೇ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಚತ್ತಾರಿ, ಅನನ್ತರೇ ದ್ವೇ, ಸಮನನ್ತರೇ ದ್ವೇ, ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ದ್ವೇ, ಉಪನಿಸ್ಸಯೇ ಚತ್ತಾರಿ, ಪುರೇಜಾತೇ ಛ, ಪಚ್ಛಾಜಾತೇ ಆಸೇವನೇ ಕಮ್ಮೇ ವಿಪಾಕೇ ದ್ವೇ, ಆಹಾರೇ ಛ, ಇನ್ದ್ರಿಯೇ ದ್ವೇ, ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ದ್ವೇ, ಅತ್ಥಿಯಾ ಛ, ನತ್ಥಿಯಾ ದ್ವೇ, ವಿಗತೇ ದ್ವೇ, ಅವಿಗತೇ ಛ (ಏವಂ ಗಣೇತಬ್ಬಂ).

ಅನುಲೋಮಂ.

ಪಚ್ಚನೀಯುದ್ಧಾರೋ

೫೧. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಅಜ್ಝತ್ತೋ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ. (೨)

೫೨. ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಬಹಿದ್ಧಾ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ. (೨)

೫೩. ಅಜ್ಝತ್ತೋ ಧಮ್ಮೋ ಚ ಬಹಿದ್ಧಾ ಧಮ್ಮೋ ಚ ಅಜ್ಝತ್ತಸ್ಸ ಧಮ್ಮಸ್ಸ ಪುರೇಜಾತಂ, ಆಹಾರಂ. (೧)

ಅಜ್ಝತ್ತೋ ಧಮ್ಮೋ ಚ ಬಹಿದ್ಧಾ ಧಮ್ಮೋ ಚ ಬಹಿದ್ಧಾ ಧಮ್ಮಸ್ಸ ಪುರೇಜಾತಂ, ಆಹಾರಂ. (೨)