೨೦. ಅಜ್ಝತ್ತತ್ತಿಕಂ
೧. ಪಟಿಚ್ಚವಾರೋ
೧. ಪಚ್ಚಯಾನುಲೋಮಂ
೧. ವಿಭಙ್ಗವಾರೋ
ಹೇತುಪಚ್ಚಯೋ
೧. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಬಹಿದ್ಧಾ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಬಹಿದ್ಧಾ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)
ಆರಮ್ಮಣಪಚ್ಚಯೋ
೨. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ…ಪೇ… ಪಟಿಸನ್ಧಿಕ್ಖಣೇ ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ವತ್ಥುಂ ಪಟಿಚ್ಚ ಖನ್ಧಾ. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಬಹಿದ್ಧಾ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಟಿಚ್ಚ ಖನ್ಧಾ. (೧)
ಅಧಿಪತಿಪಚ್ಚಯೋ
೩. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಬಹಿದ್ಧಾ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೧)
ಅನನ್ತರಪಚ್ಚಯಾದಿ
೪. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ಅನನ್ತರಪಚ್ಚಯಾ, ಸಮನನ್ತರಪಚ್ಚಯಾ, ಸಹಜಾತಪಚ್ಚಯಾ – ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ ಉಪಾದಾರೂಪಂ. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ಬಹಿದ್ಧಾ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಬಹಿದ್ಧಾ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ ಉಪಾದಾರೂಪಂ. (೧)
ಅಞ್ಞಮಞ್ಞಪಚ್ಚಯಾದಿ
೫. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ (ಪುರೇಜಾತೇಪಿ ಆಸೇವನೇಪಿ ಪಟಿಸನ್ಧಿ ನತ್ಥಿ)… ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.
೧. ಪಚ್ಚಯಾನುಲೋಮಂ
೨. ಸಙ್ಖ್ಯಾವಾರೋ
೬. ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ.
ಅನುಲೋಮಂ.
೨. ಪಚ್ಚಯಪಚ್ಚನೀಯಂ
೧. ವಿಭಙ್ಗವಾರೋ
ನಹೇತುಪಚ್ಚಯೋ
೭. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ಏಕಂ ಮಹಾಭೂತಂ…ಪೇ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ ಉಪಾದಾರೂಪಂ. ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಬಹಿದ್ಧಾ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ಏಕಂ ಮಹಾಭೂತಂ ಪಟಿಚ್ಚ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಟಿಚ್ಚ…ಪೇ… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)
ನಆರಮ್ಮಣಪಚ್ಚಯೋ
೮. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಜ್ಝತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಅಜ್ಝತ್ತೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. ಖನ್ಧೇ ಪಟಿಚ್ಚ ವತ್ಥು…ಪೇ… ಏಕಂ ಮಹಾಭೂತಂ ಪಟಿಚ್ಚ…ಪೇ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಟಿಚ್ಚ…ಪೇ…. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಬಹಿದ್ಧಾ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಬಹಿದ್ಧಾ ಖನ್ಧೇ ಪಟಿಚ್ಚ ಕಟತ್ತಾರೂಪಂ. ಖನ್ಧೇ ಪಟಿಚ್ಚ ವತ್ಥು…ಪೇ… ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)
ನಅಧಿಪತಿಪಚ್ಚಯಾದಿ
೯. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ…ಪೇ… (ಅನುಲೋಮಸಹಜಾತಸದಿಸಂ, ನಿನ್ನಾನಾಕರಣಂ) ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ … ನಅಞ್ಞಮಞ್ಞಪಚ್ಚಯಾ … ನಉಪನಿಸ್ಸಯಪಚ್ಚಯಾ, ನಪುರೇಜಾತಪಚ್ಚಯಾ – ಅರೂಪೇ ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ…ಪೇ… ಅಜ್ಝತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಅಜ್ಝತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ಏಕಂ ಮಹಾಭೂತಂ ಪಟಿಚ್ಚ…ಪೇ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ….
೧೦. ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಬಹಿದ್ಧಾ ಏಕಂ ಖನ್ಧಂ ಪಟಿಚ್ಚ…ಪೇ… ದ್ವೇ ಖನ್ಧೇ…ಪೇ… ಬಹಿದ್ಧಾ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ (ಪರಿಪುಣ್ಣಂ) ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ….
ನಪಚ್ಛಾಜಾತಪಚ್ಚಯಾದಿ
೧೧. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನಪಚ್ಛಾಜಾತಪಚ್ಚಯಾ, ನಆಸೇವನಪಚ್ಚಯಾ, ನಕಮ್ಮಪಚ್ಚಯಾ – ಅಜ್ಝತ್ತೇ ಖನ್ಧೇ ಪಟಿಚ್ಚ ಅಜ್ಝತ್ತಾ ಚೇತನಾ. ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ…. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಬಹಿದ್ಧಾ ಖನ್ಧೇ ಪಟಿಚ್ಚ ಬಹಿದ್ಧಾ ಚೇತನಾ. ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…. (೧)
ನವಿಪಾಕಪಚ್ಚಯಾದಿ
೧೨. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಪಟಿಸನ್ಧಿ ನತ್ಥಿ), ನಆಹಾರಪಚ್ಚಯಾ – ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ – ಬಾಹಿರಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)
ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನಇನ್ದ್ರಿಯಪಚ್ಚಯಾ – ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ… ಮಹಾಭೂತೇ ಪಟಿಚ್ಚ ರೂಪಜೀವಿತಿನ್ದ್ರಿಯಂ. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನಇನ್ದ್ರಿಯಪಚ್ಚಯಾ – ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ… ಮಹಾಭೂತೇ ಪಟಿಚ್ಚ ರೂಪಜೀವಿತಿನ್ದ್ರಿಯಂ. (೧)
ನಝಾನಪಚ್ಚಯೋ
೧೩. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಪಞ್ಚವಿಞ್ಞಾಣಸಹಗತಂ…ಪೇ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಪಞ್ಚವಿಞ್ಞಾಣಸಹಗತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)
ನಮಗ್ಗಪಚ್ಚಯಾದಿ
೧೪. ಅಜ್ಝತ್ತಂ ಧಮ್ಮಂ ಪಟಿಚ್ಚ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನಮಗ್ಗಪಚ್ಚಯಾ… (ನಹೇತುಸದಿಸಂ. ಮೋಹೋ ನತ್ಥಿ) ನಸಮ್ಪಯುತ್ತಪಚ್ಚಯಾ… ನವಿಪ್ಪಯುತ್ತಪಚ್ಚಯಾ – ಅರೂಪೇ…ಪೇ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)
ಬಹಿದ್ಧಾ ಧಮ್ಮಂ ಪಟಿಚ್ಚ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನೋನತ್ಥಿಪಚ್ಚಯಾ, ನೋವಿಗತಪಚ್ಚಯಾ.
೨. ಪಚ್ಚಯಪಚ್ಚನೀಯಂ
೨. ಸಙ್ಖ್ಯಾವಾರೋ
೧೫. ನಹೇತುಯಾ ದ್ವೇ, ನಆರಮ್ಮಣೇ ದ್ವೇ, ನಅಧಿಪತಿಯಾ ದ್ವೇ, ನಅನನ್ತರೇ ದ್ವೇ, ನಸಮನನ್ತರೇ ದ್ವೇ (ಸಂಖಿತ್ತಂ, ಸಬ್ಬತ್ಥ ದ್ವೇ), ನೋವಿಗತೇ ದ್ವೇ (ಏವಂ ಗಣೇತಬ್ಬಂ).
ಪಚ್ಚನೀಯಂ.
೩. ಪಚ್ಚಯಾನುಲೋಮಪಚ್ಚನೀಯಂ
೧೬. ಹೇತುಪಚ್ಚಯಾ ನಆರಮ್ಮಣೇ ದ್ವೇ…ಪೇ… ನವಿಪಾಕೇ ನಸಮ್ಪಯುತ್ತೇ ನವಿಪ್ಪಯುತ್ತೇ ನೋನತ್ಥಿಯಾ ನೋವಿಗತೇ ದ್ವೇ (ಏವಂ ಗಣೇತಬ್ಬಂ).
ಅನುಲೋಮಪಚ್ಚನೀಯಂ.
೪. ಪಚ್ಚಯಪಚ್ಚನೀಯಾನುಲೋಮಂ
೧೭. ನಹೇತುಪಚ್ಚಯಾ ಆರಮ್ಮಣೇ ದ್ವೇ, ಅನನ್ತರೇ ದ್ವೇ…ಪೇ… ಮಗ್ಗೇ ದ್ವೇ…ಪೇ… ಅವಿಗತೇ ದ್ವೇ (ಏವಂ ಗಣೇತಬ್ಬಂ).
ಪಚ್ಚನೀಯಾನುಲೋಮಂ.
ಪಟಿಚ್ಚವಾರೋ.
೨. ಸಹಜಾತವಾರೋ
(ಸಹಜಾತವಾರೋ ಪಟಿಚ್ಚವಾರಸದಿಸೋ.)
೩. ಪಚ್ಚಯವಾರೋ
೧. ಪಚ್ಚಯಾನುಲೋಮಂ
೧. ವಿಭಙ್ಗವಾರೋ
ಹೇತುಪಚ್ಚಯೋ
೧೮. ಅಜ್ಝತ್ತಂ ಧಮ್ಮಂ ಪಚ್ಚಯಾ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಜ್ಝತ್ತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ (ಪರಿಪುಣ್ಣಂ). ಏಕಂ ಮಹಾಭೂತಂ…ಪೇ… ವತ್ಥುಂ ಪಚ್ಚಯಾ ಅಜ್ಝತ್ತಾ ಖನ್ಧಾ. (೧)
ಬಹಿದ್ಧಾ ಧಮ್ಮಂ ಪಚ್ಚಯಾ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಬಹಿದ್ಧಾ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಏಕಂ ಮಹಾಭೂತಂ…ಪೇ… ವತ್ಥುಂ ಪಚ್ಚಯಾ ಬಹಿದ್ಧಾ ಖನ್ಧಾ. (೧)
ಆರಮ್ಮಣಪಚ್ಚಯೋ
೧೯. ಅಜ್ಝತ್ತಂ ಧಮ್ಮಂ ಪಚ್ಚಯಾ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಪಟಿಚ್ಚವಾರಸದಿಸಂ), ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ…ಪೇ… ವತ್ಥುಂ ಪಚ್ಚಯಾ ಅಜ್ಝತ್ತಾ ಖನ್ಧಾ. (೧)
ಬಹಿದ್ಧಾ ಧಮ್ಮಂ ಪಚ್ಚಯಾ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಪಟಿಚ್ಚವಾರಸದಿಸಂ), ಚಕ್ಖಾಯತನಂ…ಪೇ… ಕಾಯಾಯತನಂ…ಪೇ… ವತ್ಥುಂ ಪಚ್ಚಯಾ ಬಹಿದ್ಧಾ ಖನ್ಧಾ. (೧)
ಅಧಿಪತಿಪಚ್ಚಯಾದಿ
೨೦. ಅಜ್ಝತ್ತಂ ಧಮ್ಮಂ ಪಚ್ಚಯಾ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… (ವತ್ಥುಂ ಅತಿರೇಕಂ, ಪಟಿಚ್ಚವಾರಸದಿಸಂ) ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ… (ಸಹಜಾತವಾರೇ ಪರಿಪುಣ್ಣಾ) ಮಹಾಭೂತೇ ಪಚ್ಚಯಾ…ಪೇ… (ಮಹಾಭೂತಾನಂ ಖನ್ಧಾನಞ್ಚ ಪಚ್ಛಾ ಪಞ್ಚಾಯತನಾನಿ ಚ ವತ್ಥು ಚ ಕಾತಬ್ಬಾ) ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ…ಪೇ… ಅವಿಗತಪಚ್ಚಯಾ.
೧. ಪಚ್ಚಯಾನುಲೋಮಂ
೨. ಸಙ್ಖ್ಯಾವಾರೋ
೨೧. ಹೇತುಯಾ ದ್ವೇ, ಆರಮ್ಮಣೇ…ಪೇ… ಅವಿಗತೇ ದ್ವೇ.
ಅನುಲೋಮಂ.
೨. ಪಚ್ಚಯಪಚ್ಚನೀಯಂ
೧. ವಿಭಙ್ಗವಾರೋ
ನಹೇತುಪಚ್ಚಯೋ
೨೨. ಅಜ್ಝತ್ತಂ ಧಮ್ಮಂ ಪಚ್ಚಯಾ ಅಜ್ಝತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅಜ್ಝತ್ತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ. ಏಕಂ ಮಹಾಭೂತಂ…ಪೇ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ…ಪೇ… ಕಾಯಾಯತನಂ…ಪೇ… ವತ್ಥುಂ ಪಚ್ಚಯಾ ಅಹೇತುಕಾ ಅಜ್ಝತ್ತಾ ಖನ್ಧಾ. ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)
ಬಹಿದ್ಧಾ ಧಮ್ಮಂ ಪಚ್ಚಯಾ ಬಹಿದ್ಧಾ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಪವತ್ತಿಪಟಿಸನ್ಧಿಪಿ ಮಹಾಭೂತಾಪಿ ಕಾತಬ್ಬಾ) – ಚಕ್ಖಾಯತನಂ…ಪೇ… ಕಾಯಾಯತನಂ…ಪೇ… ವತ್ಥುಂ ಪಚ್ಚಯಾ ಅಹೇತುಕಾ ಬಹಿದ್ಧಾ ಖನ್ಧಾ. ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)
ನಆರಮ್ಮಣಪಚ್ಚಯಾದಿ
೨೩. ನಆರಮ್ಮಣಪಚ್ಚಯಾ… ನಅಧಿಪತಿಪಚ್ಚಯಾ (ಸಹಜಾತಸದಿಸಂ)… ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ನಪುರೇಜಾತಪಚ್ಚಯಾ (ಪಟಿಚ್ಚವಾರಸದಿಸಂ)… ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ… ನಕಮ್ಮಪಚ್ಚಯಾ…ಪೇ… ನವಿಪ್ಪಯುತ್ತಪಚ್ಚಯಾ (ಪಟಿಚ್ಚವಾರಪಚ್ಚನೀಯೇ ವಿಪ್ಪಯುತ್ತಸದಿಸಂ)… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ….
೨. ಪಚ್ಚಯಪಚ್ಚನೀಯಂ
೨. ಸಙ್ಖ್ಯಾವಾರೋ
೨೪. ನಹೇತುಯಾ ದ್ವೇ, ನಆರಮ್ಮಣೇ ದ್ವೇ…ಪೇ… ನೋವಿಗತೇ ದ್ವೇ.
ಪಚ್ಚನೀಯಂ.
೩. ಪಚ್ಚಯಾನುಲೋಮಪಚ್ಚನೀಯಂ
೨೫. ಹೇತುಪಚ್ಚಯಾ ನಆರಮ್ಮಣೇ ದ್ವೇ, ನಅಧಿಪತಿಯಾ ದ್ವೇ…ಪೇ… ನವಿಪಾಕೇ ನಸಮ್ಪಯುತ್ತೇ ನವಿಪ್ಪಯುತ್ತೇ ನೋನತ್ಥಿಯಾ ನೋವಿಗತೇ ದ್ವೇ.
ಅನುಲೋಮಪಚ್ಚನೀಯಂ.
೪. ಪಚ್ಚಯಪಚ್ಚನೀಯಾನುಲೋಮಂ
೨೬. ನಹೇತುಪಚ್ಚಯಾ ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ.
ಪಚ್ಚನೀಯಾನುಲೋಮಂ.
ಪಚ್ಚಯವಾರೋ
೪-೬. ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ
(ನಿಸ್ಸಯವಾರೋ ಪಚ್ಚಯವಾರಸದಿಸೋ. ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ವಿತ್ಥಾರೇತಬ್ಬೋ.)
೭. ಪಞ್ಹಾವಾರೋ
೧. ಪಚ್ಚಯಾನುಲೋಮಂ
೧. ವಿಭಙ್ಗವಾರೋ
ಹೇತುಪಚ್ಚಯೋ
೨೭. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅಜ್ಝತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)
ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಬಹಿದ್ಧಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)
ಆರಮ್ಮಣಪಚ್ಚಯೋ
೨೮. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ, ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಅಜ್ಝತ್ತಂ ಚಕ್ಖುಂ…ಪೇ… ಕಾಯಂ… ರೂಪೇ…ಪೇ… ಫೋಟ್ಠಬ್ಬೇ… ವತ್ಥುಂ… ಅಜ್ಝತ್ತೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತುಧಾತುಯಾ ಸದ್ದಂ ಸುಣಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ರೂಪಾಯತನಂ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಜ್ಝತ್ತಾ ಖನ್ಧಾ ಇದ್ಧಿವಿಧಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)
ಅಜ್ಝತ್ತೋ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪರೋ ಅಜ್ಝತ್ತಂ ಚಕ್ಖುಂ…ಪೇ… ವತ್ಥುಂ… ಅಜ್ಝತ್ತೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ಅಜ್ಝತ್ತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ. ಅಜ್ಝತ್ತಂ ರೂಪಾಯತನಂ ಬಹಿದ್ಧಾ ಚಕ್ಖುವಿಞ್ಞಾಣಸ್ಸ…ಪೇ… ಅಜ್ಝತ್ತಂ ಫೋಟ್ಠಬ್ಬಾಯತನಂ ಬಹಿದ್ಧಾ ಕಾಯವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಜ್ಝತ್ತಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೨)
೨೯. ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪರೋ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ… ನಿಬ್ಬಾನಂ ಪಚ್ಚವೇಕ್ಖನ್ತಿ. ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ…ಪೇ… ಪರೋ ಬಹಿದ್ಧಾ ಚಕ್ಖುಂ…ಪೇ… ವತ್ಥುಂ… ಬಹಿದ್ಧಾ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ಬಹಿದ್ಧಾ ಚಿತ್ತಸಮಙ್ಗಿಸ್ಸ…ಪೇ… ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಬಹಿದ್ಧಾ ರೂಪಾಯತನಂ ಬಹಿದ್ಧಾ ಚಕ್ಖುವಿಞ್ಞಾಣಸ್ಸ…ಪೇ… ಬಹಿದ್ಧಾ ಫೋಟ್ಠಬ್ಬಾಯತನಂ ಬಹಿದ್ಧಾ ಕಾಯವಿಞ್ಞಾಣಸ್ಸ…ಪೇ… ಬಹಿದ್ಧಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ನಿಬ್ಬಾನಂ ಪಚ್ಚವೇಕ್ಖನ್ತಿ. ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಬಹಿದ್ಧಾ ಚಕ್ಖುಂ…ಪೇ… ವತ್ಥುಂ… ಬಹಿದ್ಧಾ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ಬಹಿದ್ಧಾ ಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ. ಬಹಿದ್ಧಾ ರೂಪಾಯತನಂ ಅಜ್ಝತ್ತಂ ಚಕ್ಖುವಿಞ್ಞಾಣಸ್ಸ…ಪೇ… ಬಹಿದ್ಧಾ ಫೋಟ್ಠಬ್ಬಾಯತನಂ ಅಜ್ಝತ್ತಂ ಕಾಯವಿಞ್ಞಾಣಸ್ಸ…ಪೇ… ಬಹಿದ್ಧಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೨)
ಅಧಿಪತಿಪಚ್ಚಯೋ
೩೦. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ, ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ…ಪೇ… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ…ಪೇ… ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ಅಜ್ಝತ್ತಂ ಚಕ್ಖುಂ…ಪೇ… ವತ್ಥುಂ… ಅಜ್ಝತ್ತೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಅಜ್ಝತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)
ಅಜ್ಝತ್ತೋ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಪರೋ ಅಜ್ಝತ್ತಂ ಚಕ್ಖುಂ…ಪೇ… ವತ್ಥುಂ… ಅಜ್ಝತ್ತೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೨)
೩೧. ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಪರೋ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ, ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ…ಪೇ… ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ…ಪೇ… ಫಲಂ ಗರುಂ ಕತ್ವಾ…ಪೇ… ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಬಹಿದ್ಧಾ ಚಕ್ಖುಂ…ಪೇ… ವತ್ಥುಂ… ಬಹಿದ್ಧಾ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಬಹಿದ್ಧಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಅಧಿಪತಿಪಚ್ಚಯೇನ ಪಚ್ಚಯೋ. ಬಹಿದ್ಧಾ ಚಕ್ಖುಂ…ಪೇ… ವತ್ಥುಂ… ಬಹಿದ್ಧಾ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ, ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ…ಪೇ… ದಿಟ್ಠಿ ಉಪ್ಪಜ್ಜತಿ. (೨)
ಅನನ್ತರಪಚ್ಚಯೋ
೩೨. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅಜ್ಝತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅಜ್ಝತ್ತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ, ಅನುಲೋಮಂ ವೋದಾನಸ್ಸ, ಗೋತ್ರಭು ಮಗ್ಗಸ್ಸ, ವೋದಾನಂ ಮಗ್ಗಸ್ಸ, ಮಗ್ಗೋ ಫಲಸ್ಸ, ಫಲಂ ಫಲಸ್ಸ, ಅನುಲೋಮಂ ಫಲಸಮಾಪತ್ತಿಯಾ, ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ (ಪುರಿಮಾ ಪುರಿಮಾ ಬಹಿದ್ಧಾತಿ ನಾನಾಕರಣಂ, ತಂಯೇವ ಗಮನಂ). (೧)
ಸಮನನ್ತರಪಚ್ಚಯಾದಿ
೩೩. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ…ಪೇ… (ಅನನ್ತರಸದಿಸಂ)… ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ.
ಉಪನಿಸ್ಸಯಪಚ್ಚಯೋ
೩೪. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅಜ್ಝತ್ತಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ…ಪೇ… ಝಾನಂ…ಪೇ… ವಿಪಸ್ಸನಂ…ಪೇ… ಮಗ್ಗಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಅಜ್ಝತ್ತಂ ಸೀಲಂ…ಪೇ… ಪಞ್ಞಂ… ರಾಗಂ…ಪೇ… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಅಜ್ಝತ್ತಾ ಸದ್ಧಾ…ಪೇ… ಪಞ್ಞಾ, ರಾಗೋ…ಪೇ… ಪತ್ಥನಾ, ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಸೇನಾಸನಂ ಅಜ್ಝತ್ತಾಯ ಸದ್ಧಾಯ…ಪೇ… ಪಞ್ಞಾಯ, ರಾಗಸ್ಸ…ಪೇ… ಪತ್ಥನಾಯ, ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ, ಮಗ್ಗಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)
ಅಜ್ಝತ್ತೋ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪರೋ ಅಜ್ಝತ್ತಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಪರೋ ಅಜ್ಝತ್ತಂ ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ, ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಅಜ್ಝತ್ತಾ ಸದ್ಧಾ…ಪೇ… ಸೇನಾಸನಂ ಬಹಿದ್ಧಾ ಸದ್ಧಾಯ…ಪೇ… ಮಗ್ಗಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)
೩೫. ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪರೋ ಬಹಿದ್ಧಾ ಸದ್ಧಂ…ಪೇ… ಪತ್ಥನಂ, ಕಾಯಿಕಂ ಸುಖಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ ಬಹಿದ್ಧಾ ಸದ್ಧಾ…ಪೇ… ಸೇನಾಸನಂ ಬಹಿದ್ಧಾ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಬಹಿದ್ಧಾ ಸದ್ಧಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ. ಬಹಿದ್ಧಾ ಸದ್ಧಾ…ಪೇ… ಸೇನಾಸನಂ ಅಜ್ಝತ್ತಾಯ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)
ಪುರೇಜಾತಪಚ್ಚಯೋ
೩೬. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಅಜ್ಝತ್ತಂ ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಅಜ್ಝತ್ತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)
ಅಜ್ಝತ್ತೋ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ಆರಮ್ಮಣಪುರೇಜಾತಂ – ಪರೋ ಅಜ್ಝತ್ತಂ ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಅಜ್ಝತ್ತಂ ರೂಪಾಯತನಂ ಬಹಿದ್ಧಾ ಚಕ್ಖುವಿಞ್ಞಾಣಸ್ಸ…ಪೇ… ಅಜ್ಝತ್ತಂ ಫೋಟ್ಠಬ್ಬಾಯತನಂ ಬಹಿದ್ಧಾ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೨)
೩೭. ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಪರೋ ಬಹಿದ್ಧಾ ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಬಹಿದ್ಧಾ ರೂಪಾಯತನಂ ಬಹಿದ್ಧಾ ಚಕ್ಖುವಿಞ್ಞಾಣಸ್ಸ…ಪೇ… ಬಹಿದ್ಧಾ ಫೋಟ್ಠಬ್ಬಾಯತನಂ ಬಹಿದ್ಧಾ ಕಾಯವಿಞ್ಞಾಣಸ್ಸ…ಪೇ…. ವತ್ಥುಪುರೇಜಾತಂ – ಬಹಿದ್ಧಾ ಚಕ್ಖಾಯತನಂ…ಪೇ… ಕಾಯಾಯತನಂ…ಪೇ… ವತ್ಥು ಬಹಿದ್ಧಾ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ಆರಮ್ಮಣಪುರೇಜಾತಂ – ಬಹಿದ್ಧಾ ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಬಹಿದ್ಧಾ ರೂಪಾಯತನಂ ಅಜ್ಝತ್ತಸ್ಸ ಚಕ್ಖುವಿಞ್ಞಾಣಸ್ಸ…ಪೇ… ಬಹಿದ್ಧಾ ಫೋಟ್ಠಬ್ಬಾಯತನಂ ಅಜ್ಝತ್ತಸ್ಸ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೨)
೩೮. ಅಜ್ಝತ್ತೋ ಚ ಬಹಿದ್ಧಾ ಚ ಧಮ್ಮಾ ಅಜ್ಝತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಬಹಿದ್ಧಾ ರೂಪಾಯತನಞ್ಚ ಅಜ್ಝತ್ತಂ ಚಕ್ಖಾಯತನಞ್ಚ ಅಜ್ಝತ್ತಸ್ಸ ಚಕ್ಖುವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಬಹಿದ್ಧಾ ಫೋಟ್ಠಬ್ಬಾಯತನಞ್ಚ ಅಜ್ಝತ್ತಂ ಕಾಯಾಯತನಞ್ಚ ಅಜ್ಝತ್ತಸ್ಸ ಕಾಯವಿಞ್ಞಾಣಸ್ಸ…ಪೇ… ಬಹಿದ್ಧಾ ರೂಪಾಯತನಞ್ಚ ಅಜ್ಝತ್ತಂ ವತ್ಥು ಚ…ಪೇ… ಬಹಿದ್ಧಾ ಫೋಟ್ಠಬ್ಬಾಯತನಞ್ಚ ಅಜ್ಝತ್ತಂ ವತ್ಥು ಚ ಅಜ್ಝತ್ತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)
ಅಜ್ಝತ್ತೋ ಚ ಬಹಿದ್ಧಾ ಚ ಧಮ್ಮಾ ಬಹಿದ್ಧಾ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಅಜ್ಝತ್ತಂ ರೂಪಾಯತನಞ್ಚ ಬಹಿದ್ಧಾ ಚಕ್ಖಾಯತನಞ್ಚ ಬಹಿದ್ಧಾ ಚಕ್ಖುವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಅಜ್ಝತ್ತಂ ಫೋಟ್ಠಬ್ಬಾಯತನಞ್ಚ ಬಹಿದ್ಧಾ ಕಾಯಾಯತನಞ್ಚ ಬಹಿದ್ಧಾ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ಅಜ್ಝತ್ತಂ ರೂಪಾಯತನಞ್ಚ ಬಹಿದ್ಧಾ ವತ್ಥು ಚ…ಪೇ… ಅಜ್ಝತ್ತಂ ಫೋಟ್ಠಬ್ಬಾಯತನಞ್ಚ ಬಹಿದ್ಧಾ ವತ್ಥು ಚ ಬಹಿದ್ಧಾ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)
ಪಚ್ಛಾಜಾತಪಚ್ಚಯೋ
೩೯. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅಜ್ಝತ್ತಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಬಹಿದ್ಧಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)
ಆಸೇವನಪಚ್ಚಯೋ
೪೦. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅಜ್ಝತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅಜ್ಝತ್ತಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ…ಪೇ… (ಅಜ್ಝತ್ತಸದಿಸಂಯೇವ).
ಕಮ್ಮಪಚ್ಚಯೋ
೪೧. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಅಜ್ಝತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಅಜ್ಝತ್ತಾ ಚೇತನಾ ವಿಪಾಕಾನಂ ಅಜ್ಝತ್ತಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಬಹಿದ್ಧಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಬಹಿದ್ಧಾ ಚೇತನಾ ವಿಪಾಕಾನಂ ಬಹಿದ್ಧಾ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)
ವಿಪಾಕಪಚ್ಚಯೋ
೪೨. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ…ಪೇ… (ಪರಿಪುಣ್ಣಂ, ಪಟಿಚ್ಚವಾರಸದಿಸಂ).
ಆಹಾರಪಚ್ಚಯೋ
೪೩. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅಜ್ಝತ್ತಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ… ಅಜ್ಝತ್ತೋ ಕಬಳೀಕಾರೋ ಆಹಾರೋ ಅಜ್ಝತ್ತಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೧)
ಅಜ್ಝತ್ತೋ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅಜ್ಝತ್ತೋ ಕಬಳೀಕಾರೋ ಆಹಾರೋ ಬಹಿದ್ಧಾ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೨)
ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ (ಪವತ್ತಿಪಟಿಸನ್ಧಿ) ಬಹಿದ್ಧಾ ಕಬಳೀಕಾರೋ ಆಹಾರೋ ಬಹಿದ್ಧಾ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೧)
ಬಹಿದ್ಧಾ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಬಹಿದ್ಧಾ ಕಬಳೀಕಾರೋ ಆಹಾರೋ ಅಜ್ಝತ್ತಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೨)
೪೪. ಅಜ್ಝತ್ತೋ ಧಮ್ಮೋ ಚ ಬಹಿದ್ಧಾ ಧಮ್ಮೋ ಚ ಅಜ್ಝತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅಜ್ಝತ್ತೋ ಕಬಳೀಕಾರೋ ಆಹಾರೋ ಚ ಬಹಿದ್ಧಾ ಕಬಳೀಕಾರೋ ಆಹಾರೋ ಚ ಅಜ್ಝತ್ತಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೧)
ಅಜ್ಝತ್ತೋ ಧಮ್ಮೋ ಚ ಬಹಿದ್ಧಾ ಧಮ್ಮೋ ಚ ಬಹಿದ್ಧಾ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅಜ್ಝತ್ತೋ ಕಬಳೀಕಾರೋ ಆಹಾರೋ ಚ ಬಹಿದ್ಧಾ ಕಬಳೀಕಾರೋ ಆಹಾರೋ ಚ ಬಹಿದ್ಧಾ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೨)
ಇನ್ದ್ರಿಯಪಚ್ಚಯಾದಿ
೪೫. ಅಜ್ಝತ್ತೋ ಧಮ್ಮೋ ಅಜ್ಝತ್ತಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಅಜ್ಝತ್ತಿಕಾ ಇನ್ದ್ರಿಯಾ (ರೂಪಜೀವಿತಿನ್ದ್ರಿಯಮ್ಪಿ ವಿತ್ಥಾರೇತಬ್ಬಂ)… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಮಾತಿಕಾಪದಾನಿ ಅನುಮಜ್ಜನ್ತೇನ ವಿತ್ಥಾರೇತಬ್ಬಾನಿ).
ಬಹಿದ್ಧಾ ಧಮ್ಮೋ ಬಹಿದ್ಧಾ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ).