೫. ತಿಕಂ

೨೫೭. ಕುಸಲಾ ಧಮ್ಮಾ… ಅಕುಸಲಾ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಸೋಳಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೫೮. ಸುಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ… ದುಕ್ಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ ಏಕೇನ ಖನ್ಧೇನ ಸಮ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಪನ್ನರಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೫೯. ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ ಏಕೇನ ಖನ್ಧೇನ ಸಮ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಏಕಾದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೬೦. ವಿಪಾಕಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೬೧. ವಿಪಾಕಧಮ್ಮಧಮ್ಮಾ… ಸಂಕಿಲಿಟ್ಠಸಂಕಿಲೇಸಿಕಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಸೋಳಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೬೨. ನೇವವಿಪಾಕನವಿಪಾಕಧಮ್ಮಧಮ್ಮಾ… ಅನುಪಾದಿನ್ನುಪಾದಾನಿಯಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ ಪಞ್ಚಹಿ ಧಾತೂಹಿ ವಿಪ್ಪಯುತ್ತಾ.

೨೬೩. ಅನುಪಾದಿನ್ನಅನುಪಾದಾನಿಯಾ ಧಮ್ಮಾ… ಅಸಂಕಿಲಿಟ್ಠಅಸಂಕಿಲೇಸಿಕಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ ಛಹಿ ಧಾತೂಹಿ ವಿಪ್ಪಯುತ್ತಾ.

೨೬೪. ಸವಿತಕ್ಕಸವಿಚಾರಾ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಪನ್ನರಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೬೫. ಅವಿತಕ್ಕವಿಚಾರಮತ್ತಾ ಧಮ್ಮಾ… ಪೀತಿಸಹಗತಾ ಧಮ್ಮಾ ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಸೋಳಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೬೬. ಅವಿತಕ್ಕಅವಿಚಾರಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ ಏಕಾಯ ಧಾತುಯಾ ವಿಪ್ಪಯುತ್ತಾ.

೨೬೭. ಸುಖಸಹಗತಾ ಧಮ್ಮಾ ಏಕೇನ ಖನ್ಧೇನ ಸಮ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಪನ್ನರಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೬೮. ಉಪೇಕ್ಖಾಸಹಗತಾ ಧಮ್ಮಾ ಏಕೇನ ಖನ್ಧೇನ ಸಮ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತಾ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಏಕಾದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೬೯. ದಸ್ಸನೇನ ಪಹಾತಬ್ಬಾ ಧಮ್ಮಾ ಭಾವನಾಯ ಪಹಾತಬ್ಬಾ ಧಮ್ಮಾ… ದಸ್ಸನೇನ ಪಹಾತಬ್ಬಹೇತುಕಾ ಧಮ್ಮಾ… ಭಾವನಾಯ ಪಹಾತಬ್ಬಹೇತುಕಾ ಧಮ್ಮಾ… ಆಚಯಗಾಮಿನೋ ಧಮ್ಮಾ… ಅಪಚಯಗಾಮಿನೋ ಧಮ್ಮಾ… ಸೇಕ್ಖಾ ಧಮ್ಮಾ… ಅಸೇಕ್ಖಾ ಧಮ್ಮಾ… ಮಹಗ್ಗತಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಸೋಳಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೭೦. ಅಪ್ಪಮಾಣಾ ಧಮ್ಮಾ… ಪಣೀತಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ ಛಹಿ ಧಾತೂಹಿ ವಿಪ್ಪಯುತ್ತಾ.

೨೭೧. ಪರಿತ್ತಾರಮ್ಮಣಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೭೨. ಮಹಗ್ಗತಾರಮ್ಮಣಾ ಧಮ್ಮಾ… ಅಪ್ಪಮಾಣಾರಮ್ಮಣಾ ಧಮ್ಮಾ… ಹೀನಾ ಧಮ್ಮಾ… ಮಿಚ್ಛತ್ತನಿಯತಾ ಧಮ್ಮಾ… ಸಮ್ಮತ್ತನಿಯತಾ ಧಮ್ಮಾ… ಮಗ್ಗಾರಮ್ಮಣಾ ಧಮ್ಮಾ… ಮಗ್ಗಹೇತುಕಾ ಧಮ್ಮಾ… ಮಗ್ಗಾಧಿಪತಿನೋ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಸೋಳಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೭೩. ಅನುಪ್ಪನ್ನಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ ಪಞ್ಚಹಿ ಧಾತೂಹಿ ವಿಪ್ಪಯುತ್ತಾ.

೨೭೪. ಅತೀತಾರಮ್ಮಣಾ ಧಮ್ಮಾ…ಪೇ… ಅನಾಗತಾರಮ್ಮಣಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ಸೋಳಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೭೫. ಪಚ್ಚುಪ್ಪನ್ನಾರಮ್ಮಣಾ ಧಮ್ಮಾ… ಅಜ್ಝತ್ತಾರಮ್ಮಣಾ ಧಮ್ಮಾ… ಬಹಿದ್ಧಾರಮ್ಮಣಾ ಧಮ್ಮಾ… ಅಜ್ಝತ್ತಬಹಿದ್ಧಾರಮ್ಮಣಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.

೨೭೬. ಸನಿದಸ್ಸನಸಪ್ಪಟಿಘಾ ಧಮ್ಮಾ… ಅನಿದಸ್ಸನಸಪ್ಪಟಿಘಾ ಧಮ್ಮಾ…ಪೇ… ಸಮ್ಪಯುತ್ತಾತಿ? ನತ್ಥಿ. ಕತಿಹಿ ವಿಪ್ಪಯುತ್ತಾ? ಚತೂಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ವಿಪ್ಪಯುತ್ತಾ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತಾ.