೧೨. ಸತ್ತಸತಿಕಕ್ಖನ್ಧಕ

ದುತಿಯ ಸಂಗಾಯನಾ

ಪುಚ್ಛಾ – ಸತ್ತಸತಿಕಂ ಪುಚ್ಛಿಸ್ಸಂ, ಸನಿದಾನಂ ಸನಿದ್ದೇಸಂ. ಸಮುಕ್ಕಟ್ಠಪದಾನಂ ಆವುಸೋ ಕತಿ ಆಪತ್ತಿಯೋ.

ವಿಸ್ಸಜ್ಜನಾ – ಸತ್ತಸತಿಕಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ. ಸಮುಕ್ಕಟ್ಠಪದಾನಂ ಭನ್ತೇ ನ ಕತಮಾ ಆಪತ್ತಿ.

ಪುಚ್ಛಾ – ಕಸ್ಸ ಆವುಸೋ ವಚನಂ.

ವಿಸ್ಸಜ್ಜನಾ – ಭಗವತೋ ಭನ್ತೇ ವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ.

ಪುಚ್ಛಾ – ಕೇ ಆವುಸೋ ಸಿಕ್ಖನ್ತಿ.

ವಿಸ್ಸಜ್ಜನಾ – ಸೇಕ್ಖಾ ಚ ಭನ್ತೇ ಪುಥುಜ್ಜನಕಲ್ಯಾಣಕಾ ಚ ಸಿಕ್ಖನ್ತಿ.

ಪುಚ್ಛಾ – ಕೇ ಆವುಸೋ ಸಿಕ್ಖಿತಸಿಕ್ಖಾ.

ವಿಸ್ಸಜ್ಜನಾ – ಅರಹನ್ತೋ ಭನ್ತೇ ಸಿಕ್ಖಿತಸಿಕ್ಖಾ.

ಪುಚ್ಛಾ – ಕತ್ಥ ಆವುಸೋ ಠಿತಂ.

ವಿಸ್ಸಜ್ಜನಾ – ಸಿಕ್ಖಾಕಾಮೇಸು ಭನ್ತೇ ಠಿತಂ.

ಪುಚ್ಛಾ – ಕೇನಾವುಸೋ ಆಭತಂ.

ವಿಸ್ಸಜ್ಜನಾ – ಪರಮ್ಪರಾಯ ಭನ್ತೇ ಆಭತಂ.