೫. ಪಣಿಹಿತಅಚ್ಛವಗ್ಗ

ಪುಚ್ಛಾ – ಪಞ್ಚಮೇ ಆವುಸೋ ಪಣಿಹಿತಅಚ್ಛವಗ್ಗೇ ಭಗವತಾ ಕೀದಿಸೀ ಧಮ್ಮದೇಸನಾಯೋ ದೇಸಿತಾ.

ವಿಸ್ಸಜ್ಜನಾ – ಪಞ್ಚಮೇ ಭನ್ತೇ ಪಣಿಹಿತಅಚ್ಛವಗ್ಗೇ ‘‘ಸೇಯ್ಯಥಾಪಿ ಭಿಕ್ಖವೇ ಸಾಲಿಸೂಕಂ ವಾ ಯವಸೂಕಂ ವಾ ಮಿಚ್ಛಾಪಣಿಹಿತಂ ಹತ್ಥೇನ ವಾ ಪಾದೇನ ವಾ ಅಕ್ಕನ್ತಂ ಹತ್ಥಂ ವಾ ಪಾದಂ ವಾ ಭೇಚ್ಛತಿ, ಲೋಹಿತಂ ವಾ ಉಪ್ಪಾದೇಸ್ಸತೀತಿ ನೇತಂ ಠಾನ ವಿಜ್ಜತಿ. ತಂ ಕಿಸ್ಸಹೇತು, ಮಿಚ್ಛಾಪಣಿಹಿತತ್ತಾ ಭಿಕ್ಖವೇ ಸೂಕಸ್ಸ. ಏವಮೇವ ಖೋ ಭಿಕ್ಖವೇ ಸೋ ವತ ಭಿಕ್ಖು ಮಿಚ್ಛಾಪಣಿಹಿತೇನ ಚಿತ್ತೇನ ಅವಿಜ್ಜಂ ಭೇಚ್ಛತಿ, ವಿಜ್ಜಂ ಉಪ್ಪಾದೇಸ್ಸತಿ, ನಿಬ್ಬಾನಂ ಸಚ್ಛಿಕರಿಸ್ಸತೀತಿ ನೇತಂ ಠಾನಂ ವಿಜ್ಜತಿ, ತಂ ಕಿಸ್ಸ ಹೇತು, ಮಿಚ್ಛಾಪಣಿಹಿತತ್ತಾ ಭಿಕ್ಖವೇ ಚಿತ್ತಸ್ಸಾ’’ತಿ ಏವಮಾದಿಕಾ ಭಗವತಾ ಧಮ್ಮದೇಸನಾಯೋ ದೇಸಿತಾ.