೮೨. ಗನ್ಥ

‘‘ಅಟ್ಠಾದಸ ನಿಮೇಸಾ ತು, ಕಟ್ಠಾ ತಿಂಸನ್ತು ತಾಕಲಾ’’ತಿ ವಚನತೋ ಆಹ- ‘ಕಲಾ ಕಾಲವಿಸೇಸೋ’ತಿ. ಕಲಾದಿಸಙ್ಖಾತಗನ್ಥಸ್ಸಾನ್ತೇ ಸಹಸದ್ದೋ ವತ್ತತೀತಿಸಮಾಸವಾಕ್ಯಂ ನಿದ್ದಿಸತಿ ‘ಕಲನ್ತ’ಮಿಚ್ಚಾದಿ. ಗನ್ಥನ್ತೇಚ್ಚಾದಿನಾ ಆಸಙ್ಕತೋಯಮಧಿಪ್ಪಾಯೋ ‘‘ಕಾಲತ್ಥಪರಿಚ್ಚಾಗೇನ ಗನ್ಥನ್ತೇ ವತ್ತಮಾನತ್ತಾ ಅಕಾಲತ್ಥೋ’’ತಿ. ಗನ್ಥವುತ್ತಿಪಿ ಕಲಾದಿ ಕಾಲಸದ್ದತ್ಥಂ ನಾತಿಕ್ಕಮತೀತಿ ಅಧಿಪ್ಪಾಯೇನಾಹ- ‘ಗನ್ಥವುತ್ತಿಪಿ’ಚ್ಚಾದಿ. ಅಧಿಕೋ ಮಾಸಕೋ ಅಸ್ಸಾತಿ ಸಮಾಸಕೋ, ವಿಕಪ್ಪೇನ ಸಿದ್ಧೇತಿ ‘‘ಸಹಸ್ಸ ಸೋ-ಞ್ಞತ್ಥೇ’’ತಿ (೩-೭೮).