೪೫. ದೀಘಾ

ದೀಘರತ್ತನ್ತ್ಯಾದೋ ನಾನುಸಿಟ್ಠತ್ತಾ ಲಿಙ್ಗವಿಸೇಸಸ್ಸ ಕಥಂ ನಪುಂಸಕತ್ತಮೇವಿಚ್ಚಾಸಙ್ಕಿಯ ಚೋದೇತಿ ‘ನನುಚೇ’ಚ್ಚಾದಿ. ನಾಯಂದೋಸೋಚ್ಚಾದಿನಾ ಪರಿಹರತಿ. ‘‘ಲಿಙ್ಗಂ ನಾನುಸಾಸನೀಯಂ ಲೋಕನಿಸ್ಸಯತ್ತಾ ಲಿಙ್ಗಸ್ಸಾ’’ತೀದಮಾಲಮ್ಬ ವದತಿ ‘ಲೋಕೇ’ತಿಆದಿ. ಅಥವಾತಿ ಪಕ್ಖನ್ತರೋಪದಸ್ಸನತ್ಥೇ ನಿಪಾತೋ, ವಿಭಜ್ಜಾತಿ ವಿಭಜಿತ್ವಾ. ಕ್ವಚೀತಿ ಯೋಗವಿಭಾಗೇನಾತಿ ಅಧಿಪ್ಪಾಯೋ.

ಅಹೋರತ್ತನ್ತಿ ಸಮಾಹಾರೇ (ಚತ್ಥ) ಸಮಾಸಾ ನಪುಂಸಕತ್ತಂ. ಅತಿರತ್ತೋತಿ ಪುಲ್ಲಿಙ್ಗೇ ಪಾದಿಸಮಾಸೋ, ಸಮುದಾಯಸದ್ದಸ್ಸಾಪ್ಯವಯವೇ ವುತ್ತಿ ಸಬ್ಭಾವತೋ ಏಕದೇಸವಚನೋ ಪುಬ್ಬರತ್ತಾದೋ ರತ್ತಿಸದ್ದೋಚ್ಚಾಹ-‘ಪುಬ್ಬಾ ಚ ಸಾ ರತ್ತಿ ಚಾ’ತಿಆದಿ. ಏವಮೇಕರತ್ತನ್ತಿ ಪಾಠೇನ ನ ಭವಿತಬ್ಬಂ… ತಸ್ಸ ಸಮಾಹಾರೇನ ಸಮಾಸತ್ತಾಭಾವಾ. ನಪುಂಸಕಲಿಙ್ಗಮ್ಪನ ಲೋಕಸನ್ನಿಸ್ಸ ಯತ್ತಾ ವಿಞ್ಞೇಯ್ಯಂ.

ಅಸಮಾಸನ್ತಪಕ್ಖೇತಿ ಸಮಾಸನ್ತಅಪ್ಪಚ್ಚಯಸ್ಸಾಭಾವಪಕ್ಖೇ. ಪುಬ್ಬಾ ಅತಿಕ್ಕನ್ತಾ ರತ್ತಿ ಪುಬ್ಬರತ್ತೀ(ತಿ ರತ್ತಿ ಸದ್ದೋ) ನೇಕದೇಸವಚನೋತಿ ಸಮಾಸನ್ತಾಭಾವೋ.