೩೩. ಮಾತು

ಭರಿಯಾಯನ್ತಿ ಪಕತಿವಿಸೇಸನತ್ತಾ ಮಾಹ- ‘ಭರಿಯಾಯ’ನ್ತಿಆದಿ. ಪುನ್ನಾಮಧೇಯ್ಯಾತಿ ಪುರಿಸಸ್ಸ ಸಮಞ್ಞಾಭೂತಾ, ಪುಂಯೋಗೇನಾತಿ ಪುರಿಸೇನ ಸಹ ಸಮ್ಬನ್ಧೇನ ಹೇತುನಾ. ಇತ್ಥಿಯಂ ವತ್ತನ್ತೀತಿ ಸೋಯಮಿತ್ಯಭೇದವಚನಿಚ್ಛಾಯಂ ಯದಾ ಭರಿಯಾಸಙ್ಖಾತಾಯಮಿತ್ಥಿಯಂ ವತ್ತನ್ತೇ, ನದಾದಿಪಾಠಾತಿ ವುತ್ತೇ ವಿಞ್ಞಾಯತಿ ‘ಆಕತಿಗಣತ್ತಾ ನದಾದಿಪಾಠೋ ಹೋನ್ತೋ ಏವಂ ಹೋತೀ’ತಿ ದಸ್ಸೇತಿ, ಪುನ್ನಾಮಸ್ಮಾಯೋಗಾಅಪಾಲಕನ್ತಾತಿ ನದಾದಿಪಾಠತೋತಿ ಅತ್ಥೋತಿ ಸೇಸೋ. ಇದಞ್ಚ ನದಾದೀಸು ಗಣಸುತ್ತನ್ತಿ ವೇದಿತಬ್ಬಂ, ತಸ್ಸ ಅತ್ಥಂ ವದತಿ-‘ಪುಮುನೋ’ಇಚ್ಚಾದಿ, ಅಪಾಲಕನ್ತಾತಿ ಕಿಂಪಸುಪಾಲಿಕಾ ಖೇತ್ತಪಾಲಿಕಾ.