೯೩. ಯೋಸು

ಟಾದೇಸೋ-ತಿಪ್ಪಸಜ್ಜತೀತಿ ಕಸ್ಮಾ ವುತ್ತಂ ನನು ತದನ್ತಸ್ಸ ಸಮುದಾಯಸ್ಸ ಪತ್ತೇ ‘‘ಛಟ್ಠಿಯನ್ತಸ್ಸಾ’’ತಿ (೧-೧೭) ಅನ್ತಸ್ಸೇವ ಹೋತಿ, ತಥಾಸತಿ ನೇವಾತಿಪ್ಪಸಙ್ಗೋ, ತಸ್ಮಾ ಕಸ್ಮಾತಿಪ್ಪಸಜ್ಜತೀತಿ ವುತ್ತನ್ತಿ, ಸಚ್ಚಂ, ತಥಾಪಿ ‘ಝಿಸ್ಸಾ’ತಿ ವತ್ತುಂ ಸಕ್ಕುಣೇಯ್ಯತ್ತೇ ಇಸ್ಸಾತಿ ವುತ್ತತ್ತ [ವುತ್ತನ್ಥಿ] ಸಾಮತ್ಥಿಯತೋ ತದನ್ತಸ್ಸ ಟಾದೇಸೋ-ತಿಪ್ಪಸಜ್ಜತೀತಿ ತಥಾ ವುತ್ತನ್ತಿ, ನನು ‘ಝಿಸ್ಸಾ’ತಿ ವುತ್ತೇಪಿ ಸೋವಾತಿಪ್ಪಸಙ್ಗೋ ತದವತ್ಥೋಯೇವಾತಿ ಸಚ್ಚಂ, ತಥಾಪಿ ಯದಿ ಸಮುದಾಯಸ್ಸ ಟಾದೇಸೋ-ಭಿಮತೋ ಸಿಯಾ ‘ತಥಾ ಸತಿ ಕಿಂ ಝಗ್ಗಹಣೇನ ಇಸ್ಸತ್ವೇವ ವದೇಯ್ಯಾತಿ ನಾತಿಪ್ಪಸಜ್ಜತೀತಿ, ಝಗ್ಗಹಣೇ ನಾಮನ್ತೇ ಇಕಾರಸ್ಸೇವ ಝಸಞ್ಞತ್ತಾತಿ ಇದಂ ಪನ ವಿಸೇಸನತ್ತೇನ ವತ್ತು ಮನಿಚ್ಛಿತೇ ಯುಜ್ಜತಿ.