೪೦. ತುಲ್ಯ

ಅನಭಿಮತಾತಿ ‘ತುಲ್ಯತ್ಥೇಹ್ಯತುಲೋಪಮಾಹಿ ತತಿಯಾಞ್ಞತರಿಸ್ಸ’ನ್ತಿ (೨-೩-೭೨) ಸುತ್ತೇನ ತುಲೋಪಮಾಹಿ ಅಞ್ಞೇಹಿ ತುಲ್ಯತ್ಥೇಹಿ ಯೋಗೇ ತತಿಯಾಯ ವಿಧೀಯಮಾನತ್ತಾ ಪಾಣಿನಿಯಾನಂ ಅನಭಿಮತಾ, ಯಸ್ಮಾ ಸದಿಸಾ ಭಾವಾ ತೇಸಂ ನೋಪಮಾತಿ ‘ಅಜ್ಜುನಸ್ಸ ತುಲಾ ನತ್ಥೀ’ತ್ಯಾದಿಕಮುಚ್ಚತೇ, ತಸ್ಮಾ ಏವಂ ಯಥಾವುತ್ತನಯೇನಾತಿ ತದೇವನ್ತೀಮಸ್ಸ ಅತ್ಥೋ ವೇದಿತಬ್ಬೋ, ತದೇವನ್ತಿ ವಾ ನಿಪಾತಸಮುದಾಯೋ ಯಥಾವುತ್ತನಿದಸ್ಸನತ್ಥೋ, ತುಲ್ಯೇಸೂತಿ ಸದಿಸೇಸು, ತಥಾವುತ್ತಾತಿ ಅಜ್ಜುನಸ್ಸತುಲಾನತ್ಥೀತ್ಯಾದಿನಾ ತೇನ ಪಕಾರೇನ ವುತ್ತಾ.