೨೩೦. ಚಂವಾ

ಕಚ್ಚಾಯನಾಚರಿಯೋ ತುಮ್ಹಾಮ್ಹೇಹಿ ಪರಾಯ ಚತುತ್ಥೀ ಛಟ್ಠೀ ಸವಿಭತ್ತಿಯಾ ‘‘ಸಸ್ಸಂ’’ತಿ (೨-೩-೩) ಸುತ್ತೇನ ಅಮಾದೇಸಂ ವಿಧಾಯ ‘ತುಮ್ಹಂ ಅಮ್ಹ’ನ್ತಿ ಬಹುವಚನರೂಪಾನಿ ಸಾಧೇತಿ… ಏಕಸ್ಮಿಮ್ಪಿ ಅತ್ತನಿ ಗುರುಆದಿಕೇ ಚ ಗಾರವ ವಸೇನ ಬಹುವಚನರೂಪದಸ್ಸನತೋತಿ ದಸ್ಸೇತುಮಾಹ-ತುಮ್ಹಂ ಅಮ್ಹ’ನ್ತಿಆದಿ, ತಸ್ಸಾಯುತ್ತತ್ತಾ ‘ತಮಯುತ್ತ’ನ್ತಿ ವತ್ವಾ ಅಯುತ್ತತಂ ಸಾಧೇತಿ ‘ಏವಂ ಹಿ’ಚ್ಚಾದಿನಾ, ಇಮಸ್ಮಿಮ್ಪನ ಸತ್ಥೇ ಏಕಸ್ಮಿಮ್ಪಿ ಸಬ್ಬಥಾ ಬಹುವಚನ ರೂಪಸಾಧನಕ್ಕಮಂ ದಸ್ಸೇತುಂ ‘ಇಧ ಪನಾ’ತಿಆದಿಮಾರದ್ಧಂ.