೨೨. ಛಟ್ಠೀ

ಸಮ್ಬನ್ಧವಚನಿಚ್ಛಾಯೇವೇತ್ಥ ಛಟ್ಠೀ ಸಿದ್ಧಾತಿ ಆಸಙ್ಕಿಯಾಹ-‘ಹೇತುಮ್ಹಿ’ಚ್ಚಾದಿ, ಹೇತುಮಾಹ-‘ತಂ ಯೋಗ್ಗತಾ’ ಇಚ್ಚಾದಿ, ಸದ್ದಸತ್ತಿಸಾಮತ್ಥಿಯಾತಿ ಸದ್ದಸತ್ತಿಸಙ್ಖಾತಾಯ ಸಾಮತ್ಥಿಯಾ, ತಮೇವ ಫುಟಯತಿ ‘ಯತ್ಥ’ಇಚ್ಚಾದಿನಾ, ಹೇತ್ವತ್ಥವಾಚಕೇಹಿ ಅನ್ತರೇನಾತಿ ಸಮ್ಬನ್ಧೋ, ಸಮಾನಾಧಿಕರಣೇಹೀತಿ ಹೇತ್ವತ್ಥಸಮಾನಾಧಿಕರಣೇಹಿ ಉದರಾದೀಹಿ, ತಜ್ಜೋತನಾಯಾತಿ ಹೇತ್ವತ್ಥಜೋತನಾಯಾಲನ್ತಿ ಸಮ್ಬನ್ಧೋ, ಬ್ಯತಿರೇಕೇನ ತು ಹೇತ್ವತ್ಥತೋ ತಪ್ಪವತ್ತಿಮಾಹ-‘ಯತ್ಥ ಪನಿ’ಚ್ಚಾದಿ, ಹೇತ್ವತ್ಥೇಹಿಪಿಚ್ಚಾದಿನಾ ಸಾಮತ್ಥಿಯಮುಪದಸ್ಸಿತಂ ‘ವಸೇ ಧಮ್ಮಸ್ಸ ಹೇತುನೋ’ತಿ ತತ್ಥೋದಾಹರಣಂ.