೧೯೭. ಇಮೇ

ಆದೇಸೋ ಕಥನಂ, ಅನ್ವಾದೇಸೋ-ನುಕಥನಮಿಚ್ಚಾಹ-‘ಅನ್ವಾದೇಸೋ ಕಥಿತಾನುಕಥನ’ಮೀತಿ, ಕಥಿತಸ್ಸಾನುಕಥನಂ ಕಥಿತಾನುಕಥನಂ, ಅನೇನ ಚ ನೇಹ ಪಚ್ಛಾ ಉಚ್ಚಾರಣಮತ್ತಮನ್ವಾದೇಸೋ, ಕಿಞ್ಚರಹಿ ಏಕಸ್ಸಾಭಿಧೇಯ್ಯಸ್ಸ ಪುಬ್ಬಸದ್ದೇನ ಪಟಿಪಾದಿತಸ್ಸ ದುತಿಯಮ್ಪತಿಪಾದನಮನ್ವಾದೇಸೋತಿ ವದತಿ, ತೇನೇಹ ನ ಭವತಿ ‘ದೇವದತ್ತಂ ಭೋಜಯ, ಇಮಞ್ಚ ಯಞ್ಞದತ್ತ’ನ್ತಿ, ಕೇನಚಿ ವಿಸೇಸನ್ತರಯೋಗೇನ ಕಥಿತಸ್ಸಾನುಕಥನಂ ಅನ್ವಾದೇಸೋತಿ ಸಮ್ಬನ್ಧೋ. ಕಥಮ್ಪನ ವಿಸೇಸನ್ತರಯೋಗೋ ಗಮ್ಯತೇಚ್ಚಾಹ- ‘ಸಾಮತ್ಥಿಯಾ’ತಿ, ಕೇನಚಿ ವಿಸೇಸೇನಾಯೋಗೇ ವುತ್ತಸ್ಸೇವ ಪುನಬ್ಬಚನಾನುಪಪಜ್ಜನಂ ಸಾಮತ್ಥಿಯಂ, ತೇನೇವಾಹ- ‘ಅಞ್ಞಥೇ’ಚ್ಚಾದಿ.