೧೬೨. ಲ್ತು

ಪಚ್ಚಯಇಚ್ಚಾದಿನಾ ‘‘ಪಚ್ಚಯಗ್ಗಹಣೇ ಯಸ್ಮಾ ಸೋ ವಿಹಿತೋ ತದಾದಿನೋ ತದನ್ತಸ್ಸ ಚ ಗಹಣ’’ನ್ತಿ ಞಾಯಂ ದಸ್ಸೇತಿ, ತತ್ಥ ಯತೋ ವಿಹಿತೋ ತಂ ವಿನಾ ನ ಭವತಿ ಪಚ್ಚಯೋತ್ಯನೇನ ಞಾಯೇನ ಪತ್ತೋಯೇವಾತ್ಥೋ ಆಖ್ಯಾಯತೇ ‘ಪಚ್ಚಯಗ್ಗಹಣೇ ಯಸ್ಮಾ ಸೋ ವಿಹಿತೋ, ತದಾದಿನೋ ಗಹಣ’ನ್ತಿ, ‘‘ವಿಧಿಬ್ಬಿಸೇಸನನ್ತಸ್ಸೇ’’ತಿ ತದನ್ತಗ್ಗಹಣಂತ್ಯಾಖ್ಯಾಯತೇ ‘ತದನ್ತಸ್ಸ ಚ ಗಹಣ’ನ್ತಿ, ಸೋ ಪಕತಿವಿಸೇಸೋ ಆದಿ ಯಸ್ಸ ಸಮುದಾಯಸ್ಸ ಸೋ ತದಾದಿ, ಸೋ ಪಚ್ಚಯೋ-ನ್ತೇ ಯಸ್ಸ ಸಮುದಾಯಸ್ಸ ಸೋ ತದನ್ತೋ, ತಾದಿಸಸ್ಸ ತದಾದಿತದನ್ತಸಮುದಾಯವಿಸೇಸಸ್ಸ ಗಹಣಂ, ನ ತು ತದನ್ತಮತ್ತಸ್ಸೇತ್ಯತ್ಥೋ, ಇಹ ತು ತದನ್ತಗ್ಗಹಣಮೇವಾನುರೂಪನ್ತಿ’ ದಸ್ಸೇತುಮಾಹ-‘‘ಕತ್ತರಿ ಲ್ತುಣಕಾ’’ತಿ ಇಮಿನಾ ತ್ಯಾದಿ, ತದಾದಿತದನ್ತ ಸಮುದಾಯಸ್ಸ ತು ಗಹಣೇ ಫಲಂ ‘ಬ್ಯಜಿಗಿಸೀ’ತಿಆದೀಸು ದಟ್ಠಬ್ಬಂ, ತಞ್ಚ ‘‘ತುಂಸ್ಮಾ ಲೋಪೋಚಿಚ್ಛಾಯಂ ತೇ’’ತಿ (೫-೪) ಸುತ್ತೇ ಸಯಮೇವ ವಕ್ಖತಿ.