೧೪೮. ನ್ತಸ್ಸಂ

ಸತ್ತಮ್ಯನ್ತಂ ಭವತೀತಿ ಸೇಸೋ, ನನುಚನ್ತಸ್ಸಾತಿ ವುತ್ತೇ ನ್ತನ್ತುಪ್ಪಚ್ಚಯೋವಾವಸೀಯತಿ, ನ ತದನ್ತವಿಧೀತಿ [ನ್ತನ್ತುಪ್ಪಚ್ಚಯೋವ ನಾವಸೀಯತಿ, ತದನ್ತವಿಧಿಪೀತಿ ಪಾಠೇನ ಭವಿತಬ್ಬಂ] ಆಹ- ‘ನ್ತಪ್ಪಚ್ಚಯ ಸ್ಸೇವೇ’ಚ್ಚಾದಿ, ಸುತತ್ತಾತಿ ಸೋತವಿಞ್ಞಾಣೇನ ಗಹಿತತ್ತಾ ಪಚ್ಚಕ್ಖತ್ತಾತಿ ವುತ್ತಂ ಹೋತಿ, ಅನುಮಿತಸ್ಸ ‘‘ವಿಧಿಬ್ಬಿಸೇಸನನ್ತಸ್ಸಾ’’ತಿ (೧-೨೬) ಲಿಙ್ಗತೋ ತದನ್ತಸಙ್ಖಾತ ಅತ್ಥದಸ್ಸನಸಙ್ಖಾತಅನುಮಾನಞ್ಞಾಣೇನ ವಿಞ್ಞಾತಸ್ಸಾತಿ ಅತ್ಥೋ.