೧೩೪. ದುತಿ

ಅಞ್ಞಥಾತಿ ಗುರುನಿದ್ದೇಸಮಕತ್ವಾ ಅಞ್ಞೇನ ಲಹುಪ್ಪಕಾರೇನ ನಿದ್ದಿಸನೇ ಸತಿ, ಏಕವಿಭತ್ತಿನಿದ್ದಿಟ್ಠತ್ತಾತಿ‘ದುತಿಯಾಯೋಸ್ಸಾ’ತಿ ಏಕವಿಭತ್ತಿಯಾ ನಿದ್ದಿಟ್ಠತ್ತಾ, ಅಞ್ಞಥಾತಿಆದಿನಾ ನೇಕದೇಸೋತಿವಚನಪರಿಯನ್ತೇನೇತೇನ ‘ನ ತ್ವೇಕವಿಭತ್ತಿಯುತ್ತಾನ’ನ್ತಿ ಪರಿಭಾಸೇಕದೇಸಸ್ಸ ಅಧಿಪ್ಪಾಯೋ ಪಕಾಸಿತೋತಿ ಞಾತಬ್ಬಂ, ಏತದೇವಾನುವತ್ತತೀತ್ಯನೇನ ತು ‘‘ಏಕಯೋಗ ನಿದ್ದಿಟ್ಠಾನಮ್ಪೇಕದೇಸೋ-ನುವತ್ತತೇ’’ತೀಮಸ್ಸ, ಏಕವಿಭತ್ತಿಯುತ್ತಾನಂ ಏಕದೇಸೋ ನಾನುವತ್ತತೇತಿ ಯೋಜನಾ ಪರಿಭಾಸಾಯಂ, ಞಾಪೇತೀತಿ ಪುಬ್ಬೇ ವಿಯ ಸಾಮತ್ಥಿಯೇನ ಞಾಪೇತಿ.