ಮೋಗ್ಗಲ್ಲಾನ |ಓ೦.೦೦೦೧| ವುತ್ತಿವಿವರಣಪಞ್ಚಿಕಾ.

ವುತ್ತಿಸಮೇತಾ.

ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ಸದ್ಧಮಿದ್ಧಗುಣಂ ಸಾಧು ನಮಸ್ಸಿತ್ವಾ ತಥಾಗತಂ,

ಸಧಮ್ಮಸಙ್ಘಂ ಭಾಸಿಸ್ಸಂ ಮಾಗಧಂ ಸದ್ದಲಕ್ಖಣಂ.

ಅಕಾರಾದಯೋ |ಓ೦.೦೦೦೫| ನಿಗ್ಗಹೀತನ್ತಾ ತೇಚತ್ತಾಲೀಸಕ್ಖರಾ ವಣ್ಣಾ ನಾಮ ಹೋನ್ತಿ, ಅ ಆ ಇ ಈ ಉ ಊ ಏ ऐ ಓ औ ಕ ಖ ಗ ಘ ಙ ಚ ಛ ಜ ಝ ಞ ಟ ಠ ಡ ಢ ಣ ತ ಥ ದ ಧ ನ ಪ ಫ ಬ ಭ ಮ ಯ ರ ಲ ವ ಸ ಹ ಳ ಅಂ; ತೇನ ಕ್ವತ್ಥೋ ‘‘ಞೋನಮ ವಣ್ಣೇ‘‘. ತಿತಾಲೀಸಾತಿ ವಚನಂ ಕತ್ಥವಿ ವಣ್ಣಲೋಪಂ ಞಾಪೇತಿ; ತೇನ-ಪಟಿಸಙ್ಖಾಯೋನಿ ಸೋತಿ-ಆದಿ ಸಿದ್ಧಂ.

ದಸಾದೋ |ಓ೦.೦೦೦೭| ಸರಾ-.

ತತ್ಥಾದಿಮ್ಹಿ ದಸ ವಣ್ಣಾ ಸರಾ ನಾಮ ಹೋನ್ತಿ; ತೇನ ಕ್ವತ್ಥೋ ‘‘ಸರೋ ಲೋಪೋ ಸರೇ‘‘. ಚ್ಚಾದಿ.

ದ್ವೇದ್ವೇ ಸವಣ್ಣಾ-.

ತೇಸು ದ್ವೇದ್ವೇ ಸರಾ ಸವಣ್ಣಾ ನಾಮ ಹೋನ್ತಿ; ತೇನ ಕ್ವತ್ಥೋ ‘‘ವಣ್ಣಪರೇಣ ಸವಣ್ಣೋಪಿ‘‘

೧. ೨.

ಪುಬ್ಬೋ |ಓ೦.೦೦೦೮| ರಸ್ಸೋ-.

ತೇಸು ದ್ವೀಸು ಯೋ ಯೋ ಪುಬ್ಬೋ ಸೋ ಸೋ ರಸ್ಸಸಞ್ಞೋ ಹೋತಿ; ತೇಸು ಏ ಓ ಸಂಯೋಗತೋ ಪುಬ್ಬಾವ ದಿಸ್ಸನ್ತಿ; ತೇನ ಕ್ವತ್ಥೋ ‘‘ರಸ್ಸೋ ವೇ‘‘.ಚ್ಚಾದಿ.

ಪರೋ ದೀಘೋ-.

ತೇಸ್ವೇವ ದ್ವೀಸು ಯೋ ಯೋ ಪರೋ ಸೋ ಸೋ ದೀಘಸಞ್ಞೋ ಹೋತಿ; ತೇನ ಕ್ವತ್ಥೋ’ಯೋಲೋಪನಿಸು ದೀಘೋ‘‘.ಚ್ಚಾದಿ.

ಕಾದಯೋ |ಓ೦.೦೦೦೯| ಬ್ಯಜನಾ-.

ಕಕಾರಾದಯೋ ವಣ್ಣಾ ನಿಗ್ಗಹೀತಪರಿಯನ್ತಾ ಬ್ಯಜನಸಞ್ಞಾ ಹೋನ್ತಿ; ತೇನ ಕ್ವತ್ಥೋ ‘‘ಬ್ಯಜನೇ ದೀಘರಸ್ಸಾ‘‘.ಚ್ಚಾದಿ.

ಪಞ್ಚ ಪಞ್ಚಕಾ ವಗ್ಗಾ-.

ಕಾದಯೋ ಪಞ್ಚಕಾ ಪಞ್ಚ ವಗ್ಗಾ ನಾಮ ಹೋನ್ತೀ; ತೇನ ಕ್ವತ್ಥೋ ‘‘ವಗ್ಗೇ ವಗ್ಗನ್ತೋ‘‘. ಚ್ಚಾದಿ.

ಬಿನ್ದು ನಿಗ್ಗಹೀತಂ-.

ಯ್ವಾಯಂ ವಣ್ಣೇ ಬಿನ್ದುಮತ್ತೋ ಸೋ ನಿಗ್ಗಹೀತಸಞ್ಞೋ ಹೋತಿ; ತೇನ ಕ್ವತ್ಥೋ ‘‘ನಿಗ್ಗಹೀತಮಿ‘‘. ಚ್ಚಾದಿ; ಗರುಸಞ್ಞಾ ಕರಣಂ ಅನ್ವತ್ಥಸಞ್ಞತ್ಥಂ.

ಇಯುವಣ್ಣಾ ಜ್ಝಲಾ ನಾಮಸ್ಸನ್ತೇ-.

ನಾಮಂ ಪಾಟಿಪದಿಕಂ ತಸ್ಸ ಅನ್ತೇ ವತ್ತಮಾನಾ ಇವಣ್ಣುವಣ್ಣಾ ಝಲಸಞ್ಞಾ ಹೋನ್ತಿ ಯಥಾಕ್ಕಮಂ; ತೇನ ಕ್ವತ್ಥೋ‘‘ಝಲಾ ವೇ‘‘. ಚ್ಚಾದಿ.

ಪಿತ್ಥಿಯಂ-. |ಓ೦.೦೦೧೦|

ಇತ್ಥಿಯಂ ವತ್ತಮಾನಸ್ಸ ನಾಮಸ್ಸನ್ತೇ ವತ್ತಮಾನಾ ಇವಣ್ಣು ವಣ್ಣಾ ಪಸಞ್ಞಾ ಹೋನ್ತಿ; ತೇನ ಕ್ವತ್ಥಾ ‘‘ಯೇ ಪಸ್ಸಿವಣ್ಣಸ್ಸ‘‘. ಇಚ್ಚಾದಿ.

ಘಾ-. |ಓ೦.೦೦೧೧|

ಇತ್ಥಿಯಂ ವತ್ತಮಾನಸ್ಸ ನಾಮಸ್ಸನ್ತೇ ವತ್ತಮಾನೋ ಆಕಾರೋ ಘಸಞೇಞ್ಞಾ ಹೋತಿ; ತೇನ ಕ್ವತ್ಥೋ ‘‘ಘಬ್ರಹ್ಮಾದಿತೇ‘‘.ಚ್ಚಾದಿ.

ಗೋಸ್ಯಾಲಪನೇ-.

ಆಲಪನೇ ಸಿ ಗಸಞ್ಞೋ ಹೋತಿ; ತೇನ ಕ್ವತ್ಥೋ ‘‘ಗೇ ವೇ‘‘.ಚ್ಚಾದಿ.

ಸಞ್ಞಾಧಿಕಾರೋ.

ವಿಧಿಬ್ಬಿಸೇಸನನ್ತಸ್ಸ-.

ಯಂ ವಿಸೇಸನಂ ತದನ್ತಸ್ಸ ವಿಧಿ ಞಾತಬ್ಬೋ; ‘‘ಅತೋ ಯೋನಂ ಟಾಟೇ‘‘. ನರಾ ನರೇ.

ಸತ್ತಮಿಯಂ |ಓ೦.೦೦೧೨| ಪುಬ್ಬಸ್ಸ-.

ಸತ್ತಮೀನಿದ್ದೇಸೇ ಪುಬ್ಬಸ್ಸೇವ ಕಾರಿಯಂ ಞತಬ್ಬಂ; ‘‘ಸರೋ ಲೋಪೋ ಸರೇ‘‘. ವೇಳಗ್ಗಂ; ತಮಹನ್ತೀಧ ಕಸ್ಮಾ ನ ಹೋತಿ; ಸರೇತೋಪಸಿಲೇಸಿಕಾಧಾರೋ ತತ್ಥೇತಾವ ವುಚ್ಚತೇ ಪುಬ್ಬಸ್ಸೇವ ಹೋತಿ ನ ಪರಸ್ಸಾತಿ.

ಪಞ್ಚಮಿಯಂ |ಓ೦.೦೦೧೩| ಪರಸ್ಸ-.

ಪಞ್ಚಮೀನಿದ್ದೇಸೇ ಪರಸ್ಸ ಕಾರಿಯಂ ಞತಬ್ಬಂ; ‘‘ಅತೋ ಯೋನಂ ಟಾಟೇ‘‘. ನರಾ ನರೇ; ಇಧ ನ ಹೋತಿ ಜನ್ತುಯೋ ಅನನ್ತಾ; ಇಧ ಕಸ್ಮಾ ನ ಹೋತಿ; ಓಸಧ್ಯೋ ಅನನ್ತರೇ ಕತತ್ಥತಾಯ ನ ವ್ಯವ ಹಿತಸ್ಸ ಕಾರಿಯಂ.

ಆದಿಸ್ಸ-. |ಓ೦.೦೦೧೪|

ಪರಸ್ಸ ಸಿಸ್ಸಮಾನಂ ಕಾರಿಯಮಾದಿವಣ್ಣಸ್ಸ ಞಾತಬ್ಬಂ; ‘‘ರ ಸಙ್ಖ್ಯಾತೋ ವಾ‘‘. ರಾಜಿನಾ.

ಛಟ್ಠಿಯನ್ತಸ್ಸ-.

ಛಟ್ಠಿನಿದ್ದಿಟ್ಠಸ್ಸ ಯಂ ಕಾರಿಯಂ ತದನ್ತಸ್ಸ ವಣ್ಣಸ್ಸ ವಿಞ್ಞೇಯ್ಯಂ ‘‘ರಾಜಸ್ಸಿ ನಾಮ್ಹಿ‘‘. ರಾಜಿನಾ.

ಙನುಬನ್ಧೋ-.

ಙಕಾರೋ’ನುಬನ್ಧೋ ಯಸ್ಸ ಸೋ’ನ್ತಸ್ಸ ಹೋತಿ; ‘‘ಗೋಸ್ಸಾವಙಿ‘‘. ಗವಾಸ್ಸಂ.

ಟನುಬನ್ಧಾನೇಕವಣ್ಣಾ ಸಬ್ಬಸ್ಸ-.

ಟಕಾರೋ’ನುಬನ್ಧೋ ಯಸ್ಸ ಸೋ’ನೇಕಕ್ಖರೋ ಚಾದೇಸೋ ಸಬ್ಬಸ್ಸ ಹೋತಿ; ‘‘ಇಮಸ್ಸಾನಿತ್ಥಿಯಂ ಟೇ‘‘. ಏಸು ‘‘ನಾಮ್ಹನಿಮಿ‘‘. ಅನೇನ.

ಞಕಾನುಬನ್ಧಾದ್ಯನ್ತಾ-. |ಓ೦.೦೦೧೫|

ಛಟ್ಠಿನಿದ್ದಿಟ್ಠಸ್ಸ ಞಾನುಬನ್ಧಕಾನುಬನ್ಧಾ ಆದ್ಯನ್ತಾ ಹೋನ್ತಿ; ‘‘ಬ್ರುತೋ ತಿಸ್ಸೀಞ‘‘. ಬ್ರವೀತಿ, ‘‘ಭುಸ್ಸ ವುಕ‘‘. ಬಭುವ.

ಮನುಬನ್ಧೋ ಸರಾನಮನ್ತಾ ಪರೋ-.

ಮಕಾರೋ’ನುಬನ್ಧೋ ಯಸ್ಸ ಸೋ ಸರಾನಮನ್ತಾ ಸರಾ ಪರೋ ಹೋತೀ; ‘‘ಮಞ್ಚ ರುಧಾದೀನಂ‘‘. ರುನ್ಧತಿ.

ವಿಪ್ಪಟಿಸೇಧೇ-. |ಓ೦.೦೦೧೬|

ದ್ವಿನ್ನಂ ತಿಣ್ಣಂ ವಾ ಪುರಿಸಾನಂ ಸಹಪ್ಪತ್ತಿಯಂ ಪರೋ; ಸೋ ಚ ಗಚ್ಛತಿ ತ್ವಞ್ಚ ಗಚ್ಛಸಿ, ತುಮ್ಹೇ ಗಚ್ಛಥ; ಸೋ ಚ ಗಚ್ಛತಿ ತ್ವಞ್ಚ ಗಚ್ಛಸಿ ಅಹಞ್ಚ ಗಚ್ಛಾಮಿ, ಮಯಂ ಗಚ್ಛಾಮ.

ಸಙ್ಕೇತೋ’ನವಯವೋ’ನುಬನ್ಧೋ-. |ಓ೦.೦೦೧೭|

ಯೋ’ನವಯವಭುತೋ ಸಙ್ಕೇತೋ ಸೋ’ನುಬನ್ಧೋತಿ ಞತಬ್ಬೋ;ಲತುಪಿತಾದೀನಮಾಸಿಮ್ಹಿ. ಕತ್ತಾ, ಸಙ್ಕೇತಗ್ಗಹಣಂ ಕಿಂ? ಪಕತೀಯಾದಿಸಮುದಾಯಸ್ಸಾನುಬನ್ಧತಾ ಮಾ ಹೋತುತಿ; ಅನವಯವೋ ಹಿ ಸಮುದಾಯೋ ಸಮುದಾಯರೂಪತ್ತಾಯೇವ; ಅನವಯವಗ್ಗಹಣಂ ಕಿಂ?’ಅತೇನ’. ಜನೇನ; ಇಮಿನಾವ ಲೋಪಸ್ಸಾವಗತತ್ತಾ ನಾನುಬನ್ಧಲೋಪಾಯ ವಚನಮಾರದ್ಧಂ.

ವಣ್ಣಪರೇನ |ಓ೦.೦೦೧೮| ಸವಣ್ಣೋ’ಪಿ-.

ವಣ್ಣಸದ್ದೋ ಪರೋ ಯಸ್ಮಾ ತೇನ ಸವಣ್ಣೋ’ಪಿ ಗಯ್ಹತಿ ಸಂವ ರೂಪಂ; ಯುವಣ್ಣಾನಮ್ಞೋ ಲುತ್ತಾ‘‘. ವಾತೇರಿತಂ, ಸಮೋನಾ.

ನ್ತು |ಓ೦.೦೦೧೯| ವನ್ತುಮನತ್ವಾವನ್ತುತವನ್ತುಸಮ್ಬನ್ಧಿ-.

ವನ್ತ್ವಾದಿಸಮ್ಬನ್ಧಿಯೇವ ನ್ತು ಗಯ್ಹತಿ, ‘‘ನ್ತನ್ತುನಂ ನ್ತೋ ಯೋಮ್ಹಿ ಪಠಮೇ‘‘. ಗುಣವನ್ತೋ; ವನ್ತ್ವಾದಿಸಮ್ಬನ್ಧೀತಿ ಕಿಂ; ಜನ್ತು ತನ್ತು.

ಪರಿಭಾಸಾಯೋ.

ಸರೋ ಲೋಪೋ ಸರೇ-.

ಸರೇ ಸರೋ ಲೋಪನೀಯೋ ಹೋತಿ; ತತ್ರಿಮೇ, ಸದ್ಧಿನ್ದ್ರಿಯಂ, ನೋ ಹೇತಂ, ಭಿಕ್ಖುನೋವಾದೋ, ಸಮೇತಾಯಸ್ಮಾ, ಅಭಿಭಾಯತನಂ, ಪುತ್ತಾ ಮತ್ಥಿ, ಅಸನ್ತೇತ್ಥ.

ಪರೋ |ಓ೦.೦೦೨೦| ಕ್ವಚಿ ಲೋಪನೀಯೋ ಹೋತಿ; ಸೋ’ಪಿ, ಸಾವ, ಯತೋದಕಂ, ತತೋವ; ಕ್ವವೀತಿ ಕಿಂ? ಸದ್ಧಿನ್ದುಯಂ ಅಯಮಧಿಕಾರೋ ಆಪರಿಚ್ಛೇದಾವಸಾನಾ ತೇನ ನಾತಿಪ್ಪಸಙ್ಗೋ.

ನದ್ವೇವಾ-. |ಓ೦.೦೦೨೧|

ಪುಬ್ಬಪರಸರಾ ದ್ವೇ’ಪಿ ವಾ ಕ್ವಚಿ ನ ಲುಪ್ಯನ್ತೇ; ಲತಾ ಇವ ಲತೇವ ಲತಾವ.

ಯುವಣ್ಣನಮ್ಞೋ ಲುತ್ತಾ-.

ಲುತ್ತಾ ಸರಾ ಪರೇಸಂ ಇವಣ್ಣುವಣ್ಣಾನಂ ಞೋ ಹೋನ್ತಿ ವಾ ಯಥಾಕ್ಕಮಂ; ತಸ್ಸೇದಂ, ವಾತೇರಿತಂ, ನೋಪೇತಿ, ವಾಮೋರು, ಅತೇವ’ಞ್ಞೇ, ವೋದಕಂ; ಕಥಂ ಪಚ್ಚೋರಸ್ಮನ್ತಿ; ಯೋಗವಿಭಗಾ, ವಾತ್ವೇವ ತಸ್ಸಿದಂ; ಲುತ್ತೇತಿ ಕಿಂ? ಲತಾ ಇವ.

ಯವಾ |ಓ೦.೦೦೨೨| ಸರೇ-.

ಸರೇ ಪರೇ ಇವಣ್ಣುವಣ್ಣಾನಂ ಯಕಾರವಕಾರಾ ಹೋನ್ತಿವ ಯಥಾಕ್ಕಮಂ; ವ್ಯಾಕತೋ, ಇಚ್ಚಸ್ಸ, ಅಜ್ಝಿಣಮುತ್ತೋ, ಸ್ವಾಗತಂ, ಭವಾಪನಲಾನೀಲಂ; ವಾತ್ಥೇವ-ಇತಿಸ್ಸ; ಕ್ವಚೀತ್ವೇವ-ಯಾನೀಧ, ಸೂಪಟ್ಠಿತಂ.

ಞೋನಂ-.

ಞೋನಂ ಯವಾ ಹೋನ್ತಿ ವಾ ಸರೇ ಯಥಾಕ್ಕಮಂ; ತ್ಯಜ್ಜ ತೇ’ಜ್ಜ ಸ್ವಾಹಂ ಸೋ’ಹಂ,ಕ್ವಚಿತ್ವೇವ-ಪುತ್ತಾಮತ್ಥಿ ಅಸನ್ತೇತ್ಥ.

ಗೋಸ್ಸಾವಙಿ-.

ಸರೇ ಗೋಸ್ಸ ಅವಙಿ ಹೋತಿ; ಗವಾಸ್ಸಂ; ಯಥರಿವ ತಥರಿವೇತಿನಿಪಾತಾವ; ಭುಸಾಮಿವೇತಿ ಇವಸದ್ದೋ ಏವತ್ಥೋ.

ಬ್ಯಞ್ಜನೇ |ಓ೦.೦೦೨೩| ದೀಘರಸ್ಸಾ-.

ರಸ್ಸದೀಘಾನಂ ಕ್ವಚಿ ದೀಘರಸ್ಸಾ ಹೋನ್ತಿ ಬ್ಯಞ್ಜನೇ; ತತ್ರಾಯಂ, ಮುನೀವರೇ, ಸಮ್ಮದೇವ, ಮಾಲಹಾರೀ.

ಸರಮ್ಹಾ ದ್ವೇ-

ಸರಮ್ಹಾ ಪರಸ್ಸ ಬ್ಯಞ್ಜನಸ್ಸ ಕ್ವಚಿ ದ್ವೇ ರೂಪಾ ಹೋನ್ತಿ; ಪಗ್ಗಹೋ; ಸರಮ್ಹಾತಿ-ಕಿಂ? ತಂಖಣಂ.

ಚತುತ್ಥದುತಿಯೇಸ್ವೇಯಂ ತತಿಯಪಠಾಮಾ-.

ಚತುತ್ಥದುತಿಯೇಸು ಪರೇಸ್ವೇಸಂ ಚತುತ್ಥದುತಿಯಾನಂ ತಬ್ಬಗ್ಗೇ ತತಿಯಪಠಮಾ ಹೋನ್ತಿ ಪಚ್ಚಾಸತ್ತ್ಯ; ಮಹದ್ಧನೋ, ಯಸ ತ್ಥೇರೋ, ಅಪ್ಫುಟಂ, ಅಬ್ಭುಗ್ಗತೋ; ಏಸ್ವಿತಿ-ಕಿಂ? ಥೇರೋ; ಏಸನ್ತಿಕಿಂ?ಪತ್ಥೋ.

ವಿತಿಸ್ಸೇವೇ |ಓ೦.೦೦೨೪| ವಾ-.

ಏವಸದ್ದೇ ಪರೇ ಇತಿಸ್ಸ ವೋ ಹೋತಿ ವಾ; ಇತ್ಥೇವ ಇಚ್ಚೇವ; ಏವೇತಿ-ಕಿಂ,ಇಚ್ಚಾಹ.

ಞೋನಮ ವಣ್ಣೇ-.

ಞೋನಂ ವಣ್ಣೇ ಕ್ವಚಿ ಅ ಹೋತಿ ವಾ; ದಿಸ್ವಾ ಯಾಚಕಮಾಗತೇ, ಅಕರಮ್ಭಸತೇ,ಏಸಅತ್ಥೋ, ಏಸಧಮ್ಮೋ, ಮಗ್ಗೋ ಅಗ್ಗಮಕ್ಖಾಯತಿ, ಸ್ವಾಯತನಂ, ಹಿಯ್ಯತ್ತನಂ, ಕರಸ್ಸು; ವಾತ್ವೇವ-ಯಾಚಕೇ ಆಗತೇ, ಏಸೋ ಧಮ್ಮೋ; ವಣ್ಣೇತಿ ಕಿಂ?ಸೋ.

ನಿಗ್ಗಹೀತಂ-. |ಓ೦.೦೦೨೫|

ನಿಗ್ಗಭೀತಮಾಗಮೋ ಹೋತಿ ವಾ ಕ್ವಚಿ; ಚಕ್ಖುಂ ಉದಪಾದಿ ಚಕ್ಖು ಉದಪಾದಿ, ಪುರಿಮಂಜಾತಿ ಪುರಿಮಜಾತಿ, ಕತ್ತಬ್ಬಂ ಕುಸಲಂ ಬಹುಂ. ಅವಂ ಸಿರೋತಿ-ಆದಿಸು ನಿಚ್ಚಂ ವವತ್ಥೀತವಿಭಾಸತ್ತಾ ವಾಧಿಕಾರಸ್ಸ; ಸಾಮತ್ಥೀ ಯೇನಾಗಮೋವ ಸ ಚ ರಸ್ಸಸರಸ್ಸೇವ ಹೋತಿ ತಸ್ಸ ರಸ್ಸಾನುಗತತ್ತಾ.

ಲೋಪೋ-.

ನಿಗ್ಗಹೀತಸ್ಸ ಲೋಪೋ ಹೋತಿ ವಾ ಕ್ವಚಿ; ಕ್ಯಾಹಂ ಕೀಮಹಂ, ಸಾ ರತ್ತೋ ಸಂರತ್ತೋ; ಸಲ್ಲೇಖೋ-ಗತ್ತುಕಾಮೋ-ಗನ್ತುಮನೋತಿಆದಿಸು ನಿಚ್ಚಂ.

ಪರಸರಸ್ಸ-

ನಿಗ್ಗಹೀತಮ್ಹಾ ಪರಸ್ಸ ಸರಸ್ಸ ಲೋಪೋ ಹೋತಿ ವಾ ಕ್ವಚಿ; ತ್ವಂಸಿ ತ್ವಮಸಿ.

ವಗ್ಗೇ |ಓ೦.೦೦೨೬| ವಗ್ಗನ್ತೋ-

ನಿಗ್ಗಹೀತಸ್ಸ ಖೋ ವಗ್ಗೇ ವಗ್ಗನ್ತೋ ವಾ ಹೋತಿ ಪಚ್ಚಾ ಸತ್ಯಾ; ತಙ್ಕರೋತಿ ತಂ ಕರೋತಿ, ತಞ್ಚರತಿ ತಂ ಚರತಿ, ತಣ್ಠಾನಂ ತಂ ಠಾನಂ, ತನ್ಧನಂ ತಂ ಧನಂ, ತಮ್ಪಾತಿ ತಂ ಪಾತಿ; ನಿಚ್ಚಂ ಪದ ಮಜ್ಝೇ, ಗನ್ತ್ವಾ; ಕ್ವಚಞ್ಞತ್ರಾಪಿ, ಸನ್ತಿಟ್ಠತಿ.

ಯೇವಹಿಸುಞ್ಞೋ-.

ಯಏವಹಿಸದ್ದೇಸು ನಿಗ್ಗಹೀತಸ್ಸ ವಾ ಞೋ ಹೋತಿ; ಯಯಞ್ಞದೇವ, ತಞ್ಞೇವ, ತಞ್ಭಿ; ವಾತ್ವೇವ-ಯಂಯದೇವ.

ಯೇ ಸಂಸ್ಸ-

ಸಂಸದ್ದಸ್ಸ ಯಂ ನಿಗ್ಗಹೀತಂ ತಸ್ಸ ವಾ ಞೋ ಹೋತಿ ಯಕಾರೇ; ಸಞ್ಞಮೋ ಸಂಯಮೋ.

ಮಯದಾ ಸರೇ-.

ನಿಗ್ಗಹೀತಸ್ಸ ಮಯದಾ ಹೋನ್ತಿ ವಾ ಸರೇ ಕ್ವಚಿ; ತಮಹಂ, ತಯಿದಂ, ತದಲಂ; ವಾತ್ವೇವ-ತಂ ಅಹಂ.

ವನತರಗಾ |ಓ೦.೦೦೨೭| ಚಾಗಮಾ-.

ಏತೇ ಮಯದಾ ಚಾಗಮಾ ಹೋನ್ತಿ ಸರೇ ವಾ ಕ್ವಚಿ; ತಿವಙ್ಗೀಕಂ, ಇತೋ ನಾಯತಿ, ಚಿನಿತ್ವಾ, ತಸ್ಮಾತಿಹ, ನಿರೋಜಂ, ಪುಥಗೇವ, ಇಧಮಾಹು, ಯಥಯಿದಂ, ಅತ್ತದತ್ಥಂ; ವಾತ್ವೇವ-ಅತ್ತತ್ಥಂ; ಅತಿಪ್ಪಗೋ ಖೋ ತಾವಾತಿ-ಪಠಮನ್ತೋ ಪಗಸದ್ದೋವ.

ಛಾ ಳೋ-.

ಛಸದ್ದಾ ಪರಸ್ಸ ಸರಸ್ಸ ಳಕಾರೋ ಆಗಮೋ ಹೋತಿ ವಾ; ಛಳಹಂ, ಛಳಾಯತನಂ; ವಾತ್ವೇವ-ಛ ಅಭಿಞ್ಞಾ.

ತದಮಿನಾದೀನಿ- |ಓ೦.೦೦೨೮|

ತದಮಿನಾದೀನಿ ಸಾಧೂನಿ ಭವನ್ತಿ? ತಂ ಇಮಿನಾ ತದಮಿನಾ, ಸಕಿಂ ಆಗಾಮೀ ಸಕದಾಗಾಮೀ, ಏಕಂ ಇಧ ಅಹಂ ಏಕಮಿದಾಹಂ, ಸಂವಿಧಾಯ ಅವಹಾರೋ ಸಂವಿದಾವಹಾರೋ, ವಾರಿನೋ ವಾಹಕೋ ವಲಾಹಕೋ, ಜೀವನಸ್ಸ ಮೂತೋ ಜೀಮೂತೋ, ಛವಸ್ಸ ಸಯನಂ ಸುಸಾನಂ, ಉದ್ಧಂ ಖಮಸ್ಸ ಉದುಕ್ಖಲಂ, ಪಿಸಿ ತಾಸೋ ಪಿಸಾಚೋ, ಮಹಿಯಂ ರವತೀತಿ ಮಯೂರೋ; ಏವಮಞ್ಞೇಪಿ ಪಯೋಗ ತೋ’ನುಗನ್ತಬ್ಬಾ; ಪರೇಸಂ ಪಿಸೋದರಾದಿವೇದಂ ದಟ್ಠಬ್ಬಂ.

ತವಗ್ಗವರಣಾನಂ |ಓ೦.೦೦೨೯| ಯೇ ಚವಗ್ಗಬಯಞಾ-.

ತವಗ್ಗವರಣಾನಂ ಚವಗ್ಗಬಯಞಾ ಹೋನ್ತಿ ಯಥಾಕ್ಕಮಂ ಯಕಾರೇ; ಅಪೂಚ್ಚಣ್ಡಕಾಯಂ, ತಚ್ಛಂ, ಯಜ್ಜೇವಂ, ಅಜ್ಝತ್ತಂ, ಥಞಞ್ಞಂ, ದಿಬ್ಬಂ, ಪಯ್ಯೇಸನಾ, ಪೋಕ್ಖರಞ್ಞೋ; ಕ್ವಚೀತ್ವೇವ-ರತ್ಯಾ.

ವಗ್ಗಲಸೇಹಿ |ಓ೦.೦೦೩೦| ತೇ-

ವಗ್ಗಲಸೇಹಿ ಪರಸ್ಸ ಯಕಾರಸ್ಸ ಕ್ವಚಿ ತೇ ವಗ್ಗಲಸಾ ಹೋನ್ತಿ; ಸಕ್ಕತೇ, ಪಚ್ಚತೇ, ಅಟ್ಟತೇ, ಕುಪ್ಪತೇ, ಫಲ್ಲತೇ, ಅಸ್ಸತೇ, ಕ್ವಚೀ ತ್ವೇಚ-ಕ್ಯಾಹಂ.

ಹಸ್ಸ ವಿಪಲ್ಲಾಸೋ-

ಹಸ್ಸ ವಿಪಲ್ಲಾಸೋ ಹೋತಿ ಯಕಾರೇ; ಗುಯ್ಹಂ.

ವೇ ವಾ-.

ಹಸ್ಸ ವಿಪಲ್ಲಾಸೋ ಹೋತಿ ವಾ ವಕಾರೇ; ಬವ್ಹಾಬಾಧೋ ಬಹ್ವಾ ಬಾಧೋ.

ತಥನರಾನಂ |ಓ೦.೦೦೩೧| ಟಠಣಲಾ-.

ತಥನರಾನಂ ಟಠಣಲಾ ಹೋನ್ತೀ ವಾ; ದುಕ್ಕಟಂ, ಅಟ್ಠಕಥಾ, ಗಹಣಂ, ಪಲಿಘೋ, ಪಲಾಯತಿ, ವಾತ್ವೇಚ-ದುಕ್ಕತಂ; ಕ್ವಚೀತ್ವೇವ-ಸುಗತೋ.

ಸಂಯೋಗಾದಿಲೋಪೋ-

ಸಂಯೋಗಸ್ಸ ಯೋ ಆದಿಭುತೋ’ವಯವೋ ತಸ್ಸ ವಾ ಕ್ವಚೀ ಲೋಪೋ ಹೋತಿ; ಪುಪ್ಫಂಸಾ, ಜಾಯತೇ’ಗಿನಿ.

ವಿಚ್ಛಾಭಿಕ್ಖಞ್ಞೇಸು ದ್ವೇ-

ವೀಚ್ಛಾಯಮಾಭಿಕ್ಖಞ್ಞೇ ಚ ಯಂ ವತ್ತತೇ ತಸ್ಸ ದ್ವೇ ರೂಪಾನಿ ಹೋನ್ತಿ, ಕ್ರಿಯಾಯ ಗುಣೇನ ದಬ್ಬೇನ ವಾ ಭಿನ್ನೇ ಅತ್ಥೇ ವ್ಯಾಪಿತು ಮಿಚ್ಛಾ ವೀಚ್ಛಾ; ರುಕ್ಖಂರುಕ್ಖಂ ಸಿಞ್ಚತಿ, ಗಾಮೋಗಾಮೋ ರಮಣೀಯೋ, ಗಾಮೇ ಗಾಮೇ ಪಾನೀಯಂ, ಗೇಹೇ ಗೇಹೇ ಇಸ್ಸರೋ, ರಸಂ ರಸಂ ಭಕ್ಖಯತೀ, ಕಿರಿಯಂ ಕಿರಿಯಮಾರಹತೇ.

ಅತ್ಥಿಯೇವಾನುಪುಬ್ಬಿಯೇ’ಪಿ |ಓ೦.೦೦೩೨| ವೀಚ್ಛಾ, ಮೂಲೇ ಥೂಲಾ, ಅಗ್ಗೇ ಅಗ್ಗೇ ಸುಖುಮಾ; ಯದಿ ಹಿ ಏತ್ಥ ಮೂಲಗ್ಗಭೇದೋ ನ ಸಿಯಾ ಆನುಪುಬ್ಬಿಯಮ್ಪಿ ನ ಭವೇಯ್ಯ, (ಜೇಟ್ಠಂ ಜೇಟ್ಠಮನುಪ್ಪವೇಸಯ) ಮಾಸಕಂ ಮಾಸಕಂ ಇಮಮ್ಹಾ ಕಹಾಪಣಾ ಭವನ್ತಾನಂ ದ್ವಿನ್ನಂ ದೇಹೀತಿ- ಮಾಸಕಂ ಮಾಸಕಮಿಚ್ಚೇತಸ್ಮಾ ವೀಚ್ಛಾವಗಮ್ಯತೇ ಸದ್ದನ್ತರತೋ ಪನ ಇಮಮ್ಹಾ ಕಹಾಪಣಾತಿ ಅವಧಾರಣಂ; ಪುಬ್ಬಂ ಪುಬ್ಬಂ ಪುಪ್ಫನ್ತಿ, ಪಠಮಂ ಪಠಮಂ ಪಚ್ಚನ್ತೀತಿ ವೀಚ್ಛಾವ; ಇಮೇ ಉಭೋ ಅಡ್ಢಾ ಕತರಾ ಕತರಾ ಏಸಂ ದ್ವಿನ್ನಮಡ್ಢತಾ, ಸಬ್ಬೇ ಇಮೇ ಅಡ್ಢಾ ಕತಮಾ ಕತಮಾ ಇಮೇಸಂ ಅಡ್ಢತಾ, ಇಹಾಪಿ ವೀಚ್ಛಾವ; ಆಭಿಕ್ಖಞ್ಞಂ-ಪೋನೋಪುಞ್ಞಂ, ಪಚತಿ ಪಚತಿ ಪಪಚತಿ ಪಪಚತಿ, ಲುನಾಹಿ ಲುನಾಹಿತ್ವೇವಾಯಂ ಲುನಾತಿ, ಭುತ್ವಾ ಭುತ್ವಾ ಗಚ್ಛತಿ, ಪಟಪಟಾ ಕರೋತಿ, ಪಟಪಟಾಯತಿ.

ಸ್ಯಾದಿಲೋಪೋ |ಓ೦.೦೦೩೫| ಪುಬ್ಬಸ್ಸೇಕಸ್ಸ-.

ವೀಚ್ಛಾಮೇಕಸ್ಸ ದ್ವಿತ್ತೇ ಪುಬ್ಬಸ್ಸ ಸ್ಯಾದಿಲೋಪೋ ಹೋತಿ, ಏಕೇಕಸ್ಸ, ಕಥಂ ಮತ್ಥಕಮತ್ಥಕೇನಾತಿ? ಸ್ಯಾದಿಲೋಪೋ ಪುಬ್ಬಸ್ಸಾತಿ ಯೋಗವಿಭಾಗಾ; ನ ಚಾತಿಪ್ಪಙ್ಗೋ ಯೋಗವಿಭಾಗಾ ಇಟ್ಠಪ್ಪಸಿದ್ಧೀತಿ.

ಸಬ್ಬಾದೀನಂ ವೀತಿಹಾರೇ-.

ಸಬ್ಬಾದೀನಂ ವೀತಿಹಾರೇ ದ್ವೇ ಭವನ್ತಿ ಪುಬ್ಬಸ್ಸ ಸ್ಯಾದಿಲೋಪೋ ಚ; ಅಞ್ಞಮಞ್ಞಸ್ಸ ಭೋಜಕಾ, ಇತರೀತರಸ್ಸ ಭೋಜಕಾ.

ಯಾವ ಬೋಧಂ ಸಮ್ಭಮೇ-.

ತುರಿತೇನಾಪಾಯಹೇತುಪದಸ್ಸನಂ ಸಮ್ಭಮೋ, ತಸ್ಮಿಂ ಸತಿ ವತ್ತು ಯಾವನ್ತೇಹ ಸದ್ದೇಹಿ ಸೋ’ತ್ಥೋ ವಿಞ್ಞಾಯತೇ ತಾವನ್ತೋ ಸದ್ದಾ ಪಯುಜ್ಜನ್ತೇ; ಸಪ್ಪೋ ಸಪ್ಪೋ ಸಪ್ಪೋ, ಬುಜ್ಝಸ್ಸು ಬುಜ್ಝಸ್ಸು ಬುಜ್ಝಸ್ಸು, ಭಿನ್ನೋ ಭಿಕ್ಖುಸಙ್ಘೋ ಭಿನ್ನೋ ಭಿಕ್ಖುಸಙ್ಘೋ.

ಬಹುಲಂ-.

ಅಯಮಧಿಕಾರೋ ಆಸತ್ಥಪರಿಸಮತ್ತಿಯಾ ತೇನ ನಾತಿಪ್ಪಸಙ್ಗೋ ಇಟ್ಠಸಿದ್ಧಿ ಚ.

ಇತಿ ಮೋಗ್ಗಲ್ಲಾನವ್ಯಾಕರಣೇ ವುತ್ತೀಯಂ ಪಠಮೋ ಕಣ್ಡೋ.

ದ್ವೇದ್ವೇಕಾನೇಕೇಸು |ಓ೦.೦೦೩೬| ನಾಮಸ್ಮಾ ಸಿಯೋಅಂಯೋನಾಭಿಸನಂ ಸ್ಮಾಹಿಸನಂಸ್ಮಿಂಸು-.

ಏತೇಸಂ ದ್ವೇ ದ್ವೇ ಹೋನ್ತಿ ಏಕಾನೇಕತ್ಥೇಸು ವತ್ತಮಾನತೋ ನಾಮಸ್ಮಾ; ಮುನಿ ಮುನಯೋ, ಮುನಿಂ ಮುನಯೋ, ಮುನಿನಾ ಮುನೀಹಿ, ಮುನಿಸ್ಸ ಮುನೀನಂ, ಮುನಿಸ್ಮಾ ಮುನೀಹಿ, ಮುನಿಸ್ಸ ಮುನೀನಂ, ಮುನಿಸ್ಮಿಂ ಮುನೀಸು, ಏವಂ ಕುಮಾರೀ ಕುಮಾರಿಯೋ, ಕಞ್ಞಾ ಕಞ್ಞಾಯೋತಿ; ಏತಾನಿ ಸತ್ತ ದುಕಾನಿ ಸತ್ತವಿಭತ್ತಿಯೋ; ವಿಭಾಗೋ ವಿಭತ್ತೀತಿ ಕತ್ವಾ-ಏತ್ಥ ಸಿಅಮಿತೀಕಾರಾ ಕಾರಾ ‘‘ಕಿಮಂಸಿಸೂ‘‘ತಿ. ಸಂಕೇತತ್ಥಾ.

ಕಮ್ಮೇ |ಓ೦.೦೦೩೭| ದುತಿಯಾ-.

ಕರೀಯತಿ ಕತ್ತುಕ್ರಿಯಾಯಾಭೀಸಮ್ಬನ್ಧೀಯತೀತಿ ಕಮ್ಮಂ, ತಸ್ಮಿಂ ದುತಿಯಾ ವಿಭತ್ತಿ ಹೋತಿ; ಕಟಂ ಕರೋತಿ, ಓದನಂ ಪವತಿ, ಆದಿಚ್ಚಂ ಪಸ್ಸತಿ, ಓದನೋ ಪಚ್ಚತೀತಿ-ಓದನಸದ್ದತೋ ಕಮ್ಮತಾ ನಪ್ಪತೀಯತೇ, ಕಿಂ ಚರಹಿ? ಆಖ್ಯಾತತೋ; ಕಟಂ ಕರೋತಿ ವಿಪುಲಂ ದಸ್ಸನೀಯನ್ತಿ- ಅತ್ಥೇವ ಗುಣ ಯುತ್ತಸ್ಸ ಕಮ್ಮತಾ; ಇಚ್ಛಿತೇ’ಪಿ ಕಮ್ಮತ್ತಾವ ದುತಿಯಾ ಸಿದ್ಧ; ಗಾವುಂ ಪಯೋ ದೋಹತಿ, ಗೋಮನ್ತಂ ಗಾವಂ ಯಾವತಿ, ಗವಮವರುನ್ಧತಿ ವಜಂ, ಮಾಣವಕಂ ಮಗ್ಗಂ ಪುಚ್ಛತಿ, ಗೋಮನ್ತಂ ಗಾವಂ ಭಿಕ್ಖತೇ, ರುಕ್ಖಮವ ಚಿನಾತಿ ಫಲಾನಿ, ಸಿಸ್ಸಂ ಧಮ್ಮಂ ಬ್ರೂತೇ, ಸಿಸ್ಸಂ ಧಮ್ಮಮನುಸಾಸತಿ.

ಏವಮನಿಚಛಿತೇ’ಪಿ; |ಓ೦.೦೦೩೮| ಅಹಿಂ ಲಙ್ಘಯತಿ, ವೀಸಂ ಭಕ್ಖೇತಿ; ಯನ್ನೇ ವಿಚ್ಛಿತಂ ನಾಪಿ ಅನಿಚ್ಛಿತಂ ತತ್ಥಾಪಿ ದುತೀಯಾ ಸಿದ್ಧಾ; ಗಾಮಂ ಗಚ್ಛನ್ತೋ ರುಕ್ಖಮೂಲಮುಪಸಪ್ಪತಿ, ಪಥವಿಂ ಅಧಿಸೇಸ್ಸತಿ, ಗಾಮಮಧಿತಿಟ್ಠತಿ, ರುಕ್ಖ ಮಜ್ಝಾಸತೇತಿ-ಅಧಿಸೀಠಾಸಾನಂ ಪಯೋಗೇ’ಧಿಕರಣೇ ಕಮ್ಮವಚನಿಚ್ಛಾ.

ವತ್ತಿಚ್ಛಾತೋ |ಓ೦.೦೦೩೯| ಹಿ ಕಾರಕಾನಿ ಹೋನ್ತಿ; ತಂ ಯಥಾ- ವಲಾಹಕಾ ವಿಜ್ಜೋತತೇ, ವಲಾಹಕಸ್ಸ ವಿಜ್ಜೋತತೇ, ವಲಾಹಕೋ ವಿಜ್ಜೋತತೇ, ವಲಾಹಕೇ ವಿಜ್ಜೋತತೇ, ವಲಾಹಕೇನ ವಿಜ್ಜೋತತೇತಿ.

ಏವಮಭಿನವಿಸಸ್ಸ ವಾ, ಧಮ್ಮಮಭಿನಿವಿಸತೇ ಧಮ್ಮೇ ವಾ, ತಥಾ ಉಪನ್ವಜ್ಝಾವಸಸ್ಸಾಭೋಜನನವುತ್ತಿಚನಸ್ಸ; ಗಾಮಮುಪವಸತಿ, ಗಾಮ ಮನುವಸತಿ, ಪಬ್ಬತಮಧಿವಸತಿ, ಘರಮಾವಸತಿ; ಅಭೋಜನನಿವುತ್ತಿವಚ ನಸ್ಸಾತಿ-ಕಿಂ? ಗಾಮೇ ಉಪವಸತಿ-ಭೋಜನನಿವುತ್ತಿಂ ಕರೋತೀತಿ ಅತ್ಥೋ. ತಪ್ಪಾನಾಚಾರೇ’ಪಿ |ಓ೦.೦೦೪೦| ಕಮ್ಮತ್ತಾವ ದುತಿಯಾ ಸಿದ್ಧಾ, ನದಿಮ್ಪಿವತಿ, ಗಾಮಂ ಚರತಿ; ಏವಂ ಸಚೇ ಮಂ ನಾಲಪಿಸ್ಸತೀತಿ-ಆದಿಸುಪಿ.

ವಿಹಿತಾವ ಪಟಿಯೋಗೇ ದುತಿಯಾ, ಪಟಿಭನ್ತು ತಂ ಚುನ್ದ ಬೋಜ್ಝಙ್ಗಾತಿ-ತಂ ಪಟಿ ಬೋಜ್ಝಙ್ಗಾ ಭಾಸನ್ತೂತಿ ಅತ್ಥೋ; ಯದಾ ತು ಧಾತುನಾ ಯುತ್ತೋ ಪತಿ ತದಾ ತೇನಾಯೋಗಾ ಸಮ್ಬನ್ಧೇ ಛಟ್ಠೀ ಚ ತಸ್ಸ ನಪ್ಪಟಿ ಭಾತೀತಿ? ಅಕ್ಖೇ ದಿಬ್ಬತಿ, ಅಕ್ಖೇಹಿ ದಿಬ್ಬತಿ, ಅಕ್ಖೇಸು ದಿಬ್ಬತೀತಿಕಮ್ಮಕರಣಾಧಿಕರಣವಚನಿಚ್ಛಾ.

ಕಾಲದ್ಧಾನಮಚ್ಚನ್ತಸಂಯೋಗೇ-. |ಓ೦.೦೦೪೧|

ಕ್ರಿಯಾಗುಣದಬ್ಬೇಹಿ ಸಾಕಲ್ಲೇನ ಕಾಲದ್ಧಾನಂ ಸಮ್ಬನ್ಧೋ ಅಚ್ಚನ್ತಸಂಯೋಗೇ, ತಸ್ಮಿಂ ವಿಞ್ಞಾಯಮಾನೇ ಕಾಲಸದ್ದೇಹಿ ಅದ್ಧ ಸದ್ದೇಹಿ |ಓ೦.೦೦೪೨| ಚ ದುತಿಯಾ ಹೋತಿ; ಮಾಸಮಧೀತೇ, ಮಾಸಂ ಕಲ್ಯಾಣಿ. ಮಾಸಂ ಗುಳಧಾನಾ, ಕೋಸಮಧೀತೇ, ಕೋಸಂ ಕುಟಿಲಾ ನದೀ, ಕೋಸಂ ಪಬ್ಬತೋ; ಅಚ್ಚನ್ತಸಂಯೇಗೇತಿ ಕಿಂ? ಮಾಸಸ್ಸ ದ್ವೀಹಮಧೀತೇ; ಕೋಸಸ್ಸೇಕ ದೇಸೇ ಪಬ್ಬತೋ; ಪುಬ್ಬನ್ಹಸಮಯಂ ನಿವಾಸೇತ್ವಾ, ಏಕಂ ಸಮಯಂ ಭಗವಾ, ಇಮಂ ರತ್ತಿಂ ಚತ್ತಾರೋ ಮಹಾರಾಜಾತಿ; ಏವಮಾದಿಸು ಕಾಲವಾಚೀಹಿ ಅಚ್ಚನ್ತಸಂಯೇಗತ್ತಾವ ದುತಿಯಾ ಸಿದ್ಧಾ, ವಿಭತ್ತಿವಿಪಲ್ಲಾಸೇನ ವಾ ಬಹುಲಂ ವಿಧಾನಾ-

ಫಲಪ್ಪತ್ತಿಯಂ ಕ್ರಿಯಾಪರಿಸಮತ್ತ್ಯಪವಗ್ಗೋ ತಸ್ಮಿಂ ವಿಞ್ಞಾಯ ಮಾನೇ ಕಾಲದ್ಧಾನಂ ಕ್ರಿಯಾಯಾಚ್ಚನ್ತಸಂಯೋಗೇ ತತಿಯಾಭಿಮತಾ ಸಾಪಿ ಕರಣತ್ತಾವ ಸಿದ್ಧಾ; ಮಾಸೇನಾನುವಾಕೋ’ಧೀತೋ, ಕೋಸೇನಾನುವಾ ಕೋ’ಧೀತೋತಿ; ಅನಪವಗ್ಗೇತು ಅಸಾಧಕತಮತ್ತಾ ಕರಣತ್ತಾಭವೇ ದುತಿಯಾವ ಮಾಸಮಧೀತೋ’ನುವಾಕೋ, ನ ಚಾನೇನ ಗಹಿತೋತಿ.

ಕಾರಕಮಜ್ಝೇ ಯೇ ಕಾಲದ್ಧಾನವಾಚಿನೋ ತತೋ ಸತ್ತಮೀಪಪಞ್ಚಮಿಯೋ ಅಭಿಮತಾ; ಅಜ್ಜ ಭುತ್ವಾ ದೇವದತ್ತೋ ದ್ವೀಹೇ ಭುಞ್ಜಿಸ್ಸತಿ ದ್ವೀಹಾ ಭುಞ್ಜಿಸ್ಸತಿ, ಅತ್ರಟ್ಠೋ’ಯಮಿಸ್ಸಾಸೋ ಕೋಸೇ ಲಕ್ಖಂ ವಿಜ್ಝತಿ, ಕೋಸಾ ಲಕ್ಖಂ ವಿಜ್ಝತೀತಿ-ತಾಪೀಹ ಸಕಸಕಕಾರಕವಚನಿಚ್ಛಾಯೇವ ಸಿದ್ಧಾ.

ಗತಿಬೋಧಾಹಾರಸದ್ದತ್ಥಕಮ್ಮಕಹಜ್ಜಾದೀನಂ |ಓ೦.೦೦೪೩| ಪಯೋಜ್ಜೇ-.

ಗಮನತ್ಥಾನಂ ಬೋಧತ್ಥಾನಂ ಆಹಾರತ್ಥಾನಂ ಸದ್ದತ್ಥಾನಮಕಮ್ಮಕಾನಂ ಭಜ್ಜಾದೀನಞ್ಚ ಪಯೋಜ್ಜೇ ಕತ್ತರಿ ದುತಿಯಾ ಹೋತಿ, ಸಾಮತ್ಥಿಯಾ ಚ ಪಯೋಜಕವ್ಯಾಪಾರೇನ ಕಮ್ಮತಾವಸ್ಸ ಹೋತೀತಿ ಪತೀಯತೇ; ಗಮ ಯತಿ ಮಾಣವಕಂ ಗಾಮಂ, ಯಾಪಯತಿ ಮಾಣವಕಂ ಗಾಮಂ, ಬೋಧಯತಿ ಮಾಣವಕಂ ಧಮ್ಮಂ, ವೇದಯತಿ ಮಾಣವಕಂ ಧಮ್ಮಂ, ಭೋಜಯತಿ ಮಾಣವಕಮೋದನಂ, ಆಸಯತಿ ಮಾಣವಕಮೋದನಂ, ಅಜ್ಝಾಪಯತಿ ಮಾಣವಕಂ ವೇದಂ ಪಾಠಯತಿ |ಓ೦.೦೦೪೪| ಮಾಣವಕಂ ವೇದಂ, ಆಸಯತಿ ದೇವದತ್ತಂ, ಸಾಯಯತಿ ದೇವ ದತ್ತಂ, ಅಞ್ಞಂ ಭಜ್ಜಾಪೇತಿ, ಅಞ್ಞಂ ಕೋಟ್ಟಾಪೇತಿ, ಅಞಞ್ಞಂ ಸನ್ಥರಾಪೇತಿ. ಏತೇಸಮೇವಾತಿ ಕಿಂ?ಪಾಚಯತಿ ಓದನಂ ದೇವದತ್ತೇನ ಯಞಞ್ಞದತ್ತೋ; ಪಯೇ ಪ್ಪೋತಿ ಕಿಂ?ಗಚ್ಛತಿ ದೇವದತ್ತೋ, ಯದಾ ಚರಹಿಗಮಯತಿ ದೇವದತ್ತಂ ಯಞ್ಞ ದತ್ತೋ, ತಮಪರೋ ಪಯೋಜಯತಿ ತದಾ ಗಮಯತಿ ದೇವದತ್ತಂ ಯಞ್ಞದತ್ತೇನೇತಿ - ಭವಿತಬ್ಬಂ ಗಮಯತಿಸ್ಸಾಗಮನತ್ಥತ್ತಾ.

ಹರಾದೀನಂ |ಓ೦.೦೦೪೫| ವಾ-.

ಹರಾದೀನಂ ಪಯೋಜ್ಜೇ ಕತ್ತರಿ ದುತಿಯಾ ಹೋತಿ ವಾ; ಹಾರೇತಿ ಹಾರಂ ದೇವದತ್ತಂ ದೇವದತ್ತೇನೇತಿ ವಾ, ಅಜ್ಝೋಹಾರೇತಿ ಸತ್ತುಂ ದೇವದತ್ತಂ ದೇವದತ್ತೇನೇತಿ ವಾ, ಕಾರೇತಿ ದೇವದತ್ತಂ ದೇವದತ್ತೇನೇತಿ ವಾ, ದಸ್ಸಯತೇ ಜನಂ ರಾಜಾ ಜನೇನೇತಿ ವಾ, ಅಭಿವಾದಯತೇ ಗುರುಂ ದೇವದತ್ತಂ ದೇವದತ್ತೇನೇತಿ ವಾ.

ನ |ಓ೦.೦೦೪೬| ಖಾದಾದೀನಂ-.

ಖಾದಾದೀನಂ ಪಯೋಜ್ಜೇ ಕತ್ತರಿ ದುತಿಯಾ ನ ಹೋತಿ; ಖಾದಯತಿ ದೇವದತ್ತೇನ, ಆದಯತಿ ದೇವದತ್ತೇನ, ಅವ್ಹಾಪಯತಿ ದೇವದತ್ತೇನ, ಸದ್ದಾಯತಿ ದೇವದತ್ತೇನ, ಕನ್ದಯತಿ ದೇವದತ್ತೇನ, ನಾಯಯತಿ ದೇವದತ್ತೇನ.

ವಹಿಸ್ಸಾನಿಯನ್ತುಕೇ-.()

ವಾಹಯತಿ ಭಾರಂ ದೇವದತ್ತೇನ; ಅನಿಯನ್ತುಕೇತಿ-ಕಿಂ?ವಾಹಯತಿ ಗಾರಂ ಬಲಿವದ್ದೇ.

ಭಕ್ಖಿಸ್ಸಾಹಿಂಸಾಯಂ-.()

ಭಕ್ಖಯತಿ ಮೋದಕೇ ದೇವದತ್ತೇನ; ಅಹಿಂಸಾಯನ್ತಿ ಕಿಂ? ಭಕ್ಖಯತಿ ಬಲಿವದ್ದೇ ಸಸ್ಸಂ.

ಧ್ಯಾದೀಹಿ |ಓ೦.೦೦೪೭| ಯುತ್ತಾ-.

ಧಿಆದೀಹಿ ಯುತ್ತತೋ ದುತಿಯಾ ಹೋತಿ? ಧಿರತ್ಥುಮಂ ಪೂತಿಕಾಯಂ, ಅನ್ತರಾ ಚ ರಾಜಗಹಂ, ಅನ್ತರಾ ಚ ನಾಳನ್ದಂ, ಸಮಾಧಾನಮನ್ತರೇನ, ಮುಚಲಿನ್ದಮಭಿತೋ ಸರಮಿಚ್ಚಾದಿ-ಛಟ್ಠಿಯಾಪವಾದೋ ಯಂ.

ಲಕ್ಖಣಿತ್ಥಮ್ಭುತವೀಚ್ಛಾಸ್ವಭಿನಾ-.

ಲಕ್ಖಣಾದಿಸ್ವತ್ಥೇಸ್ವಹಿನಾ ಯುತ್ತಮ್ಹಾ ದುತಿಯಾ ಹೋತಿ; ರುಕ್ಖ ಮಭಿವಿಜ್ಜೇತತೇ ವಿಜ್ಜು, ಸಾಧು ದೇವದತ್ತೋ ಮಾತರಮಭಿ, ರುಕ್ಖಂ ರುಕ್ಖಮಭಿತಿಟ್ಠತಿ.