೧೦. ಸಮ್ಮಾವತ್ತನಸುತ್ತಂ

೯೦. [ಚೂಳವ. ೨೧೧] ‘‘ತಸ್ಸಪಾಪಿಯಸಿಕಕಮ್ಮಕತೇನ, ಭಿಕ್ಖವೇ, ಭಿಕ್ಖುನಾ ಅಟ್ಠಸು ಧಮ್ಮೇಸು ಸಮ್ಮಾ ವತ್ತಿತಬ್ಬಂ – ನ ಉಪಸಮ್ಪಾದೇತಬ್ಬೋ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ, ನ ಕಾಚಿ ಸಙ್ಘಸಮ್ಮುತಿ ಸಾದಿತಬ್ಬಾ, ನ ಕಿಸ್ಮಿಞ್ಚಿ ಪಚ್ಚೇಕಟ್ಠಾನೇ ಠಪೇತಬ್ಬೋ, ನ ಚ ತೇನ ಮೂಲೇನ ವುಟ್ಠಾಪೇತಬ್ಬೋ. ತಸ್ಸಪಾಪಿಯಸಿಕಕಮ್ಮಕತೇನ, ಭಿಕ್ಖವೇ, ಭಿಕ್ಖುನಾ ಇಮೇಸು ಅಟ್ಠಸು ಧಮ್ಮೇಸು ಸಮ್ಮಾ ವತ್ತಿತಬ್ಬ’’ನ್ತಿ. ದಸಮಂ.

ಸತಿವಗ್ಗೋ ಚತುತ್ಥೋ.