೯. ದುತಿಯಅಭಬ್ಬಟ್ಠಾನಸುತ್ತಂ

೯೩. ‘‘ಛಯಿಮಾನಿ, ಭಿಕ್ಖವೇ, ಅಭಬ್ಬಟ್ಠಾನಾನಿ. ಕತಮಾನಿ ಛ? ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಕಞ್ಚಿ [ಕಿಞ್ಚಿ (ಕ.) ವಿಭ. ೮೦೯; ಮ. ನಿ. ೩.೧೨೭] ಸಙ್ಖಾರಂ ನಿಚ್ಚತೋ ಉಪಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಕಞ್ಚಿ ಸಙ್ಖಾರಂ ಸುಖತೋ ಉಪಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಕಞ್ಚಿ ಧಮ್ಮಂ ಅತ್ತತೋ ಉಪಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಆನನ್ತರಿಯಂ ಕಮ್ಮಂ [ಆನನ್ತರಿಯಕಮ್ಮಂ (ಸೀ.), ಅನನ್ತರಿಯಕಮ್ಮಂ (ಸ್ಯಾ. ಪೀ.) ಅ. ನಿ. ೪.೧೬೨ ಪಸ್ಸಿತಬ್ಬಂ] ಕಾತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಕೋತೂಹಲಮಙ್ಗಲೇನ ಸುದ್ಧಿಂ ಪಚ್ಚಾಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಇತೋ ಬಹಿದ್ಧಾ ದಕ್ಖಿಣೇಯ್ಯಂ ಗವೇಸಿತುಂ. ಇಮಾನಿ ಖೋ, ಭಿಕ್ಖವೇ, ಛ ಅಭಬ್ಬಟ್ಠಾನಾನೀ’’ತಿ. ನವಮಂ.