೮. ವಾಚಾಸುತ್ತಂ

೧೯೮. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಾ ವಾಚಾ ಸುಭಾಸಿತಾ ಹೋತಿ, ನೋ ದುಬ್ಭಾಸಿತಾ, ಅನವಜ್ಜಾ ಚ ಅನನುವಜ್ಜಾ ಚ ವಿಞ್ಞೂನಂ [ಅನನುವಜ್ಜಾ ವಿಞ್ಞೂನಂ (ಸ್ಯಾ. ಕಂ.)]. ಕತಮೇಹಿ ಪಞ್ಚಹಿ? ಕಾಲೇನ ಚ ಭಾಸಿತಾ ಹೋತಿ, ಸಚ್ಚಾ ಚ ಭಾಸಿತಾ ಹೋತಿ, ಸಣ್ಹಾ ಚ ಭಾಸಿತಾ ಹೋತಿ, ಅತ್ಥಸಂಹಿತಾ ಚ ಭಾಸಿತಾ ಹೋತಿ, ಮೇತ್ತಚಿತ್ತೇನ ಚ ಭಾಸಿತಾ ಹೋತಿ. ಇಮೇಹಿ ಖೋ, ಭಿಕ್ಖವೇ, ಪಞ್ಚಹಿ ಅಙ್ಗೇಹಿ ಸಮನ್ನಾಗತಾ ವಾಚಾ ಸುಭಾಸಿತಾ ಹೋತಿ, ನೋ ದುಬ್ಭಾಸಿತಾ, ಅನವಜ್ಜಾ ಚ ಅನನುವಜ್ಜಾ ಚ ವಿಞ್ಞೂನ’’ನ್ತಿ. ಅಟ್ಠಮಂ.