೨. ಉಸ್ಸಙ್ಕಿತಸುತ್ತಂ

೧೦೨. ‘‘ಪಞ್ಚಹಿ, ಭಿಕ್ಖವೇ, ಧಮ್ಮೇಹಿ ಸಮನ್ನಾಗತೋ ಭಿಕ್ಖು ಉಸ್ಸಙ್ಕಿತಪರಿಸಙ್ಕಿತೋ ಹೋತಿ ಪಾಪಭಿಕ್ಖೂತಿ ಅಪಿ ಅಕುಪ್ಪಧಮ್ಮೋಪಿ [ಅಪಿ ಅಕುಪ್ಪಧಮ್ಮೋ (ಸೀ. ಸ್ಯಾ. ಕಂ.)].

ಕತಮೇಹಿ ಪಞ್ಚಹಿ? ಇಧ, ಭಿಕ್ಖವೇ, ಭಿಕ್ಖು ವೇಸಿಯಾಗೋಚರೋ ವಾ ಹೋತಿ, ವಿಧವಾಗೋಚರೋ ವಾ ಹೋತಿ, ಥುಲ್ಲಕುಮಾರಿಕಾಗೋಚರೋ ವಾ ಹೋತಿ, ಪಣ್ಡಕಗೋಚರೋ ವಾ ಹೋತಿ, ಭಿಕ್ಖುನೀಗೋಚರೋ ವಾ ಹೋತಿ.

‘‘ಇಮೇಹಿ ಖೋ, ಭಿಕ್ಖವೇ, ಪಞ್ಚಹಿ ಧಮ್ಮೇಹಿ ಸಮನ್ನಾಗತೋ ಭಿಕ್ಖು ಉಸ್ಸಙ್ಕಿತಪರಿಸಙ್ಕಿತೋ ಹೋತಿ ಪಾಪಭಿಕ್ಖೂತಿ ಅಪಿ ಅಕುಪ್ಪಧಮ್ಮೋಪೀ’’ತಿ. ದುತಿಯಂ.