೧. ಸಮಣಸುತ್ತಂ

೮೨. ‘‘ತೀಣಿಮಾನಿ, ಭಿಕ್ಖವೇ, ಸಮಣಸ್ಸ ಸಮಣಿಯಾನಿ ಸಮಣಕರಣೀಯಾನಿ. ಕತಮಾನಿ ತೀಣಿ? ಅಧಿಸೀಲಸಿಕ್ಖಾಸಮಾದಾನಂ, ಅಧಿಚಿತ್ತಸಿಕ್ಖಾಸಮಾದಾನಂ, ಅಧಿಪಞ್ಞಾಸಿಕ್ಖಾಸಮಾದಾನಂ – ಇಮಾನಿ ಖೋ, ಭಿಕ್ಖವೇ, ತೀಣಿ ಸಮಣಸ್ಸ ಸಮಣಿಯಾನಿ ಸಮಣಕರಣೀಯಾನಿ.

‘‘ತಸ್ಮಾತಿಹ, ಭಿಕ್ಖವೇ, ಏವಂ ಸಿಕ್ಖಿತಬ್ಬಂ – ‘ತಿಬ್ಬೋ ನೋ ಛನ್ದೋ ಭವಿಸ್ಸತಿ ಅಧಿಸೀಲಸಿಕ್ಖಾಸಮಾದಾನೇ, ತಿಬ್ಬೋ ನೋ ಛನ್ದೋ ಭವಿಸ್ಸತಿ ಅಧಿಚಿತ್ತಸಿಕ್ಖಾಸಮಾದಾನೇ, ತಿಬ್ಬೋ ನೋ ಛನ್ದೋ ಭವಿಸ್ಸತಿ ಅಧಿಪಞ್ಞಾಸಿಕ್ಖಾಸಮಾದಾನೇ’ತಿ. ಏವಞ್ಹಿ ವೋ, ಭಿಕ್ಖವೇ, ಸಿಕ್ಖಿತಬ್ಬ’’ನ್ತಿ. ಪಠಮಂ.