៦. បុច្ឆាវារោ

៣៤៩. យត្ថ សតិវិនយោ តត្ថ សម្មុខាវិនយោ? យត្ថ សម្មុខាវិនយោ តត្ថ សតិវិនយោ? យត្ថ អមូឡ្ហវិនយោ តត្ថ សម្មុខាវិនយោ? យត្ថ សម្មុខាវិនយោ តត្ថ អមូឡ្ហវិនយោ? យត្ថ បដិញ្ញាតករណំ តត្ថ សម្មុខាវិនយោ? យត្ថ សម្មុខាវិនយោ តត្ថ បដិញ្ញាតករណំ? យត្ថ យេភុយ្យសិកា តត្ថ សម្មុខាវិនយោ? យត្ថ សម្មុខាវិនយោ តត្ថ យេភុយ្យសិកា? យត្ថ តស្សបាបិយសិកា តត្ថ សម្មុខាវិនយោ? យត្ថ សម្មុខាវិនយោ តត្ថ តស្សបាបិយសិកា? យត្ថ តិណវត្ថារកោ តត្ថ សម្មុខាវិនយោ? យត្ថ សម្មុខាវិនយោ តត្ថ តិណវត្ថារកោ?