៥. រូបធាតុកថាវណ្ណនា

៥១៥-៥១៦. រូបធាតូតិ វចនតោតិ ‘‘កាមធាតុរូបធាតុអរូបធាតូ’’តិ ឯត្ថ រូបធាតូតិ វុត្តត្តា. រូបីធម្មេហេវាតិ រុប្បនសភាវេហិយេវ ធម្មេហិ. ‘‘តយោមេ ភវា’’តិអាទិនា បរិច្ឆិន្នាតិ តយោមេ ភវា, តិស្សោ ធាតុយោតិ ច ឯវំ បរិច្ឆិន្នា. ‘‘ធាតុយា អាគតដ្ឋានេ ភវេន បរិច្ឆិន្ទិតព្ពំ, ភវស្ស អាគតដ្ឋានេ ធាតុយា បរិច្ឆិន្ទិតព្ព’’ន្តិ ហិ វុត្តំ, តស្មា កាមរូបារូបាវចរធម្មាវ តំតំភុម្មភាវេន បរិច្ឆិន្នា ឯវំ វុត្តា.

រូបធាតុកថាវណ្ណនា និដ្ឋិតា.