១០. វិបាកោវិបាកធម្មធម្មោតិកថាវណ្ណនា

៥០១. វិបាកោ វិបាកស្ស បច្ចយោ ហោន្តោ អញ្ញមញ្ញបច្ចយោ ហោតីតិ អធិប្បាយេនាហ ‘‘យស្ស វិបាកស្ស វិបាកោ អញ្ញមញ្ញបច្ចយោ ហោតី’’តិ. ‘‘តប្បច្ចយាបិ អញ្ញស្ស វិបាកស្ស ឧប្បត្តិំ សន្ធាយា’’តិអាទិវចនតោ បន ជាតិជរាមរណាទីនំ ឧបនិស្សយបច្ចយោតិ សក្កា វិញ្ញាតុំ. បុរិមបដិញ្ញាយាតិ ‘‘វិបាកោ វិបាកធម្មធម្មោ’’តិ បដិញ្ញាយ. ឥមស្ស ចោទនស្សាតិ ‘‘វិបាកោ ច វិបាកធម្មធម្មោ ចា’’តិអាទិនា បវត្តស្ស ចោទនស្ស.

វិបាកោវិបាកធម្មធម្មោតិកថាវណ្ណនា និដ្ឋិតា.

សត្តមវគ្គវណ្ណនា និដ្ឋិតា.