៩. បដុប្បន្នញាណកថាវណ្ណនា

៤៤១-៤៤២. ‘‘សព្ពសង្ខារេសុ អនិច្ចតោ ទិដ្ឋេសូ’’តិ វុត្តេ យំ ទស្សនភូតំ ញាណំ, តម្បិ សង្ខារសភាវត្តា តថាទិដ្ឋំ សិយាតិ អត្ថតោ អាបជ្ជតិ, ឯវំភូតំ វចនំ សន្ធាយាហ ‘‘អត្ថតោ អាបន្នំ វចន’’ន្តិ. តំ បន យស្មា ‘‘តម្បិ ញាណំ អនិច្ចតោ ទិដ្ឋំ ហោតី’’តិ បដិជាននវសេន បវត្តំ, តស្មា ‘‘អនុជាននវចន’’ន្តិ វុត្តំ. ភង្គានុបស្សនានំ បពន្ធវសេន បវត្តមានានំ.

បដុប្បន្នញាណកថាវណ្ណនា និដ្ឋិតា.