១០. សព្ពសំយោជនប្បហានកថាវណ្ណនា

៤១៣. សតិបិ កេសញ្ចិ សំយោជនានំ ហេដ្ឋិមមគ្គេហិ បហីនត្តេ ‘‘បញ្ចន្នំ ឱរម្ភាគិយានំ សំយោជនានំ បរិក្ខយា’’តិអាទីសុ វិយ វណ្ណភណនមុខេន អនវសេសតញ្ច សន្ធាយ សព្ពសំយោជនប្បហានកិត្តនំ បរិយាយវចនន្តិ អាហ ‘‘ឥមំ បរិយាយំ អគ្គហេត្វា’’តិ. អរហត្តមគ្គេន បជហនតោ ឯវាតិ គណ្ហាតីតិ អគ្គមគ្គោ ឯវ សព្ពសំយោជនានិ បជហតីតិ លទ្ធិំ គណ្ហាតីតិ វទន្តិ បទការា. ឯវំ សតីតិ យទិ អនវសេសតាមត្តេន តថា បដិជានាតិ.

សព្ពសំយោជនប្បហានកថាវណ្ណនា និដ្ឋិតា.

ចតុត្ថវគ្គវណ្ណនា និដ្ឋិតា.