១. នសុត្តាហរណកថាវណ្ណនា

២៨០. យទិបិ បាឡិយំ ‘‘តយោ មគ្គេ ភាវេតី’’តិ វុត្តំ, មគ្គភាវនា បន យាវទេវ កិលេសសមុច្ឆិន្ទនត្ថាតិ ញត្វា ‘‘កិច្ចសព្ភាវន្តិ តីហិ បហាតព្ពស្ស បហីនត’’ន្តិ អាហ. តត្ថ តីហីតិ ហេដ្ឋិមេហិ តីហិ អរិយមគ្គេហិ បហាតព្ពស្ស អជ្ឈត្តសំយោជនស្ស បហីនតំ សមុច្ឆិន្ទនន្តិ អត្ថោ. តំ បន កិច្ចន្តិ អធោភាគិយសំយោជនេសុ មគ្គស្ស បហានាភិសមយកិច្ចំ. តេនេវ មគ្គេនាតិ អនាគាមិមគ្គេនេវ. ឯតំ ន សមេតីតិ ឯវំ មគ្គុប្បាទតោ បគេវ កាមរាគព្យាបាទា បហីយន្តីតិ លទ្ធិកិត្តនំ ឥមិនា មគ្គស្ស កិច្ចសព្ភាវកថនេន ន សមេតិ ន យុជ្ជតិ. តស្មាតិ ឥមិនា យថាវុត្តមេវ វិរោធំ បច្ចាមសតិ. បហីនានន្តិ វិក្ខម្ភិតានំ. យោ ហិ ឈានលាភី ឈានេន យថាវិក្ខម្ភិតេ កិលេសេ មគ្គេន សមុច្ឆិន្ទតិ, សោ ឥធាធិប្បេតោ. តេនាហ ‘‘ទស្សនមគ្គេ…បេ… អធិប្បាយោ’’តិ.

ជហតិកថាវណ្ណនា និដ្ឋិតា.