៥-៧. តិស្សោបិកថាវណ្ណនា

៨៩៨-៩០០. អរហត្តប្បត្តិបិ គព្ភេយេវ អត្ថីតិ មញ្ញតិ. សត្តវស្សិកា ហិ សោបាកសាមណេរាទយោ អរហត្តំ បត្តា. សត្តវស្សិកោបិ គព្ភោ អត្ថីតិ បរវាទិនោ អធិប្បាយោ. អាកាសេន គច្ឆន្តោ វិយ សុបិនំ អាកាសសុបិនំ. តំ អភិញ្ញានិព្ពត្តំ មញ្ញតីតិ និទស្សនំ កត្វា ទស្សេន្តោ អាហ ‘‘អាកាសគមនាទិអភិញ្ញា វិយា’’តិ. ហេដ្ឋិមានំ ចតុន្នំ វា មគ្គានំ អធិគមេន ធម្មាភិសមយោ អគ្គផលាធិគមេន អរហត្តប្បត្តិ ច សុបិនេ អត្ថីតិ មញ្ញតីតិ យោជនា.

តិស្សោបិកថាវណ្ណនា និដ្ឋិតា.