៤. អធិគយ្ហមនសិការកថាវណ្ណនា

៧៤៩-៧៥៣. តំចិត្តតាយាតិ ឯត្ថ មនសិករោន្តោ យទិ សព្ពសង្ខារេ ឯកតោ មនសិ ករោតិ, យេន ចិត្តេន មនសិ ករោតិ, សព្ពសង្ខារន្តោគធត្តា តស្មិំយេវ ខណេ តំ ចិត្តំ មនសិ កាតព្ពំ ឯតស្សាតិ តំចិត្តតា នាម ទោសោ អាបជ្ជតីតិ ទស្សេន្តោ អាហ ‘‘តទេវ អារម្មណភូត’’ន្តិអាទិ. ឯតេន តស្សេវ តេន មនសិករណាសម្ភវមាហ, តំ វាតិអាទិនា បន សសំវេទនាវាទាបត្តិន្តិ អយមេតេសំ វិសេសោ.

អធិគយ្ហមនសិការកថាវណ្ណនា និដ្ឋិតា.

សោឡសមវគ្គវណ្ណនា និដ្ឋិតា.