២. អញ្ញមញ្ញបច្ចយកថាវណ្ណនា

៧១៨-៧១៩. សហជាតាតិ វុត្តត្តា ន សង្ខារបច្ចយា ច អវិជ្ជាតិ វុត្តត្តាតិ អធិប្បាយោ. អនន្តរាទិនាបិ ហិ សង្ខារា អវិជ្ជាយ បច្ចយា ហោន្តិយេវ. អញ្ញមញ្ញានន្តរំ អវត្វា អវិគតានន្តរំ សម្បយុត្តស្ស វចនំ កមភេទោ, អត្ថិគ្គហណេនេវ គហិតោ អត្ថិបច្ចយភូតោយេវ ធម្មោ និស្សយបច្ចយោ ហោតីតិ. អសាធារណតាយាតិ បទន្តរាសាធារណតាយ. តេនាហ ‘‘វក្ខតិ ហី’’តិអាទិ.

អញ្ញមញ្ញបច្ចយកថាវណ្ណនា និដ្ឋិតា.