១. កប្បដ្ឋកថាវណ្ណនា

៦៥៤-៦៥៧. ‘‘ហេដ្ឋា វុត្តាធិប្បាយមេវា’’តិ ឥទំ ឥទ្ធិពលកថាយំ យំ វុត្តំ ‘‘អតីតំ អនាគតន្តិ ឥទំ អវិសេសេន កប្បំ តិដ្ឋេយ្យាតិ បដិញ្ញាតត្តា ចោទេតី’’តិអាទិ, តំ សន្ធាយ វុត្តន្តិ អាហ ‘‘ហេដ្ឋាតិ ឥទ្ធិពលកថាយ’’ន្តិ. តត្ថ ‘‘ទ្វេ កប្បេ’’តិអាទិអាយុបរិច្ឆេទាតិក្កមសមត្ថតាចោទនាវសេន អាគតា, ឥធ បន សង្ឃភេទកោ អាយុកប្បមេវ អដ្ឋត្វា យទិ ឯកំ មហាកប្បំ តិដ្ឋេយ្យ, យថា ឯកំ, ឯវំ អនេកេបិ កប្បេ តិដ្ឋេយ្យាតិ ចោទនា កាតព្ពា.

កប្បដ្ឋកថាវណ្ណនា និដ្ឋិតា.