១០. អនិច្ចតាកថាវណ្ណនា

៦២៨. រូបាទីនំ អនិច្ចតា រូបាទិកេ សតិ ហោតិ, អសតិ ន ហោតីតិ ឥមិនា បរិយាយេន តស្សា តេហិ សហ ឧប្បាទនិរោធោ វុត្តោ, ឧប្បាទាទីសុ តីសុ លក្ខណេសុ អនិច្ចតាវោហារោ ហោតីតិ យថា តយោ ទណ្ឌេ ឧបាទាយ បវត្តោ តិទណ្ឌវោហារោ តេសុ សព្ពេសុ ហោតិ, ឯវំ ជាតិជរាមរណធម្មោ ន និច្ចោ អនិច្ចោ, តស្ស ជាតិអាទិបកតិតា អនិច្ចតាសទ្ទេន វុច្ចតីតិ ឧប្បាទាទីសុ លក្ខណេសុ អនិច្ចតាវោហារោ សម្ភវតីតិ វុត្តំ ‘‘តីសុ…បេ… ហោតី’’តិ. វិភាគានុយុញ្ជនវសេនាតិ បភេទានុយុញ្ជនវសេន. តត្ថ យថា ជរាភង្គវសេន អនិច្ចតា បាកដា ហោតិ, ន តថា ជាតិវសេនាតិ បាឡិយំ ជរាមរណវសេនេវ អនិច្ចតាវិភាគោ ទស្សិតោតិ ទដ្ឋព្ពំ.

អនិច្ចតាកថាវណ្ណនា និដ្ឋិតា.

ឯកាទសមវគ្គវណ្ណនា និដ្ឋិតា.