៨. សមាធិកថាវណ្ណនា

៦២៥-៦២៦. សមំ ឋបនដ្ឋេនាតិ សមំ វិសមំ លីនុទ្ធច្ចាទិំ បដិពាហិត្វា, វិក្ខេបមេវ វា វិទ្ធំសេត្វា ឋបនដ្ឋេន. ‘‘ចិត្តសន្តតិ សមាធី’’តិ វទន្តេន តស្ស ចេតសិកភាវោ បដិក្ខិត្តោ ហោតីតិ អាហ ‘‘ចេតសិកន្តរំ អត្ថីតិ អគ្គហេត្វា’’តិ. ភាវនាយ អាហិតវិសេសាយ ឯកគ្គតាយ វិជ្ជមានវិសេសបដិក្ខេបោ ឆលំ, សោ បនស្ស អនាហិតវិសេសាយ ឯកគ្គតាយ សាមញ្ញេនាតិ អាហ ‘‘សាមញ្ញមត្តេនា’’តិ.

សមាធិកថាវណ្ណនា និដ្ឋិតា.