វិនយវិនិច្ឆយោ

គន្ថារម្ភកថា

១. វន្ទិត្វា សិរសា សេដ្ឋំ, ពុទ្ធមប្បដិបុគ្គលំ;

ភវាភាវករំ ធម្មំ, គណញ្ចេវ និរង្គណំ.

២. ភិក្ខូនំ ភិក្ខុនីនញ្ច, ហិតត្ថាយ សមាហិតោ;

បវក្ខាមិ សមាសេន, វិនយស្សវិនិច្ឆយំ.

៣. អនាកុលមសំកិណ្ណំ, មធុរត្ថបទក្កមំ;

បដុភាវករំ ឯតំ, បរមំ វិនយក្កមេ.

៤. អបារំ ឱតរន្តានំ, សារំ វិនយសាគរំ;

ភិក្ខូនំ ភិក្ខុនីនញ្ច, នាវាភូតំ មនោរមំ.

៥. តស្មា វិនយនូបាយំ, វិនយស្សវិនិច្ឆយំ;

អវិក្ខិត្តេន ចិត្តេន, វទតោ មេ និពោធថ.